شركة مجموعة الراي الاعلامية

[الناسجت]

هلا

عزيزي makarem ليش ما تقول عن الشحن الجوي؟

كم سعرها؟ هم انا عندي كمية زينة و ودي اعرف قيمتها

مساء الخير ... السهم يصير عليه كلام ونشاط إذا إنطلب وإنعرض
يعني صار عليه بيع وشرا .. والشحن الجوي للحين ما أشوف أحد طلبه بكميات كبيرة في الناسجت ... أو حتى قليلة .. راجع مداخلتي على السهم قبل يومين أو ثلاثة... والسبب في عدم التداول عليه

دمتم,...

 

[الناسجت]

السلام عليكم أخوي

في واحد كل يوم يســألني عن ســعر الصينيه ؟؟ والحمد لله عندي النت وما يحتاج الدواره بسوق الجت

كم وصل سعر سهم الصينيه ؟؟

ولك جزيل الشكر ومبارك عليك باقي الشهر

مساء الخير ... ما عليه أي تداول في السوق السووده .. لاتنسى أن السيولة إنسحبت من السوق بكثرة ... من كثرة الاكتتابات .... والشراي الحين إشوي متعب مرهق .. إصبر إشوي خل يلتقط أنفاسه ... وثق راح أخبرك إذا صار عليه شيء يذكر

دمتم

 

[الناسجت]

"


سهم الصكوك بالنسبة لي ما شفت لها صفقات .... عندي عرض على 260 فلس
100 الف سهم

الفاضل مكارم :
هل لا زالت لديك أسهم صكوك 100000 ارجو التكرم بالرد على الخاص

مساءالخير ..

انشاء الله ,.. أخبرك يوم السبت خلني أتأكد إذا إنباعو أو لا

دمتم

 

[ابن صفير]

الله يعطيكم العافيه
ممكن افاده كم سعر القرين
وهل يجوزتحويل الاسهم من شخص الى اخر والكميات متفاوته ما بين 5000 و3000
انا شاري 220000 من الجماعه اقدر احولهم
ومتى الادرج في البورصه
وشكرا

 

[ابن صفير]

بالنسبه لموضوع القرين وبعيدا عن قوانين المقاصة في الادراج ..
ولو عندك نشرة اكتتاب القرين افتح صفحه 14 \4.25
مذكور هالكلام .....

سيتم تقديم طلب لادراج الاسهم في سوق الكويت للاوراق الماليه بعد مرور عام على
تسجيل الشركة واصار ميزانيتها الاولى حسب نصوص القانون ..

انتهى الكلام .

هنا ملاحظة .بل ملاحظات .. اولا الكلام ينفهم منه وايد اشياء منها ان الشركة ستدرج بعد سنه
ومنها انها ستدرج بعد اول ميزانية واهني ندش في دهليز ثان .. لانا ما أدري متى حسبو بداية سنتهم
المالية او بدت فعلا او راح تبدي يناير السنه 2006 كما ينص القانون ان بداية كل سنه
ماليه لازم تكون اول السنه .. وبعد اعلان قيام الشركة نهائيا عن طريق انعقاد الجمعية العمومية الاولى لمعرفة
الاعضاء المنتخبين .. طبعا تم انعقاد جمعيتهم في شهر مارس اذا انه مو غلطان عام 2005
.. وما ادري شنو يقصد من كلمة من تاريخ تسجيل الشركة بالضبط لانه يفتح علي باب اكثر من احتمال

بس الاغرب من كل هذا .. افتح نفس النشرة صفحة 30 وأقراء التالي

ستتقدم شركة القرين لادراج أسهمها في سوق الكويت للاوراق الماليه وذلك حالما
تسمح لها الانظمه بذلك وبناء على الانظمه الحالية وتوقعات شركة القرين لصناعة البتروكيماويات البترولية يتوقع
أن يتم هذا الادراج بعد حوالي سنه ,,,,
!!!!!!!!!!!!!!

النشرة تقدر تحصلها في البنك الوطني ...

طبعا من هالجمله الاخيرة اكيد نفهم أن ادارة الشركة ناوية وعندها نية مبيته أن تنزل السوق باسرع
وقت ممكن .. واذا كانت الادارة مهتمه فعلا بذلك اتوقع راح تدرج بعد سنه واشهر معدوده
وحط في بالك شي مهم جدا جدا .. وابشركم .. انه سهم الشركة محمل بالارباح من الحين لانها شرت
6 بالميه من ايكويت وايكويت ارباحه جيده جدا ..
يعني ارباحها دشت في ميزانة القرين للربع الاول مبدئيا اذا قلنا انه سنتهم المالية بدت بالفعل ..

الزين في السهم من جهه ولو انها جانب سلبي من جهه اخرى ان الحكومه ما لها حصه فيها
يعني عملية الدمج للاسهم راح تكون وايد اسهل من بوبيان والوقود لان الاخيرتين راعي اكتتابها شركة المقاصة
ومشددين بالدمج بس القرين لا .. انشاء الله بس يعتمدون اول ميزانية تروح مقر الشركة هناك
وين ما كان ومتوقع ان يكون المقر القانوني في مدينة الكويت يعني الديرة وتدمج بالراحه الاسهم

أقول اذا الجماعه أصحاب الشركة يقولون في النشره .. المتوقع ان يكون بعد عام
فآنه شنو أقول بعد ..........

دمتم

ملاحظه
من قرارت الجمعيه العموميه لشركه القرين
اذكر واحد منهاء وهو ممكن يكون مهم
تفويض مجلس الاداره بي تعيين مراقب للحسابات للسنه الماليه المنتهيه في 31/12/2006
وتقدير اتعابه
يعني اول ميزانيه لشركة القرين في 31/12/2006
يعني ارباح حلوه وبعدهاء الادراج وهو محمل في الارباح
والله كريم

 

[عندك سلف]

عندي سؤال حساس نوعا ما بس الاجابة عليه اختيارية..
يعني اذا ما فيها احراج ...تقدر تقولي منو اهم الشخصيات الي تطلب أو تجمع الاسهم التالية:
1- بنك بوبيان ...... عندي معلومة انه عصام الدبوس يشتري بالعالي تقدر تأكد أو تنفي صحة هذي المعلومة؟

2- القرين للبتروكيماويات

3- الاولى للوقود

ولك خلص التحية والشكر مقدما

اذاكرك بسؤالي اذا تكرمت

 

[wildibm]

مساء الخير راسلتك على الخاص

دمتم

ياخوي ما جالي شئ للأسف
مع العلم بشتري ب 3500 دينار
وفي معاي شرايين 2
نفس قيمتي بعد

ولد عمي تتوقع في امان في سوق الجت
انا اسمع عن هذا السوق بس يخوف شوية

تقبل تحياتي

 

[شرياص العديلية]

ياخوي ما جالي شئ للأسف
مع العلم بشتري ب 3500 دينار
وفي معاي شرايين 2
نفس قيمتي بعد

ولد عمي تتوقع في امان في سوق الجت
انا اسمع عن هذا السوق بس يخوف شوية

تقبل تحياتي

أمان اتحصله بالبورصه ينباع اب300 فلس


والله ملقوف !! شكو فيييييييييييييه

لا لا... حبيت اتشاقا وياك مع ان آنه ما أعرفك ...

عندك سلف

 

[El_Stocky]

يعطيك العافية أخوي makarem

بسألك عن شركة الدار الأولى القابضة .. كم وصل سعرها .. ؟؟

وشكراً,,

 

[الناسجت]

اذاكرك بسؤالي اذا تكرمت

مساءالخير ... اخوي ... نفس اليوم رديت عليك على الخاص والظاهر أن الرسالة ما وصلت لك ... ممكن تعطيني ايميلك الخاص .. وراح ادز لك مسج
جواب لسؤالك ..

أفا عليك ابدا ما نسيتك

دمتم

 

[الناسجت]

انا شراي اسهم بنك بوبيان
ممكن سعر الاسهم
واذا عندك بياعين؟

كذلك نفس المشكلة ... آنه دزيت لك على الخاص مسج ...
على العموم برجاء عطني ايملك الخاص وآنه راح ابعثلك مسج

دمتم

 

[bo-sahm]

المجموعة الخليجية للمال

اخوي makarem الله بالخير
انا سألتك مرة من فترة شهر او شهرين عن شركة المجموعة الخليجية للمال وما اذا كانت في الناسجت و ما قصرت رديت علي انها غير موجودة او غير مطلوبة او غير معروفة .... المهم

الحين بعد ما انتعشت و بقوة المجموعة الدولية للإستثمار و بعد مؤتمر الشفافية لرئيس المجموعة سامي البدر و تصريحاته بقرب ادراج المجموعة الخليجية للمال في بورصة الكويت و البحرين و دبي.....
هل عندك اي جديد عن هذه الشركة و ما اذا كان لها سعر في الناسجت

 

[wildibm]

هذا ايميلي
alkandari_7@hotmail.com

اخوي هل سوق الجت خطر ؟
وهل هو قانوني؟
ياريت لو تعرفني بمخاطره وببياعينه جزاك الله خير

وبانتظار ايميلك

 

[الناسجت]

اخوي makarem الله بالخير
انا سألتك مرة من فترة شهر او شهرين عن شركة المجموعة الخليجية للمال وما اذا كانت في الناسجت و ما قصرت رديت علي انها غير موجودة او غير مطلوبة او غير معروفة .... المهم

الحين بعد ما انتعشت و بقوة المجموعة الدولية للإستثمار و بعد مؤتمر الشفافية لرئيس المجموعة سامي البدر و تصريحاته بقرب ادراج المجموعة الخليجية للمال في بورصة الكويت و البحرين و دبي.....
هل عندك اي جديد عن هذه الشركة و ما اذا كان لها سعر في الناسجت

مساء الخير ... ما عليها اي حركة أو حتى همسه في الناسجت

دمتم

 

[الناسجت]

هذا ايميلي
alkandari_7@hotmail.com

اخوي هل سوق الجت خطر ؟
وهل هو قانوني؟
ياريت لو تعرفني بمخاطره وببياعينه جزاك الله خير

وبانتظار ايميلك

أحلى ما في سوق الجت لمن أزورهم .... الشاي في إستكانة " أم النقط " اللي بالقهوة الموجودة في السوق ... شيء غير طبيعي ... ما أعتقد حتى أنه في العصر العباسي تحصل نفس طعمه وحلاوته ...

خلنا في الجد عمي .... مو في ذات سوق الجت في خطورة ... لكن قول في
الاسهم الغير مدرجة فيها خطورة من باب عدم إمكان التحويل ...
فلو صارت صفقات حتى في الديوانية على الاسهم الغير مدرجة فيعني ان الديوانية صارت فيها خطورة ... المهم أن المعاملة غير قانونية " نعم " هي كذلك .... والكلام أخوي طويل في هالسالفة ..
راجع أو مشاركاتي في الموضوع ....

دمتم ...

 

[ابن صفير]

الله يعطيكم العافيه
ممكن افاده كم سعر القرين
وهل يجوزتحويل الاسهم من شخص الى اخر والكميات متفاوته ما بين 5000 و3000
انا شاري 220000 من الجماعه اقدر احولهم
ومتى الادرج في البورصه
وشكرا

ممكن اجابه

 

[wildibm]

الشراء من السوق غير مضمون حتى مع التوقيع على أغلظ المواثيق
ويكفي قرار وزارة التجارة ببطلان البيع والشراء.. وحق التمسك بالبطلان مكفول للطرفين

اقول خلنا نبعد :d

 

[الناسجت]

ممكن اجابه

مساء الخير ...السعر 130 فلس.. التحويل حاليا غير ممكن ... الا لمن تندرج في البورصة ومن خلال عملية " بايع شاري " تقدر تحول والعملية غير مضمونه

الادراج انشاء الله 2007

دمتم

 

[bo-sahm]

المجموعة الخليجية للمال

مساء الخير ... ما عليها اي حركة أو حتى همسه في الناسجت

دمتم

اخوي makarem الله بالخير
مشكور على الرد
انا اعتقد راح يكون عليها شيء خلال فترة جدا قريبة
اذا ما عليك امر اذا صار اي شيء في الناسجت, ارجو تخبرنا
وشكراً

 

[الناسجت]

اخوي makarem الله بالخير
مشكور على الرد
انا اعتقد راح يكون عليها شيء خلال فترة جدا قريبة
اذا ما عليك امر اذا صار اي شيء في الناسجت, ارجو تخبرنا
وشكراً

أكرر أكثر من مرة ... في رقبتي دين لأهل المنتدى الافاضل اللي استفدت منهم بخصوص باجي الاسهم في البورصة ... علشان جذي تأكد أن اي سهم .... يوطوط ... في الناسجت راح أذكرلك خبره ...

دمتم