شركة مركز سلطان للمواد الغذائية ش.م.ك.م ( م سلطان )

[دنانير]

شوقتنا شنو هالخبر يا ترى؟؟؟؟؟؟؟؟؟؟؟؟؟؟

 

[نجود***]

-----------خير انشاالله-------------------

 

[كويتي 2005]

في واحد بالمنتدى ودي اقوله : شكلك ما عندك سالفة .

 

[الخال قحطة]

عطنا اللي عندك

خبر عاجل!​

شنو الخبر يالنشمي

 

[WISE MAN]

خبر عاجل!​

بوراشد ... وينك يبه

 

[بو النور]

خبر عاجل!​

الظاهر يقصد خبر العقاري .... والله اعلم

 

[careful_invest]

خبر عاجل!​

والله يا بوراشد صارت بعض سوالفك مبالغات وما تنفهم كأن احنا ناقصين..مو كفاية علينا الجناعات..

وتابع معي بعض مشاركاتك:

السيد (حدسي) الي قالي... ، مجرد (حدس)...... السيد (حدسي) لما يقول قوله (جول وفعل)....

شوف الرسمة التالية ( وقولي شنو تستنتج منها ) قولي كل الي يخطر على بالك من الرسم ، وطلع كل الأفكار (أطلق العملاك الي في داخلك).. حلل بنفسك وإكتشف ما وراء الأرقام...

أهم شيء وسع صدرك...كل شيء مسجل عن سلطان بالمستندات...

في الرسم البياني تداول سلطان من بداية السنة 2005 حتي إقفال اليوم....

ما فهمت شي بهذه المشاركة..وخليتنا معلقين!!!!!!!!

وهذه مشاركة أخرى:

الحين يأتي وقت الخبر الإيجابي الي راح ينزل غداً في الجريده لمركز سلطان بعدها بسهولة راح يطلع حسب طلعاته السابقة.

عندي وايد كلام ودي أقوله بس عندنا عرس الليلة واحد من الجماعة.باجر أكمل التحليل.بإذن الله.

وماكو شي..ونزل سلطان عقبها رواسي..

وغيرها من المشاركات...!!!!!!!!!!!!!!!!!!!!!!!!!!!

 

[DAISKY]

بعض الشباب بس بيكتب
لكن بالنهايه اكيييد ماكو سالفه

 

[hamed666]

يا ريت تكون المشاركات مثمره والكل يسفيد

 

[الـسـيف]

الخبر عندي وانا بوهندي..

إذا عمر أفندي الصفقة تمت ..على مركز سلطان

راح يتحول مركز سلطان الى شركة قابضة مع زيادة راس المال قد يصل 100مليون

هذا مو من عندي هذا تصريح مجلس الادارة عند اعلانهم عن صفقة عمر افندي

هذا حدسي ..والله اعلم .. لان ما فيه شئ من بالكم من عقود..غير

حركات رعد و كية سبان (زيادة راس المال )

 

[الصـــــالح]

اخوي بوراشد متى على خير بتحطلنه الخبر العاجل؟؟ ابي اطلع اليوم الاربعاء قاعد امجابل الانترنت ناطر البشاره منك عساك ماتحبطنه مثل ماالبورصه امبحطتنه....

 

[mustafa2005]

๑۩۞۩๑ بوراشد بتقول ولا تراني ببيع السبت ๑۩۞۩๑​

 

[kkekke]

يا خبر بفلوس بكرة ببلاش​

 

[الـسـيف]

كويتي 2005 حنا لي متى ننتظر هذا ........ اللي علقنا ..اشوفك مسمر

لا يمين ولا يسار ..ثابت

 

[لحلاح1]

الخبر عندي وانا بوهندي..

إذا عمر أفندي الصفقة تمت ..على مركز سلطان

راح يتحول مركز سلطان الى شركة قابضة مع زيادة راس المال قد يصل 100مليون

هذا مو من عندي هذا تصريح مجلس الادارة عند اعلانهم عن صفقة عمر افندي

هذا حدسي ..والله اعلم .. لان ما فيه شئ من بالكم من عقود..غير

حركات رعد و كية سبان (زيادة راس المال )

ياشباب لو شركة عمر افندى تمت ورست على مركز سلطان السؤال هنا ؟

ممكن السهم يرتفع اذا رست عليهم

 

[الـسـيف]

اي نعم .. لانهم قالوا اعادة هيكلة لسلطان .. ومن ضمنها زيادة راس المال

تصل الى 100 % ..العلم ..؟عندك شئ عن عمر افندي ..صارت والا لا..؟

 

[بو النور]

ارباح التسعة شهور 34.6 مليون دينار

في خبر على قناة العربية الإخبارية يقول ان اخبار مركز سلطان للتسعة اشهر هي 34.6 مليون دينار كويتي ....

 

[سوق التجار]

في خبر على قناة العربية الإخبارية يقول ان اخبار مركز سلطان للتسعة اشهر هي 34.6 مليون دينار كويتي ....

صباح الخير بوالنور

خبر ربحية سلطان للربع الثالث طالع صارله يومين !!

 

[كويتي 2005]

يا شباب ربحية السهم فوق 80 فلس يعني شي حلو شتبون بعد ، يعني على الربع الأخير بصير 100 فلس ويمكن أكثر يعني 100%
شوفوا في شركات خسرانه وأسهمها صاعدة .
عموما بو راشد قال سهم سلطان على نهاية السنة بطوف الدينارين ، عاد بو راشد قال ولي ولي بصدق بو راشد راح يكون مصيره مصير الي نطر الخبر العاجل .
بس بو راشد اموسع صدره وغاعد يحاول يصيغ الخبر العاجل بطريقة عاجله ومو ضابطه معاه .
بس عموما انا وصلني خبر من محلل اقتصادي معروف ، يقول انه غاعد مع ناس من الجناعات وقايليله امسك سهم سلطان لأنه في أخبار قويه عنه وفي عقود .
عموما هذا الكلام وصلني بالويك اند الي طلع في خبر 10 مليار مال المخازن .
واحنه حالنه حالكم ناطرين ، بس انا توصلت لنتيجه وهي : ان سلطان مسكه مادام حد أعلى وبس تشوف نزل عن الحد الأعلى يعني صاعد بس 60 او 80 فلس بيع لانه اليوم الثاني راح ينزل وممكن تشتريه بالنازل .
وهذه النتيجة توصلت لها من خلال متابعة لحركة السهم خلال سنة .
شرايكم كلامي عدل ولا مدل ؟

 

[بوراشد جروب]

أعتذر لكم بكثر عدد أسهم سلطان. وآسف جداً للإخواني الأعضاء

من كثر الشغل الي عندي ، نسيت أقولكم الخبر العاجل....أرجو السموح ياإخوان......وراح أعوضكم عن هالتعليقة......

امس من الساعة 3 حتى هذا الوقت ما دخلت المنتدى كلش....

بعد ما علقتكم ...... أستحي أن أقولكم على الخبر العاجل الحين ...(ماعندي ويه).

انا ذاهب الآن ، ولقائي اليوم معاكم راح يكون الساعة 9:00 مساءاً.....إن شاء الله تعالى.