شركة مجموعة الراي الاعلامية

[بووعبدالله]

اخوي الله يعطيك العافيه,,,

حبيت اسئلك عن شركة صكوك اذا عندك اي معلومه عن سعرها...

اكون شاكرلك..

 

[الناسجت]

مساء الخير

بالنسبه لموضوع القرين وبعيدا عن قوانين المقاصة في الادراج ..
ولو عندك نشرة اكتتاب القرين افتح صفحه 14 \4.25
مذكور هالكلام .....

سيتم تقديم طلب لادراج الاسهم في سوق الكويت للاوراق الماليه بعد مرور عام على
تسجيل الشركة واصار ميزانيتها الاولى حسب نصوص القانون ..

انتهى الكلام .

هنا ملاحظة .بل ملاحظات .. اولا الكلام ينفهم منه وايد اشياء منها ان الشركة ستدرج بعد سنه
ومنها انها ستدرج بعد اول ميزانية واهني ندش في دهليز ثان .. لانا ما أدري متى حسبو بداية سنتهم
المالية او بدت فعلا او راح تبدي يناير السنه 2006 كما ينص القانون ان بداية كل سنه
ماليه لازم تكون اول السنه .. وبعد اعلان قيام الشركة نهائيا عن طريق انعقاد الجمعية العمومية الاولى لمعرفة
الاعضاء المنتخبين .. طبعا تم انعقاد جمعيتهم في شهر مارس اذا انه مو غلطان عام 2005
.. وما ادري شنو يقصد من كلمة من تاريخ تسجيل الشركة بالضبط لانه يفتح علي باب اكثر من احتمال

بس الاغرب من كل هذا .. افتح نفس النشرة صفحة 30 وأقراء التالي

ستتقدم شركة القرين لادراج أسهمها في سوق الكويت للاوراق الماليه وذلك حالما
تسمح لها الانظمه بذلك وبناء على الانظمه الحالية وتوقعات شركة القرين لصناعة البتروكيماويات البترولية يتوقع
أن يتم هذا الادراج بعد حوالي سنه ,,,,
!!!!!!!!!!!!!!

النشرة تقدر تحصلها في البنك الوطني ...

طبعا من هالجمله الاخيرة اكيد نفهم أن ادارة الشركة ناوية وعندها نية مبيته أن تنزل السوق باسرع
وقت ممكن .. واذا كانت الادارة مهتمه فعلا بذلك اتوقع راح تدرج بعد سنه واشهر معدوده
وحط في بالك شي مهم جدا جدا .. وابشركم .. انه سهم الشركة محمل بالارباح من الحين لانها شرت
6 بالميه من ايكويت وايكويت ارباحه جيده جدا ..
يعني ارباحها دشت في ميزانة القرين للربع الاول مبدئيا اذا قلنا انه سنتهم المالية بدت بالفعل ..

الزين في السهم من جهه ولو انها جانب سلبي من جهه اخرى ان الحكومه ما لها حصه فيها
يعني عملية الدمج للاسهم راح تكون وايد اسهل من بوبيان والوقود لان الاخيرتين راعي اكتتابها شركة المقاصة
ومشددين بالدمج بس القرين لا .. انشاء الله بس يعتمدون اول ميزانية تروح مقر الشركة هناك
وين ما كان ومتوقع ان يكون المقر القانوني في مدينة الكويت يعني الديرة وتدمج بالراحه الاسهم

أقول اذا الجماعه أصحاب الشركة يقولون في النشره .. المتوقع ان يكون بعد عام
فآنه شنو أقول بعد ..........

دمتم

 

[الناسجت]

يا خال يا بو ثنتين \ ويا عزوز25

مساء الخير
اخواني الاعزاء اللي استفسروا عن شركة الامتياز وشركة الصكوك
ارجو المعذرة فقد ذكرت لكم شركات خمسة فقط وما فيهم الاخيرتين
فما اعرف عنهم شيء

لاني اعتقد اكتتاباتهم خاصة ومو عامة ..

دمتم

 

[الناسجت]

اخوي بيج بن 78

اخوي بيج بن 78
يعطيك العافية ولو تراجع ردي الاول على اخونا الكريم
بو جاسم تشوف انه نفس سالفتك شرى اسهم من رفيجه ويبي يضمن
الدمج وراح تلقى الاجابه الشافية انشاء الله ..
اما طلبك النصحية بخصوص السعر فهذا الموضوع حساس
جدا بالنسبة لي لاني شفت اللي يصير بالمنتدى .. شباب طيبين وأياويد
يبون يفيدون الناس بنصايحهم فيذكرون ارقام معينه
فيصدف ان تنقلب الاوضاع وتسير الرياح غير مشتهى
اللي اخذوا بالنصيحه >>ولو انها كانت خالصة لوجه الله بس هذا سوق
والمسكين يحصله كم كلمه.. وكم طراق >>وكم فنجر .. هني وهناك

ما اقولك سعر معين اخاف تشتري ويطلع مبالغ فيه واخاف ماتشتري
تتحسف ...ويندرج بالسوق فوق 500 و ال600

بس اقدر اقولك انه السعر اللي انت ذكرته مو سعر تأسيسي
وأفهم النغزه ..

دمتم

 

[أحمـــــــد]

يالغالي

ممكن انعرف سهم الوقود الاولى بسوق الجت

وتحياتي لك

 

[بوخمسين]

هل شراء السهم من سوق الجت مضمون ؟؟؟

وماهي هذة الضمانات ؟؟

أتمني الرد السريع

وشكراااااااااااااااا

 

[adel K]

Mr. Makarem

اشكرك على هذه البادرة الطيبة لاستعدادك للاجابة عن اسئلة تتعلق بسوق الجت او الاسهم الغير مدرجة بالسوق ، واسئلتى كثيره والله جابك ، واتمنى ان لا تكون ثقيله وبها استفيد ويستفيد غيرى من ليس لديه علم .

اولا :- اسئله عن السوق الموازى .

1- ما هو سوق الموازى ؟

2-كيف التعامل به ؟ هل يكون عن طريق نفس الوسيط الذى نتعامل معه بالبورصة ؟ام هناك شركات خاصة لذلك وان تكن فما هى تلك الشركات ؟

3-كيفية شراء الاسهم وطريقة الدفع المبالغ والاستلام ؟

4-واين نشترى ونبيع الاسهم الخاصة بالسوق الموازى ؟ واين هى معروضة ؟

5-هل طريقة العرض والطلب نفس طريقة نظام الكسور بالورصة او نظام التداول العادى بالبورصة او له طريقه اخرى ؟

6- ما هى نسبة العمولة على كل 1000 د.ك . سواء بالشراء او البيع ؟

7-اسهم سوق الموازى هل هى اسهم سوف تدرج بالبورصة بعد انتهاء فترة محددة ؟ ومتى تدرج بالسوق الموازى ومتى تنتقل وتدرج الى البورصة ، اى ما هى الشروط الازم توافرها بالسهم لتدرج بالسوق الموازى ومن ثم الى البورصة ؟

8- هل السوق رسمى وقانونى ؟


ثانيا :اسئلة بخصوص اسهم بنك بوبيان ، الشحن الجوى ، القرين لبتروكيماويات


1- ما هو سعرهم بسوق الجت حاليا ؟

2- متى تتوقع سوف تدرج كل منهم بسوق البورصة ؟

3- هل الشحن الجوى سوف تدرج بالسوق الموازى اولا ومن ثم بالبورصة ؟ ومتى ؟

ثالثا : سؤال عام

هناك اسهم خليجية تتداول بسوق الاوراق المالية بالكويتوهى ايضا تتداول بالامارات وغيرها ولكن سعرها يختلف بالكويت عما هى فى بلدها ، سؤالى هل استطيع ان اشترى تلك الاسهم من بورصة الكويت واستخرج شهادة الاسهم او العكس اشترى تلك الاسهم من بورصة بلدها واستخرج ايضا شهادة الاسهم ومن ثم ابيعا بالبلد الاخر ؟ وان يكن فما هى الشروط الواجب توافها لعمل ذلك ؟



وشكرا مقدما .....

 

[الناسجت]

مساء الخير

مساء الخير

آخر أسعار الاسهم الغير مدرجه في سوق " ناسجت " ..

بوبيان 250 فلي
الجزيرة محد يشتري
الوقود 160 فلس
القرين 140 فلس
الشحن الجوي محد يشتري بس صارت بيعات خارج السوق على 140 فلس

واخوي الحبيب بو خمسين ... الشراء من السوق غير مضمون حتى مع التوقيع على أغلظ المواثيق
ويكفي قرار وزارة التجارة ببطلان البيع والشراء.. وحق التمسك بالبطلان مكفول للطرفين

وأخوي الكريم
adelk
يعطيك الصحه والعافية ..
سوق الموازي ما اعرف له عدل .. بس انشاء الله راح اسال السوق عندنا والمقاصة واجيبك
اما عن بوبيان فسعره 250 فلس وراح يدرج اكيد في الربع الاول من 2006
وامكان ادراج الشحن الجوي في البورصه وارد بس اهم شي لازم يكون عندهم اعتماد ميزانية
للسنه الاولى وبعدين أقولك تو الناس عليها ...

شكرا للجميع

 

[fullmoon]

اخوي makarem

عندك فكرة عن سعر شركة منازل التابع لدار الاستثمار جم سعرة في ناسجت

و يعطيك العافية

 

[hassankoc]

شلون على دمج بوبيان والقرين والوقود؟

 

[محام]

طابت اوقاتكم بكل خير

الأخوان اللي يسألون عن صكوك للتطوير العقاري سيكون ادراجهه في البورصه
بعد 4 شهور انشاالله والسعر حاليا لايقل عن190 فلس للسهم والشركه واعده جدا
ولديها مشاريع ممتازه ولم يبدأ التشغيل الفعلي للمشاريع مثل برج زمزم وبرج المدينه
وصندوق عقاري مع بنك بوبيان ومشاريع اخرى لم يعلن عنها

اما سهم الامتياز فلا يجوز بيعه حاليا لان الشركه حديثه ويجب ان توافق الجمعيه
العموميه على البيع والدمج بعد سنه ماليه والادراج بعد سنتين ونصف

اما سهم المنازل فيباع بسعر 145 و150 والادراج بعد سنه

 

[الناسجت]

مساء الخير ..

مساء الخير ..

دمج الاسهم بوبيان والوقود تابع لشركة المقاصة ..وما في أي خبر عن الدمج لحد الحين
وكل ما أسأل الموجودين هناك عن الدمج .. كل واحد يعطيني جواب مختلف
يعني ما في قرار واضح

اما شركة القرين فهي ليست تابعة لشركة المقاصة حق الدمج ..
فراح يكون الدمج أسهل وانشاء الله بعد ما ينتهون من سنتهم الماليه الاولى
تقدر تدمج ...

,آنه حاليا قاعد أسعى بس علشان أتاكد من تاريخ اعلان الموازنه الاولى للوقود والقرين
فاذا تاكدت من التاريخ ذيك الساعه أقدر أفتي بالجزم عن موعد الادراج والدمج

وشكرا لاخي المحامي لمعلوماته ومساهمته ..

 

[بووعبدالله]

اسعار تفشل والله...
مقارنتا مع الاخوه في الخليج...

 

[لاتستغرب]

تحيه طيبه للجميع
ومشكور اخوي makarem على هالخدمه الطيبه ..
ابي اعرف كم وصل سعر بوبيان في السوق ..وهل البيع والشراء نقدي

 

[adel K]

مساء الخير

آخر أسعار الاسهم الغير مدرجه في سوق " ناسجت " ..

بوبيان 250 فلي
الجزيرة محد يشتري
الوقود 160 فلس
القرين 140 فلس
الشحن الجوي محد يشتري بس صارت بيعات خارج السوق على 140 فلس

واخوي الحبيب بو خمسين ... الشراء من السوق غير مضمون حتى مع التوقيع على أغلظ المواثيق
ويكفي قرار وزارة التجارة ببطلان البيع والشراء.. وحق التمسك بالبطلان مكفول للطرفين

وأخوي الكريم
adelk
يعطيك الصحه والعافية ..
سوق الموازي ما اعرف له عدل .. بس انشاء الله راح اسال السوق عندنا والمقاصة واجيبك
اما عن بوبيان فسعره 250 فلس وراح يدرج اكيد في الربع الاول من 2006
وامكان ادراج الشحن الجوي في البورصه وارد بس اهم شي لازم يكون عندهم اعتماد ميزانية
للسنه الاولى وبعدين أقولك تو الناس عليها ...

شكرا للجميع

Thank you Mr. Makarem

وارجوا ان تفيدنا بمعلوماتك القيمة بعد السؤال عن سوق الموازى .

 

[الناسجت]

اخوي لا تستغرب

مساء الخير

اخوي لا تستغرب ..سعر بوبيان 250 فلس
في السوق السوده .. طبعا سعر غير عادل ابدا
والدفع كاش طبعا ..

دمتم

 

[لاتستغرب]

عساك على القوه اخوي makarem

انا معروض على طلب شراء 20000 الف سهم بـ 400 فلس؟
شرايك تسوى البيعه؟

 

[بوعلوه]

السلام عليكم،

أخوي مكارم عندك معلومات عن شركة أسيكو (مو الخرسانة بس تابعة لها) ؟
إذا تتداول في سوق الجت كم سعرها ؟ ومتى أدراجها بالبورصة ؟

وجزاك الله خير ويعطيك العافية

 

[feb2005]

السلام:


ممكن تفيدني وتقولي شنو الاسهم الغير مدرجه وشنو الشركات ؟

وهل فيها ربح ؟ وبشنو تنصحني

 

[afham]

طيران الجزيره

أخو ي makarem
يعطيك العافيه

أنا شراى طيران الجزيره ياليت تشوف لى أذا فيه