١ يوليو أكبر تجمع سلمي أمام بورصة الكويت إذا لم تتدخل الحكومة

[فارس777]

عدل كلامك وان شاء الله باجر الموعد ٨ ونص الصبح مع أني واثق محد بيكون متواجد

بصراحه يااخوي انا مقدر احضر لعدة اسباب
اولا انا اصحى من النوم متأخر ونت حاط الساعه 8.30 ص
ثانيا انا عندي دوام
ثالثا والاهم انا اكبر جبان ومافيني شده اركض اذا احد لحقني

 

[فارس777]

انا ضد المظاهرات والتجمعات ومع المطالبات القانونيه الصحيحه وان شاء الله حكومتنا ماتقصر

 

[نواخذة الكويت]

بصراحه يااخوي انا مقدر احضر لعدة اسباب
اولا انا اصحى من النوم متأخر ونت حاط الساعه 8.30 ص
ثانيا انا عندي دوام
ثالثا والاهم انا اكبر جبان ومافيني شده اركض اذا احد لحقني

هههههههههههههههه قتلني السبب الثالث كبير والله يا فارس
الله يحفظك يا رب

 

[BOAHMAD]

بس هوّشنا السوق صعد فوق ال٧٠٠٠

لو نروح شلون ؟؟؟

 

[سرور]

أنا راح أعمل مظاهرات من الباب الثاني
صعدوا السوق وما لحقت أشتري ..
والله كلام جد فاجأونا .. مكيش ومالحقت على الصعود ..

 

[الهدف البعيد]

التجار خربو المظاهرة..

 

[نواخذة الكويت]

عدل كلامك وان شاء الله باجر الموعد ٨ ونص الصبح مع أني واثق محد بيكون متواجد

ما كان في تجمع قبل الأفتتاح اناا كنت هناك وما شفت أحد درت على البيبان كلهم اناا مو مع التجمع نهائيااا لأن في أكثر من طريقة توصل رسالتك غير التجمع ولاكن حب الفضول وما لقيت أحد وكنت متوقع ان كلام الليل يمحيه الأفتتاح .
أخوي العزيز ولد السره صدقني الفرج قريب ومو قصدي عن اليوم والأرتفاع هذ ا... ولاكن الأرتفاع قادم شاء من شاء وأبى من أبى .

سؤال مهم للجميع


فيكم واحد حضر جمعيه عموميه لشركه يملك فيها ؟؟؟

انت من يحاسب مجلس الاداره وليس الحكومه .

انت المقصر وليس الحكومه .

وللأمانه كلام جمبازي عين الصواب
والله يرزقكم يا رب

 

[BOAHMAD]

سؤال مهم للجميع


فيكم واحد حضر جمعيه عموميه لشركه يملك فيها ؟؟؟

انت من يحاسب مجلس الاداره وليس الحكومه .

انت المقصر وليس الحكومه .

مع انهم عادةً يملكون الاغلبيه وقراراتهم نافذه الاّ ان حضورنا له تأثير على مجالس الادارات عالاقل تحاول تكشفهم وتهدّدهم !!! والعيار اللّي مايصيب يدوش

مشاركاتك كلها مميّزه يابوعبدالله

 

[BOAHMAD]

والله ودي احضر ولكني اعتذر عن الحضور


لانّي مداوم ولو صوروني وشافوني تارك الدوّام ورايح مظاهره راح تشوفني عند دوّار جمعيّة السرّه ابيع بنك

و رجلي فلات فوت اتعب بالوقفه !

راح اطرش ولدي وربعه يحضرون نيابةً عني

 

[سالم علي علي]

المفروض قبل رمضان

 

[الهدف البعيد]

والله ودي احضر ولكني اعتذر عن الحضور


لانّي مداوم ولو صوروني وشافوني تارك الدوّام ورايح مظاهره راح تشوفني عند دوّار جمعيّة السرّه ابيع بنك

و رجلي فلات فوت اتعب بالوقفه !

راح اطرش ولدي وربعه يحضرون نيابةً عني

مثل حالك الحضور علي صعب..

لكن بحاول اطرش لكم اثنين عندهم خبرة بالتجمعات..

مشاركين بمسيرتين كرامة وطن

 

[امبركو]

أنا راح أعمل مظاهرات من الباب الثاني
صعدوا السوق وما لحقت أشتري ..
والله كلام جد فاجأونا .. مكيش ومالحقت على الصعود ..

هههههههههههههههههههه
ماعليه ياأخوى سرور
اتلحق بعدين .. تو الناس عالصعود

 

[ولد السرة]

ماقصرتوا شباب فيكم الخير لأكن أرد وأقول اللي هامه حلاله جان راح الظاهر الربع داشين بالبوكت موني بالسوق ؛)

 

[أبو فلسين]

اللى ينادى حق المظاهرات اليوم اكبر فرصه لتواجد بمجلس الامه لتعديل القانون الطارد

 

[مليون دينار]

اللى ينادى حق المظاهرات اليوم اكبر فرصه لتواجد بمجلس الامه لتعديل القانون الطارد

المفروض التظاهر يكون عند الهيئه مو عند البورصة

 

[ولد السرة]

المفروض التظاهر يكون عند الهيئه مو عند البورصة

اوكي عند الهيئة تبون هالخميس نتجمع ؟