.............. متابعة السوق ............ ويستمر العطاء

[Fierce]

يا أخوان هالأيام هابين هبه بشماعة نزول النفط والله عيب واحنا سوقنا نازل فني وراح يطلع بإذن الله فني مابي اعيد وازيد عن كلام الأخوان ولكن كثر الدق يفك اللحام والإرجاف وصل حده جريده تلفزيون منتدى تويتر كله يتكلمون عن نزول النفط.

انزين احنا سوقنا نازل والنفط صاعد
احنا سوقنا نازل واسواق العالم صاعده
احنا سوقنا نازل والاسواق الاقليميه صاعده
هناك شيئ بين السطور لا يعلمه الا الله


على فكره يا اخوان انا غير متشائم واحب التفاؤل


كل المؤشرات الفنيه توحي بارتداده طيبه


المؤشر السعري معطي اربع اشكال فنيه ايجابيه وجاهز للانطلاق

الا اذا كان هناك اشياء لا نعلمها فالله حسبنا فيها ونعم الوكيل

والحمدلله رب العالمين

 

[SpeciaL 1]

بإذن الله تهون..
وهي مسألة وقت..
صح كررناها لين زهقنا لك هذا الواقع..

إن شاء الله ما ننزل لي 5800 ونرتد من منطقة 6400 وما بقى إلا القليل لها..
يقدرون ينزلونه لي هالرقم خلال جلسة لكن نرد على مسألة الوقت

النزول سنة 2009 وقف عند 6444
وبالشكل نشوف انها منطقة ارتدادات..
يبقى الـ RSI ما وصل للحين لمنطقة الصفر !!

لكن نقول ( يا الله )
وهو من بيده الأمر كله سبحانه وتعالى..

 

[Albaghdadi]

شارت تنظيف اول مره اشوف شمعه تحت البولنجر بهذه الطريقه ، ربع سنوي نصف سنوي ،

 

[Albaghdadi]

الف نقطه بشهر ونصف خسرناها ، في ظل اخبار ايجابيه متعلقه بجميع شركات السوق ، من تسويات واعلان ارباح ، والسيوله الى اقل مستوياتها .

للامانه اللي احاتيه انه بعد سنوات ولازال السوق يحوم حول القاع ، فكم يحتاج من الوقت حتى يحوم عند القمه !

يا صبر الشعب على بلواه

 

[Albaghdadi]

باجر باجر بيان يوصل للنقطه اللي ذكرتها باغلاق تحت ٧٠ وهي ٦١ فلس ، بالنسبه لي هو دعم مهم جدا ، بس عاد شكثر دعم مهم جدا كسر وتمصخر ، وكلن وجب التنويه والرزق على الله

 

[نبيه خضر]

شارت تنظيف اول مره اشوف شمعه تحت البولنجر بهذه الطريقه ، ربع سنوي نصف سنوي ،

المصيبه انه هالسهم بنزول مستمر غريب عجيب و حتا الرابطه على نفس المنوال و كأنه هالشركات منسيه من ملاكلها وله اقولك اصلا ماكو صانع سوق

 

[بوقاسم]

بالاذن من بواحمد
4 - احد الكتاب وفي لقاء تلفزيوني، يقول ان الكويت فيها افضل شوارع في العالم وافضل مستشفيات في العالم وافضل ادوية ودكاترة في العالم، بكل آمانة تخيلته قاعد قدام جدة امه ويقولها انتي شيخة البنات.

 

[السور]

بالاذن من بواحمد
4 - احد الكتاب وفي لقاء تلفزيوني، يقول ان الكويت فيها افضل شوارع في العالم وافضل مستشفيات في العالم وافضل ادوية ودكاترة في العالم، بكل آمانة تخيلته قاعد قدام جدة امه ويقولها انتي شيخة البنات.

وسونا احسن ناس

 

[التحالف]

السلام عليكم ورحمة الله وبركاته
مساكم الله بالخير جميعا

انا لست بمحلل متمرس ولكن لي وجهة نظر اطرحها بشارت
ملخص سريع لشارتي البسيط
اخطر رقم يواجه السوق 6622 في حالة الهبوط .... اذا كسره ولم يرتد منه نقول السوق رايح 6523 وقد يمتد إلى 6504 وهو نقطة راس المثلث ...

شوفوا رقم أول دعم للسعري

 

[وايلي]

السلام عليكم
في حال كسر
6639
اتوقع امامنا حوالي 200 نقطة نزول
وتبقى وجة نظر خاصة غير ملزمة

 

[رابح رابح]

شارت تنظيف اول مره اشوف شمعه تحت البولنجر بهذه الطريقه ، ربع سنوي نصف سنوي ،

ها بو احمد طلع كلامي مضبوط

 

[وايلي]

 

[ابو محمد 2007]

ان شاء الله اليوم الاغلاق اخضر توقع بس

 

[وايلي]

يا اخوان خفوا مضاربة والشراء الغير ضروري والخطر
خلوا صفقات السوق تتراجع حتى يخسر الكل معاكم واولهم الهيئة والبورصة ومكاتب الوساطة
عندما ترى صفقات السوق 3 الاف فهي في الواقع 6 الاف لانهم ياخذون من الشاري والبائع
خلوها تصل للصفر ان استطعتم عنها ستجدون الحلول السحرية تاتيكم من صوب
اقدروا على حالكم ولا تشترون الغير ضروري والخطر وخفوا المضاربة

 

[ابو محمد 2007]

لا تشتروا ولا تبيعون خلهم يبيعون ويشترون على بعضهم

 

[رابح رابح]

شعور المساهم في بورصة الكويت
...
اذا ارتفع السهم يخاف ينهار
واذا ارتفع واستقر يخاف يعلون انسحاب
واذا انهار السهم يخاف يفلسونه

منقول من كاريكاتير​

 

[امبركو]

هانت إن شاء الله .. راح الكثير ولم يتبقى إلا القليل ..

 

[رابح رابح]

هانت إن شاء الله .. راح الكثير ولم يتبقى إلا القليل ..

هههههههههههههههه هانت مابقى الا جم الف نقطة وجم شركة يفلسونهم وجم مليون سهم يشفطونهم

 

[فارس777]

معقوله هذه الاسعار قلنا اسهم اقل من القيمه الدفتريه ويمكن بنص قيمتها الدفتريه ولكن ان يصل سهم قيمته السوقيه 35 فلس وقيمته الدفتريه 195 فلس ( سهم مراكز )

 

[أبو فلسين]

انا اطلب من خوانى المحللين عدم تحليل السوق لانه صراحه تحليلكم شوي يخرع كل محلل يخترع له رقم ويقول هذا قاع السوق وعباله احنا بالبورصه اليابانيه
احنا بالسوق الكويت نحتاج قرار من صاحب القرار وأتمنى الكل يفهم منو صاحب القرار
وعلى فكره ترا صاحب القرار رجل أقتصادى محنك من الطراز الاول ويدرى انه السوق نازل وعنده خبر بمعانات اللى بالبورصه
مادرى كأنى احس لما شاف قاعة التداول متروسه بالناس قال والله لا اخلى هالقاعه فاضيه
وانا اليوم كلمت عضؤ مجلس الامه ووصلت له معاناتنا بالسوق وقالى الكل يدرى بس القرار عند صاحب القرار قلت تجرء وكلمه قال بنزل تصريح بعد جم يوم وأن شاء الله يحس بمدى معانتكم البورصويه
انا اطلب من خوانى بدال ما يطلبون من المحللين يحلل له المؤشر اطلب منهم اللى يعرف له عضؤ بالمجلس او حتى سكرتير عضؤ يكلمه يوصل له انه الناس جدا مستائه ومتشائمه
المحلل مابيده حتى تحليل يشوف ارقام وقيعان قديمه لامسها المؤشر السعري ويقولك الدعم بالرقم الفلانى وان كسر الرقم الفلانى راح يروح لرقم الفلانى