تـــــغــــــــــــــريـــــــدات........................... InDepth & البغـــــــــــــدادي

[Albaghdadi]

اللي صج معقدني بالشركات ، شلون شركة موجوداتها 100 مليون تربح 2 مليون .. وشركة راس مالها 11 مليون تربح 4 مليون !

 

[Albaghdadi]

والله كل ما ارجوه ان يكون عندي الصبر والحكمه في الفتره القادمه اني ما اخذ قرار مفاجئ واطلع من السوق لسبب اني مليت وتعبت ومن هالكلام ، لما اقعد اسولف مع نفسي ( حتى مع نفسك تسولف مو كافي الصفحه ! ) عن سبب نزول السوق في 2008 ، طبعا الجواب جاهز ، بسبب الازمه العالميه ، يرد علي الرجاااااااااااااااااااااااال اللي جواتي ، زين والحين انتهت الازمه العالميه ليش للحين ما قطينا ثوب الازمه ، ارجع واقوله مشكلتنا الحين سياسية ، همممممممم يرجع الرجال اللي جواتي ويقولي ياحبيبي مصر ثوره وناس ماتت ورئيس طار ويه وراه رئيس ثاني وهم طار واقتصاد شبه مفلس والحاله حاله وسوقهم تدوبل ، انت شعندك من مشكله سياسية مقارنه باللي صار في مصر !

المهم بالنهاية اجبر على اخراس الرجال اللي جواتي لاني فعلا اوصل معاه لطريق مسدود ، ارجع وأسأل نفسي سؤال ، الشركات بالسوق الكويتي زينه ؟؟ صج يعني زينه ؟؟ شلون تعرف ؟؟ يعني شركة ما عليها ديون ومحققه ارباح وتتداول تحت ال 100 فلس ، طيب شلون ؟؟ لو فيه خير ما عافه الطير ! وين الطير ؟؟ طار الطير !

الرجال اللي جواتي قام يأشر لي ، يسويلي حركات بايده لاني مسكر حلجه ،،، جليل الحيا ما عرفت اربيه ههههههههههههههههههههههههههه

الخلاصه اللي وصلت لها ،،،، السبب الوحيد في عدم تفاعل السوق مع اي شي ايجابي هو عدم وجود الرغبه ،،،، من منو ؟ حتى الرجال اللي جواتي سوه روحه ميت

لا ازمه ولا اقتصاد ولا سياسه ولا بطيخ ،،،،، السبب رغبه



انا اشهد اني من زمان ما فصلت ... والسبب اني يوعان وقاعد اهلوس

 

[Albaghdadi]

وانتهت ازمة رمال .. بيع العقار وتسوية المديونية مع البنك ..

على نظام سوقنا ،،،، باجر نصيده بالادنى !!؟؟

 

[Albaghdadi]

وطنيه عقاريه .. تخيل معاي .. جدول 158 مليون لمدة سبع سنوات .. وحصل على حكم قضائي تاريخي بادارة المنطقة الحره اللي تساوي عشرات الملايين .. والسهم ما صعد حتى عشر فلوس ..

السلام تزيد ارباحه الفصليه بنسبة 1500% عن السنه اللي طافت ،،، والشركه بدون مطلووووبات ،،، وبعد الاعلان ،،، يرجع حد اعلى 100 فلس .. ويسكر 95 .. واليوم ب 89 !


انزين الخبر يقتل التحليل ؟ التحليل يكشف الخبر ؟؟ التحليل والخبر في بعض الاحيان مالهم علاقه بالسعر السوقي !

 

[Albaghdadi]

اخوي عبدالله قاعد تقرى من صفحة 167 .. مأجور ان شاء الله .. وراك درب يا الحبيب

 

[Albaghdadi]

لا والله جد .. ابي افهم شلون ؟

هيتس تليكوم .. موجوداتها 90 مليون .. 43 مليون موجودات متداوله .. واستثمارات 32 مليون .. والمطلوبات تم حلها بزيادة راس المال للدائنين وانتهينا من هالشي .. وخساير مرحلة 6 مليون ، يمكن شطبها من بالاحتياطات اللي تقدر بنفس السعر .. حلو ؟ تمام جذي ؟؟

الشركة تشتغل بالاتصالات .. وبالنصف الاول ، وبحسب البيانات المختصره في موقع البورصه ، ايرداتها من 1/1/2014 لي 30/6/2014 = 87 مليون دينار ، يعني ايرادات الشركه كللللللللللللها 87 مليون دينار في ست شهور ولكن ربحيتها من هالمبلغ 344 ألف دينار ! شلون ؟ من صجك انت ؟

 

[Albaghdadi]

يعني تخيل معاي .. شركة مثل الصناعات الوطنيه .. استثماراتها بس .. فوق المليار دينار .. وللأسف ارباحها المرحله 12 مليون دينار .. وبالاخير يطلع الوقح بكل جرأه وقلللللللت ادب ويقول ، لقد تجاوزنا ازمة 2008 !

امممممممممممممممش لا اهفك ..

 

[Albaghdadi]

المهم .. بس بغيت اقولكم .. السوق صاااااااااااااااااااااااااعد صاعد ومراح نكسر 7260 .. ورايحين 11500 .. والله راح يغير علينا بسرعه ان شاء الله .. وانتوا كيفكم ..

 

[Albaghdadi]

والسلام ختام ..

والسلام عليكم ورحمة الله وبركاته

 

[حمد44]

كمل كمل بو أحمد قاعد تقط كلام من ذهب
بس أشوفك وايد متشائم وهالصفحه ممنوع التشائم
بو عبدالعزيز عطه 3 أيام إجازه

 

[speedorinoo2]

السلام عليكم ورحمة الله وبركاته
مساك الله بالخير بوأحمد
الله يعين الجميع إن شاء الله آمين
وهذا سوقنا للأسف فيه مجموعة تسمى نفسها صانع سوق
لوبي ماسوني صهيوني ما يعرف يمه أرحميني
مجموعة من أقذر البشر حشى القاري والسامع
وهالصانع محسوب على اللي خبرك لأنه هو صانعه بيده
ناس بخيلة وتموت مو بالبيزة بل حتى بالآنه
وأطلق للرجال جواتك العنان حتى يقدر القاري يفهم من أسئلة المحتار
والله يجيب الأمور سليمة إن شاء الله

 

[Albaghdadi]

كلام يجيب كلام ،، قرقر نفرات واجد

مافي فلوس ،، مافي اهتمام انا يبي يباعد

انا منهوس ،، حكومة يدوس والتجار يبوس انا زعلان واجد

 

[Albaghdadi]

السلام عليكم ورحمة الله وبركاته
مساك الله بالخير بوأحمد
الله يعين الجميع إن شاء الله آمين
وهذا سوقنا للأسف فيه مجموعة تسمى نفسها صانع سوق
لوبي ماسوني صهيوني ما يعرف يمه أرحميني
مجموعة من أقذر البشر حشى القاري والسامع
وهالصانع محسوب على اللي خبرك لأنه هو صانعه بيده
ناس بخيلة وتموت مو بالبيزة بل حتى بالآنه
وأطلق للرجال جواتك العنان حتى يقدر القاري يفهم من أسئلة المحتار
والله يجيب الأمور سليمة إن شاء الله

ياااااااااا هلا بالشيخ الجليل ،، وعليكم السلام ورحمة الله وبكاته .. ومساؤك اجمل بالغيم والمطر والنسمه الجليله ..

انا اكثر شي محاتيه بوعزوز اللي قاعد يخزني ،،، اخاف يصكني ايقاف على ابو انه يبي يطبق القانون على الجميع ههههههههههههههههه

على طاري الرجال اللي جواتك ،،، هذول الربع يوم كانو بالكلية العسكرية ،،، كان في ضابط الله يذكره بالخير ،،، دااااااااااااااااااااااااايم يذكرونه ،،، وكانت هذي جملته الشهيره ،،، ابي اشووووف الرجااااال اللي جواتك .

 

[Albaghdadi]

اقول يا الربع .. الحمدلله انه الديره مو مسموح فيها الممنوعات .. والا جان علووووووووووووووووم ..

 

[speedorinoo2]

كلام يجيب كلام ،، قرقر نفرات واجد

مافي فلوس ،، مافي اهتمام انا يبي يباعد

انا منهوس ،، حكومة يدوس والتجار يبوس انا زعلان واجد

لا تخلي هاللوبي النجس ينتصر عليك يا بوأحمد
ولا تخليه يثبط العزيمة والهمة
وأنت قدها وقدود الله يسلمك ويعافيك من كل شر وسوء
والحمدلله رب العالمين على كل حال
فمن كفاه قوت يومه وأقتنع فقد حاز وملك الدنيا وما فيها
أنت سعيد وهم تعساء
أنت كفيف وهم رغم ما يملكونه بؤساء
ولا تغرنك إبتسامتهم فقلوبهم كالحجارة أو أشد قسوة
عافانا الله وإياكم

 

[Albaghdadi]

يعني شوف .. تجاره .. شركة عقاريه .. موجوداتها 65 مليون دينار .. تربح 139 ألف .. بياااااااااااااااااا مله هااااااااااااي بياااااااااااااااا شرررررررررررررررع .. هاااااااااااي شنو طرقااااااااااااااااعه

 

[Albaghdadi]

التزاماً بما جاءت عليه تعليمات هيئة أسواق المال رقم (هـ أ.م/ ق.ر./إ.م /2/2012) بشأن الإفصاح عن المعلومات الجوهرية وآلية الإعلان عنها، خاصة ما ورد بها في البند ثالثاً: الإفصاح عن المعلومات الجوهرية، وكذلك ما ورد في الفقرة (3) من البند تاسعاً: آلية الإفصاح عن المعلومات الجوهرية، نفيدكم علماً بأن بأن المحكمة أصدرت قضاءها بجلسة يوم الثلاثاء الموافق 28/10/2014 في الدعوى رقم 3474/2014 تجاري كلي / 11 المقامة من الشركة الوطنية للميادين ضد البنك التجاري الكويتي وآخرين والخاصة ببطلان بيع أسهم المحفظة الاستثمارية رقم 4218 بإحالة الدعوى لرئيس المحكمة لوجود مانع أدبي.

هذا وسوف نوافيكم بأية مستجدات حول هذا الموضوع في حينه.

شلون يعني مانع ادبي ! شكو الادب في الموضوع !! ثقفونا جزاكم الله خير

 

[speedorinoo2]

مو الله يسلمك لا تنسى التوزيعات الداخلية للعصابة وآتاوة لزعيم المافيا

 

[speedorinoo2]

اقول يا الربع .. الحمدلله انه الديره مو مسموح فيها الممنوعات .. والا جان علووووووووووووووووم ..

ودي اصدق

 

[الكوت]

التزاماً بما جاءت عليه تعليمات هيئة أسواق المال رقم (هـ أ.م/ ق.ر./إ.م /2/2012) بشأن الإفصاح عن المعلومات الجوهرية وآلية الإعلان عنها، خاصة ما ورد بها في البند ثالثاً: الإفصاح عن المعلومات الجوهرية، وكذلك ما ورد في الفقرة (3) من البند تاسعاً: آلية الإفصاح عن المعلومات الجوهرية، نفيدكم علماً بأن بأن المحكمة أصدرت قضاءها بجلسة يوم الثلاثاء الموافق 28/10/2014 في الدعوى رقم 3474/2014 تجاري كلي / 11 المقامة من الشركة الوطنية للميادين ضد البنك التجاري الكويتي وآخرين والخاصة ببطلان بيع أسهم المحفظة الاستثمارية رقم 4218 بإحالة الدعوى لرئيس المحكمة لوجود مانع أدبي.

هذا وسوف نوافيكم بأية مستجدات حول هذا الموضوع في حينه.

شلون يعني مانع ادبي ! شكو الادب في الموضوع !! ثقفونا جزاكم الله خير

يعطيك العافيه اخوي بواحمد
المقصود بالمانع الادبي هو وجود صلة قرابة اومعرفة بين القاضي واحد اطراف التقاضي