بيت الاستثمار الخليجي ش.م.ك.مقفلة ( الخليجي )

[fawaz74]

حسب كلام رحالي الربح 42 فلس
السعر العادل 420 فلس​

يعطيك العافيه بو سليمان مشكور على المعلومه والرد

 

[DR_ARMY]

السلام عليكم
ما هو المتوقع للسهم علي نهايه السنه الماليه وهل سعره الان رخيص للاسثمار يعني نبيع قبل التوزيع
مع جزيل الشكر

 

[fawaz74]

السلام عليكم
ما هو المتوقع للسهم علي نهايه السنه الماليه وهل سعره الان رخيص للاسثمار يعني نبيع قبل التوزيع
مع جزيل الشكر

وعليكم السلام...اخوي الكاسر وهذا راي متواضع مني لان في ناس اعرف مني كثير بالتحليل الفني والامور الاخري بس السعر مغري جدا وربحيه معقوله جدا جدا حتي لو للاستثمار على الاسعار الحاليه بدون ارتفاع قوي للسهم بالفتره القادمه وانا راضي 5% منحه 10 نقدي على لسعر الحالي فما بالك لو اكثر

 

[بو سليمان]

البدر اين انت
عزيزي لقد افقدت كثيرا رغم المساجلات التي حصلت بيني و بينك و رغم قلظ القول الذي حدث الا اني اتمني لك التوفيق و انشد ان تكون بصحة جيدة
اعلم بان نوايك طيبة عند اندفاع لسهم و مهاجمتك لي بهدف الخير و لكن كنت انا اتكلم بعيدا عن العواطف رغم ان من ملاك السهم فلا ارغب ان يتضخم السهم كثرا بالمقابل لا يظلم

اخواني رسالة احملكم ايها اي شخص يعرف البدر يطمنا عنه و اتمني رجوعه لنا
طولت و لك وحشة

 

[DR_ARMY]

وعليكم السلام...اخوي الكاسر وهذا راي متواضع مني لان في ناس اعرف مني كثير بالتحليل الفني والامور الاخري بس السعر مغري جدا وربحيه معقوله جدا جدا حتي لو للاستثمار على الاسعار الحاليه بدون ارتفاع قوي للسهم بالفتره القادمه وانا راضي 5% منحه 10 نقدي على لسعر الحالي فما بالك لو اكثر

مشكور علي الرد السريع بس يا أخي العزيز أنا حاط في بالي اني ابيع يعني قبل توزيع الاربحان يعني استفيد من الكاش هذي فكرتي
اذا عندك خبر تفيدنا جزاك الله خير يعني يراح يلامس 400 ولا صعبه مع الشكر يالحبيب و ما قصرت

 

[fawaz74]

مشكور علي الرد السريع بس يا أخي العزيز أنا حاط في بالي اني ابيع يعني قبل توزيع الاربحان يعني استفيد من الكاش هذي فكرتي
اذا عندك خبر تفيدنا جزاك الله خير يعني يراح يلامس 400 ولا صعبه مع الشكر يالحبيب و ما قصرت

والله ياخوي الامور هذي بعلم الغيب والسوق علمنا نتوقع العكس بس انا لاحظت زياده اسهم الخزينه بالشركه بالربع الثالث ومايندرى عن الربع الرابع وهذا شي جيد ...290 فلس بالنسبه لي مغري بعد ما كان يتادول 400 فلس وفوق والشركه تعتبر نظيفه من ناحيه الشغل وتنامي الربحيه وماعليها كلام سلبي وخلك واقعي وقنوع الخطر فيها على الاسعار الحاليه مايتجاوز 10 % خساره هذا كلام مني وعلى حد نظرتي بس شوف باقي السوق وقارن والله يوفقنا

 

[بو سليمان]

التوزيعة المتوقعة نقدي 20 منحة 7الي 5%
و الله اعلم​

 

[fawaz74]

الله يسمع منك يا بوسليمان يعني للمسثمر على السعر الحالي انشالله يطلع السهم تقريبا 270 فلس اما الي ناوي يضارب الله يعينه على المؤشر والي نتمنى نشوفه مستقر بالمستقبل

 

[القناص80]

شوفواااااااااااااا القصف شلون صاير​

 

[DR_ARMY]

شلون القصف يعني الرجاء التوضيح

 

[fawaz74]

شوفواااااااااااااا القصف شلون صاير​

صدقت حبيبي فتح الباب شال 300 الف عقبها الطيب قام ينزل 100 والزلم يشيلها وعليه رايح راد عقبها خق الطيب شوي وقام ينزل خمسين ...جان يقوم الزلم وياخذه على قد عقله الطيب زعل نزل مليونه قاله الزلم تعال برخيص ابيك هههه تدصق يذكرني بحركه صارت من فتره بس قول انشالله يكمل الزلم لين ينشفه بعدين يعطيه الضربه القاضيه باجر نكمل ونشوف بس شباب الي يعرف معلومه عن اطراف الحرب يفيدنا

 

[fawaz74]

شلون القصف يعني الرجاء التوضيح

حبيبي الكاسر السالفه فيها حركه والحركه فيها بركه واذا لك خاطر بالسهم اخذ بالمعقول و انشالله منت خسران لي خلصت المعركه ولاتكثر عشان ماتقول وهقتك والسهم اول وتالي فيه ربحيه انشالله

 

[Q8 Stock]

السلام عليكم


السهم بتداول عن منطقة الدعم = 285 - 275 فلس
المقاومه = 325 فلس

كمية تداول مرتفعه نسبيا 4 مليون تقريبا

الماكد لا يزال متقاطع ايجابي
ويتداول تحت خط الصفر
وباين عليه بدأ يضعف بسبب قربه من متوسطه



البيع والشراء مسؤولية شخصية

 

[NBK]

الماكد لا يزال متقاطع ايجابي
ويتداول تحت خط الصفر
وباين عليه بدأ يضعف بسبب قربه من متوسطه

ابوعلي بعد اذنك
لوسمحت
ممكن توضح الكلام
لاني اخوك موخبره في التحليل
ومشكور طال عمرك​

 

[fawaz74]

يعطيك العافيه وماقصرت بس كل الي ذكرته بوادر شنو برايك وراجعه للؤشر العام وهبوط اليوم ولا للسهم لان الي حاصل تداول كبير مع تماسك معقول والسوق نازل فيدنا برايك واذا في امكان اعرف القصد من ايجابي بدا يضعف بسبب قربه من المتوسط ونتيجه الشي هذا ادري طولتها بس منك انشالله الفايده التحليل شي واحني مانشوف الا هوشه بالسهم ومشكوره على اهتمامك

 

[Q8 Stock]

مو مشكله

في انواع من المستثمرين
منهم من يقوم بالشراء على مؤشر الماكد
ومنهم من تقاطع المتوسطات
ومنهم على النماذج

الماكد بدا يضعف بأنه بدأ يقترب من المتوسط ماله
اللون الاسود مؤشر الماكد
اللون الاحمر متوسط الماكد
تقاطع الاسود فوق الاحمر ايجابي
تقاطع الاحمر فوق الاسود سلبي
وكل ما كان متباعدين كان اقوى بالصعود او النزول
ومثل ما انتم شايفين انه بدا يقتربون
لكن هذا مؤشر فقط لابد من التقاطع حتى نحكم عليه

على فكره المؤشرات الفنيه تتبع السهم وليس العكس
يعني المؤشرات تكون اشاراتهم متأخره نوعا ما


ان شاء الله
قدرت اوضح لكم
واذا في اي استفسار
انا حاضر

 

[NBK]

الله يجزاك خير
بيض الله وجهك
ماقصرت
كفيت ووفيت​

 

[fawaz74]

مشكور اخوي وصلت المعلومه ومحتاجه الواحد يعيدها مع نفسه عشان يفهمها ويقارن جزاك الله خير

 

[boalons]

سنه 2006 كانت سنه كبيسه على ملاك السهم الله يعينهم

من اولها لآخرها نزول

السهم عند نقطه دعم 280 ان شاء الله يرتد منها وماينزل اكثر

 

[مغامرجي]

بيت الاستثمار الخليجي ... الى اين يا شباب ؟

نرجو ابلاغنا بوضع السهم الفني والتحليلي واخباره

وشكرا