١ يوليو أكبر تجمع سلمي أمام بورصة الكويت إذا لم تتدخل الحكومة

[ولد السرة]

السلام عليكم ورحمة الله وبركاته

لى متى بنظل نتشكى ؟؟؟؟

لى متى بنلوم فلان وعلان ؟؟؟؟

لى متى نقول باجر بتتصلح الأمور ؟؟؟؟

الحل بسيط مثل ما الحكومة مسؤولة عن الدولة ومرافقها هي أيضاً مسؤولة عن إقتصادها هل يعقل دولة مثل الكويت لاتتدخل وتشاهد انهيار اقتصادها وواجهتها الإقتصادية بينما مثيلاتها عوضت الخسائر التي منيت بها من الأزمة بل حققت أرباح خيالية.

أمريكا من أكثر الدول المديونة مع ذالك دعمت البورصة بقوة وساندت الشركات الجيدة ونحن في دولة كلها فوائض ولله الحمد مع ذالك الحكومة تقف عاجزة للأسف

أمريكا الدولة التي سببت الأزمة كان مؤشرها في بحر ال١٣٠٠٠ نقطة ولآن تجاوزت ال١٦٠٠٠

مصر التي حدث ما حدث بها تجاوزت مؤشر الكويت مع العلم الكويت عطتهم فوق المليار !!!!!

أول بورصة خليجية بورصتنا ولم ترتقي الى الناشئة حتى الآن ؟؟؟؟
لى متى بنسكت؟؟؟ ماتخافون على حلالكم وحلال عيالكم ؟؟؟؟؟

الساكت عن الحق شيطان أخرس ولاتقولون ماصبرنا كافي ٦ سنين لوبيسوون شئ كان سوواو

الي بيشد الظهر بالنواب انا أقوله من الحين سلم على حلالك احنا بزمن يالله نفسي

 

[فارس777]

اين رجال الكويت حكومه ومجلس وتجار ليش مايتحركون وينقذون البورصه ويحاسبون المتسبب في تدميرها

 

[UNDER_0]

موافق

 

[الراقي]

١ يوليو يعني بشهر رمضان ودرجة الحرارة ٥٠هذا حتى غير المسلم الفاطر ماراح يجي
اذا تبي تسوي تجمع عندك الاسبوع الجاي قبل رمضان وهم محد راح يجي بعد الناس غير مهتمة لما يحدث في البلد وخصوصآ البورصة هي عندهم فقط لتجار

 

[ولد السرة]

١ يوليو يعني بشهر رمضان ودرجة الحرارة ٥٠هذا حتى غير المسلم الفاطر ماراح يجي
اذا تبي تسوي تجمع عندك الاسبوع الجاي قبل رمضان وهم محد راح يجي بعد الناس غير مهتمة لما يحدث في البلد وخصوصآ البورصة هي عندهم فقط لتجار

حلو كلامك بس فكر فيها لو التجمع برمضان ألن ترسل رسالة أقوى الو العالم ؟؟ وبعدين مافي مانع بل بالعكس كل واحد يجيب معاة مظلة شمسية لو تتجمعون راح تبينون للحكومة بل للعالم أنكم مو شعب زبيدي ؛)

 

[ولد السرة]

موافق

كفو عليك والله

 

[فارس777]

رمضان ياولد السره

 

[الهدف البعيد]

حلو كلامك بس فكر فيها لو التجمع برمضان ألن ترسل رسالة أقوى الو العالم ؟؟ وبعدين مافي مانع بل بالعكس كل واحد يجيب معاة مظلة شمسية لو تتجمعون راح تبينون للحكومة بل للعالم أنكم مو شعب زبيدي ؛)

اذا تجمعنا برمضان ودرجة الحرارة 50 راح نصير زبدة مو زبيدي

 

[ولد السرة]

رمضان ياولد السره

الرسالة بيكون لها أثر أكبر وأعمق يالغالي

 

[ولد السرة]

اذا تجمعنا برمضان ودرجة الحرارة 50 راح نصير زبدة مو زبيدي

زبدة مع المظلة الشمسية فدى الكويت اللي قاعد يصير دمااااار للإقتصاد الكويتي

 

[ولد السرة]

انا لو بروحي بالتجمع هم بوقف لأني عارف ان محد يهمه مصلحة أحد هالأيام للأسف يا لؤلؤة الخليج

 

[BOAHMAD]

انا لو بروحي بالتجمع هم بوقف لأني عارف ان محد يهمه مصلحة أحد هالأيام للأسف يا لؤلؤة الخليج

مصدر مسؤول :-

توجه فرقه من القوّات الخاصه الى منطقة السرّه وافاد المصدر بانّهم في مهمّه سريّه لم يتم الكشف عنها


ولد السرّه يرحم امّك ترى مااعرفك

 

[ولد السرة]

مصدر مسؤول :-

توجه فرقه من القوّات الخاصه الى منطقة السرّه وافاد المصدر بانّهم في مهمّه سريّه لم يتم الكشف عنها


ولد السرّه يرحم امّك ترى مااعرفك

هههه للأسف

 

[عندك سلف]

شنو المطالب؟

 

[دايــم]

اذا تجمعنا برمضان ودرجة الحرارة 50 راح نصير زبدة مو زبيدي

الجماعه ناوين على صحتنا بعد ،، مو بس فلوسنا

 

[صقر2010]

شرايك
هالخميس بعد التداول
الساعه 12:45

اعتقد بإنه مناسب اكثر من 1 / 7 والراي لك

 

[nasy]

رأيي البورصه ما تشجع للتداول
ورمضان على الابواب و حر الصيف و كسل الناس للخروج وانشغال الناس باعمالها
قاطعوا التداول لمدة اسبوع واتركوها لهم هذا الحل المريح​

 

[الراقي]

حلو كلامك بس فكر فيها لو التجمع برمضان ألن ترسل رسالة أقوى الو العالم ؟؟ وبعدين مافي مانع بل بالعكس كل واحد يجيب معاة مظلة شمسية لو تتجمعون راح تبينون للحكومة بل للعالم أنكم مو شعب زبيدي ؛)

يعني ياتفطرنا ياشعب زبيدي وبعد شمسية ههههههههههههههه
شوف انا من الحين ضد افكارك

 

[ولد السرة]

يعني ياتفطرنا ياشعب زبيدي وبعد شمسية ههههههههههههههه
شوف انا من الحين ضد افكارك

ليش عيب اذا الواحد حمى نفسه يبى شكلك مكيش الله يهنيك

 

[ولد السرة]

شنو المطالب؟

المطالب أولا إقالة رئيس الهيئة

ثانياً دعم البورصة عن طريق الإستثمار

ثالثا معاقبة رئيس مجلس ادارة كل شركة متخاذلة وتلعب بذيلها

رابعاً اهتمام الحكومة بالبورصة والإقتصاد بشكل عام والله العظيم قمنا نستحي من سوقنا

شنو عبالكم بيسوون بيسنعون البورصة وانتوا موهامكم حلالكم اكيد لأ يبى الظاهر تعودتوا على هالوضع المزري للأسف الديرة راحت من زمان واحنا ليلحين مصدقين

الحمدالله على كل حال