تــــــــــــــغــــــــــــــــــريــــــدات...................تفـــــاؤل وأمـــــل

[صاعد نازل]

يشهد لهم

استاد جابر
ومناقصات الشوراع

وخصوصا الشوراع بدليل بس يطق مطر عندنا
يصير علينا قصف من فوقنا وتحتنا
قبل الغزو لما يزفتون شارع يقعد عشر سنوات اذا مو اكثر ما يحتاج شي
ألحين مع اول غيمة تنفجر شوراعنا بالحصي المتطاير

على خبري الشوارع اللى كان مستلمها مؤسسة البوص مو الخرافى .

لأن اذكر كانوا يحطون علامات نأسف للازعاج مع تحيات ...

 

[صاعد نازل]

اذا الخرافي خذا مناقصة المطار يعني الامور السياسية جدا طيبه ....
وافهم ياللي تفهم

شنو الشركات اللى داشه منافسه على مناقصة المشروع وشنو المشاريع اللى انجزوها علشان نقارن .

 

[صاعد نازل]

بوزياد الله يرحم والديك سكر الموضوع علشان ما تحوشني جلطه ،،،،

وليش زعلان بواحمد

قولى السبب .

يعنى شركه معترف فيها عالميا

اذا فشلو باستاد جابر فهم من قام ببناء استادين فى كاس العام 2010 بجنوب افريقيا

وهم اللى بنوا مطار الحريرى و توسعة مطار القاهره .

واذا زعلانين على المبلغ .. هذا مطار الشيخ مكتوم التوسعه تكلف 8 مليارات دينار .

 

[يوسف_007]

مساء الخير على الجميع

ماراح أتكلم كثير وخير الكلام ماقل ودل

بو أحمد صديقي العزيز

بس أبي شغله وحده فكر بالكلام هذا

لما وزير صحه يقول المستشفيات والدكتاتره والأجهزه من أفضل مايكون وبعد فتره يحوشه إنسداد بالشريان
ويطلب طياره خاصه ويذهب للعلاج بالخارج ماذا يعني لك هذا
بالضبط هذا اللي حاصل بالسوق الكويتي يمدحون الشركات ويمدحون الأرباح والتوزيعات وأول هزه من صانع السوق الكل يبيع ويتخلى عن سهم
المسأله ياعزيزي بختصار أزمة ثقه وراح تشوف بنفسك إذا الله عطانا عمر وين راح يدخلون صغار المستثمرين راح يصعدون الأسهم صناع الأسهم
وراح يبيعون عليهم فوق وتذكر مشاركتي هذي طبعا أنا ما أنصح أحد بالشراء ولا البيع لاني لو إني منهم ما أشتري حتى أقنع عشان ما أبيع لان دخلت غلط
الربح في سوق الأسهم سهل ولكن الصعب هو محافظتك على ربحك حتى تخرج من السوق بربح وأعلم ان الدراسات تقول أن 10% من متداولين الأسهم بالعالم
هم من يربحون تقربيا والباقي بين خسرانين وقله قليه من يخرج برأس ماله ويمكن نادره وإذا كنت تريد أن تصبح من ال 10% لازم يكون تفكيرك مخالف عن الأغلبيه
يعني إذا رأيت التفائل عالي إحذر وإذا رأيت التشائم عالي إقتنص الفرصه وكما ( يقولون الأزمات تصنع الثروات )
وإعلم تماما أنه لايوجد سوق بالعالم كويتي وإلا غيره يستمر بالصعود أو النزول فقط اسواق المال تبي شغلتين تعرف متى تدخل ومتى تخرج

إنتهى

 

[Albaghdadi]

اعتقاد الكثير ان حركة الاسواق تحددها ارباح الشركات والديون ووو اعتقاد غير دقيق وربما خاطئ .. الحقيقه ان مايحدد اتجاه الاسواق هو نفسية المتداولين،،
الجو السائد .. شعور الناس الايجابي والسلبي هذا مايحدد اتجاه اسواق المال

اطالب الحكومه الرشيده بنقل صالة التداول الى افنيو برستيج مع ضرورة ان يكون الوضع قز حتى تكون النفسيه والمعنويه عاليه ،،،،، ياخوفي يصير الوضع تنقيط !

 

[Albaghdadi]

وليش زعلان بواحمد

قولى السبب .

يعنى شركه معترف فيها عالميا

اذا فشلو باستاد جابر فهم من قام ببناء استادين فى كاس العام 2010 بجنوب افريقيا

وهم اللى بنوا مطار الحريرى و توسعة مطار القاهره .

واذا زعلانين على المبلغ .. هذا مطار الشيخ مكتوم التوسعه تكلف 8 مليارات دينار .

لا ابد مو زعلان بومبارك ،،،، بالعكس شغل عدل ومرتب ما شاء الله عليهم ، وين انلاقي احسن منهم .

اعتقد تقصد ٨ مليار دولار ، يستوعب ٦٠ مليون سنويا جنه ، يعني احنا راح يستوعب ٣٠ مليون ؟

 

[Albaghdadi]

انزين ليش انتهى ؟ ما تبيني ارد عليك واعقب والا شنو

 

[صاعد نازل]

لا ابد مو زعلان بومبارك ،،،، بالعكس شغل عدل ومرتب ما شاء الله عليهم ، وين انلاقي احسن منهم .

اعتقد تقصد ٨ مليار دولار ، يستوعب ٦٠ مليون سنويا جنه ، يعني احنا راح يستوعب ٣٠ مليون ؟

لا لا اقصد دينار و بعد 10 مليار مو 8

http://www.albayan.ae/economy/local-market/2014-09-08-1.2197645

خش الراجل اللى جواتك .

 

[Albaghdadi]

بومبارك يبي يستقبل ٢٠٠ مليون مسافر بالسنه ! انت متخيل الحجم !!

عموما انا مو معترض على سعر تكلفة المطار ، لاني مادري شنو اللي يبون يسوونه وكم الطاقه الاستيعابيه له ، المهم الامور طيبه ، والحياة حلوه ، والحمدلله على نعمة الامن والامان وكل شي تمام .

 

[الكوت]

اطالب الحكومه الرشيده بنقل صالة التداول الى افنيو برستيج مع ضرورة ان يكون الوضع قز حتى تكون النفسيه والمعنويه عاليه ،،،،، ياخوفي يصير الوضع تنقيط !

بواحمد حبيب قلبي طول بالك شوى
في ترتيبات جاريه على قدم وساق لعودة كبار المضاربين الى السوق
فان تمت ستعود الروح الي سوق الكويت للاوراق الماليه
وان لم تتم سلم على طحنون

 

[Albaghdadi]

شباب من قالكم اني معصب او متضايق ؟ بالعكس والله ! كنت متضايق الظهر ، بس الحين ابد ماكو الا العافيه .


الكوت منو طحنون ؟!

 

[يوسف_007]

انزين ليش انتهى ؟ ما تبيني ارد عليك واعقب والا شنو

تقصد تغرد

انت حتى ردك ربيع
حتى لو ماكنت المذيع
لازم اسمع كل كلامك
حتى منك استفيد

ههههههه

لك المايك

 

[صاعد نازل]

اتوقع

باجر السوق نزوووووول للرقم بو محمد* 7282

و بعدها صعوووووود وفرحه و امل .



* 333gust

 

[Albaghdadi]

لا مفروض اتقول خلوووووووها ههههههه حبيب يا بويعقوب

 

[التحالف]

«زين»: 161 مليون دينار أرباح 9 أشهر
المجموعة تحقق إيرادات مجمّعة بقيمة 3.3 مليار دولار... وربحية السهم 41 فلساً

 

[دايــم]

خالد الحربي من خيرة المحللين.. وهو من شركة الصالحية العقارية..

ويعتبر اول محلل من النوادي الذي ظهر ببرنامج المؤشر ب 2008

طيب ،، وش قلت انا
الاخ يستفسر هل هو الموجود بمنتدى الموشر صاحب معرف حربي وربي الله ،
وقلت له لا ليس هو

اذا تبي السيفي
هو مدير ادارة الاستثمار بشركة الصالحيه
ونكه جوجل 83 بالنوادي
وتحليلاته مميزه
ودايما يعطيك تحليل مطول ،، اولا اساسي وبعدين فني
وتحليلاته ليست مضاربيه بل تعتبر استثماريه

 

[دايــم]

مساء الخير ع الجميع


عائلة الخرافي من يومهم عائلة خير وفيهم خير ع ديرتهم الكويت

وساهموو في نهضتها


بس المشكله اللي يهاجم مع الخيل ياشقرا

للعلم 70 بالميه من البنيه التحتيه بالكويت من مساهمة شركة الخرافي

والعمل مرتبط بالخطاء


ومناقصة المطار يستحقونها بجداره

الله يوفق كل تاجر يسخر امواله لخدمة الكويت وشعبها

اختلف معاك جمله وتفصيلا
شركات الخرافي لم تتوسع الا بعد 1996 ولا قبلها حالها حال باقي الشركات ،، الم تكن انزل منهم
واستحوذت بسنه 2003 على كل المناقصات وقامت تخسبق وتعطي بالباطن
ولا قبل نصيب الاسد لشركة الاحمديه وباقي الشركات
ومابي اتشعب لا اجيب العيد

 

[بــوزيــاد]

يسعد صباحك اخ دايم

انسي موضوع الخرافي


ميادين نظرتك له وشكراً

 

[abo riann]

مافي صعود للسوق
الين يلغون المادة 122
شلون تبونهم الحلوين يشتغلون والمادة 122 مسلطه على ارقاب الحلوين
كبروا الوسادة مافي شغل حتى الغاء 122
122
122انشرها جزاك الله خير

 

[دايــم]

وليش زعلان بواحمد

قولى السبب .

يعنى شركه معترف فيها عالميا

اذا فشلو باستاد جابر فهم من قام ببناء استادين فى كاس العام 2010 بجنوب افريقيا

وهم اللى بنوا مطار الحريرى و توسعة مطار القاهره .

واذا زعلانين على المبلغ .. هذا مطار الشيخ مكتوم التوسعه تكلف 8 مليارات دينار .

اخوي صاعد
العيب كله بالمحسوبيات والترضيات وعدم محاسبة الشركه
نعم صحيح بناء استاد بجنوب افريقيا بتكلفه بسيطه جدا وشغل جامد جدا وفتره زمنيه قصيره
لانه هناك مافيه واسطات وغض النظر
اما مطار القاهره اسمح لي
من قام به هي شركة تركيه ،
والقيمه تعتبر عاديه بشرط ان تكون المواصفات قياسيه وليس شغل كيربي