شركة مركز سلطان للمواد الغذائية ش.م.ك.م ( م سلطان )

[sprite]

الأخ الناصح ..

ما عندك فكرة عن أرباح أعيان للنصف الأول و الأرباح المتوقعه للثالث .

 

[الناصح_1]

أرباح أعيان في نصف السنة للسهم الواحد 34.44 كلها تشغيلي

المتوقع لأرباح الربع الثالث شيء طيب بس ما عندي معلومة واضحة كم

 

[DAISKY]

عن نفسي بعت باقي الكميه المتبقيه لدي اليوم على 1,100

و الله أعرفهم إدارة وسخة .. الربع الأول 57 فلس و الثالث 15 فلس !!

ما ينلام مدير البورصه لما وقفها هي و بيان عن التداول بشهر مارس الماضي .. لأنه يعرفهم عدل .

اللي يقهر الكذب في بداية السنه عن العقود و التوسعات .. و آخرتها لا هذا و لا ذاك و لا حتى أرباح .

اتصدق والله العالم الي انت سويته عين العقل
الله يعوض عليك يا اخ sprite

 

[امدور الزينات]

مجرد راي من خلال متابعتي لمجموعة المخازن بالفتره الماضية واللة اعلم

السلام عليكم هذا مجرد راي ولكن واللة اعلم ان اقرب للواقع واتمني ان اللة لايخسر احد عنده في مجموعة المخازن الملاحظ ان المخازن كل فتره والثانية يطلعونا قصة مسمار جحا مع كمال السلطان ويتبعها اشاعات ان العقود المليارية اللي اخذتها من الجيش الامريكي ان ارباحها موشي وان الجيش الامريكي يبي ينسحب من العراق وكل يوم يطلعونا بقصة شكل والهدف الرئيسي بالعربي التاثير علي الملاك ( صعار المستثمرين ) حتي يبيعون وبنقس الوقت يتبعون سياسة الضغط علي السهم ( اسهم المجموعة عامة ) وينزلونها بكمية تداول قليلة الي اقل مستوي والوطنية العقارية هم نفس السناريو مره عندها مشكلة بالمنطقه الحره ومره اعضاء مجلس الادارة متهاوشين ومادري شنو والاخير يقولون ان الارباح الربع الثالث اقل من معدل مستوي ارباح الربعين الاولين وهم سلطان قالوا ( اشاعة ) ان جميل السلطان باع حصتة في سلطان وان ارباح سلطان كانت في النص الاول 73 فلس والربع الاخير 15 فلس يعني معدل النمو الشركة في الربع الثالث تراجع لان لازم يعلن اقل شي ارباح 36.5 فلس حتي يكون معدل نمو الشركة ثابت ونجي التوابع اللي اخدعت العالم بيان واللبنانية هذول السهمين هم بحد ذاتهم الكذبة الكبيرة في المجموعة حيث ان التلاعب فيهم امر غير طبيعي اولا بيان اعلان عن ربحية كبيرة جدا وهي اظن 104 فلوس وكان الهدف منها عمل شعبية للسهم من صغار المستثمرين حتي يتدبسون فية وفي الربع الثاني اعلن عن ربحية لو معلن عن خساره يمكن كان احسن وهي اقل من فلس فبعدها السهم طاح علي وجهه بس ياريت الحالة ولكن جر المجموعة معاه كلها لسبب بسيط ان اسهم المجموعة كلها متضامنة صعود ونزول واللبنانية ايضا تم تدبيس صغار المستثمرين فيها عن اسعار فوق الدينار وخروج الخرافي منها باسعار من 1120 الي 1020 ومن ثم انهيار السهم وايضا تضامن المجموعة معها في النزول واليوم خبر البنانية لديها خساره 9 فلوس مما لايدع مجال للشك ان مجموعة المخازن سوف تجدد سناريو النزول مجدد وهذا راي وليس خبر واللي متابع المجموعة في الفتره الماضية رايح يقول نفس كلامي ولكن اتمني ان يطلعي هذا السناريو هالمرة خطا وترتد المجموعة الي اعلي ولكن ( اللي يجرب المجرب عقله مخرب ) واللة يوفق الجميع وتقبلوا تحياتي

 

[امل الكويت]

الشي الوحيد برايي اللي بيوقف مسلسل النزول ، هو الارباح السنعه ، واذا الارباح مو زينه الله يستر من اللي ياي .

اتمنى من اهل الخبر توضيح الحد الأدنى للأرباح المفروض ان يحققها السهم وطبعا المخازن علشان نعرف وقت الأعلان نشتري ولا لأ .

 

[امل الكويت]

راي

اذا كان سعر 1.100 دعم ، فاليوم كسر الدعم وصولا الي 1.060 واقفل بسعر 1.080 ،
واذا وصل الي 940 هل هو سعر مغري ؟؟ وليش ما يكمل هبوط وخصوصا انه الجميع متخوف من الارباح الربع الثالث التي لم تعلن بعد ، يعني يمكن يستقر السهم على هذي الاسعار انتظارا للأعلان .

مجرد راي

 

[الراقي]

شباب وين دعم اذا في دعم

 

[bigener]

أنا ما راح أبرد على السهم إلا على 880 لأن ما راح أستبعج أي شيء ممكن يصير في سوق مثل الصفافير

 

[علمونى]

شباب وين دعم اذا في دعم

السهم حاليا على الدعم الاخير 1060 قبل لا يكسر الدينار

الدعم التالى 980-930-760 والله كريم

 

[كويتي 2005]

يا شباب تره يبتولنا الوسواس بسبب كلامكم الي يخرع

يبا عطونه خبر حلو ، محد فيكم يعرف أحد من مدراء مركز سلطان ، محد يروح ديوانيه عروقها بالماي
انا اقترح عليكم خلونا نسم نصيحة وراي اخونا يوسف غضنفري بعد هذا النزول ممكن يرشدنه للقرار السليم اما البيع او الإنتظار لأيام حتى الإنظلاقة نحو 5 دنانير

وياريت أخونه نبيل صاحب الأراء الطيبة والأخبار الي دايما مسمار بلوح ، يعطينه رايه حول سهم سلطان

وينك يا نبييييييييييييييييييييييييييييييييل

 

[الـسـيف]

يا شباب تره يبتولنا الوسواس بسبب كلامكم الي يخرع

كويتي 2005 ..بدون زعل انت الوحيد اللي تجيبلي الوسواس ..لان نك نيم

مالك مشابه لخونا كويتي مبتسم .. وافتح واشوف كلامك ..اقول لا هذا غير هذا 2005

انتبه ..ما فيه اسهم في السوق تسوى مجموعة المخازن لا من الربحية ولا ..من اي شئ..غير ان اسعارهم بالحضيض

اللي مطمني ان اصحاب الشركة يبون هذا الشئ ؟؟؟ اليوم عندهم حفلة

وموصي واحد من الربع يشوفلي الارباح ..مع اني متاكد مراح يعطونه؟؟

الوصية من الوسواس ..قرائة المعوذات قبل لا تنام ..والله يحفظك من الوسواس

 

[dnyay]

والله العالم

الأخ الناصح ..

ما عندك فكرة عن أرباح أعيان للنصف الأول و الأرباح المتوقعه للثالث .

اقل من ال60 فلس بشى بسيط بالنسبه ل9 اشهر والله الموفق

 

[أسد الجزيرة]

سلطان

كل اسهم المجموعه اكسرت الدعم نزولا

وهذا يعني باعتقادي انه مكمله النزول بعد اشوي

للاسف انه هذي الاسهم مرتبطه مع المخازن ارتباط كانه بينهم سلك كهربائي اذا ارتفعت المخازن ارتفعوا الباجي والعكس صحيح

حتى لو عندها ارباح

شوف الوطنيه وقعت عقد توها ولا اصعدت الا يوم مع المخازن
وبعدها نزول مع المخازن

 

[sprite]

كويتي 2005 ..بدون زعل انت الوحيد اللي تجيبلي الوسواس ..لان نك نيم

مالك مشابه لخونا كويتي مبتسم .. وافتح واشوف كلامك ..اقول لا هذا غير هذا 2005

انتبه ..ما فيه اسهم في السوق تسوى مجموعة المخازن لا من الربحية ولا ..من اي شئ..غير ان اسعارهم بالحضيض

اللي مطمني ان اصحاب الشركة يبون هذا الشئ ؟؟؟ اليوم عندهم حفلة

وموصي واحد من الربع يشوفلي الارباح ..مع اني متاكد مراح يعطونه؟؟

الوصية من الوسواس ..قرائة المعوذات قبل لا تنام ..والله يحفظك من الوسواس

مسوين حفله بعد .. !

محتفلين بالنزول و لا شنو

 

[الخال قحطة]

حفلة على الخازوق

هدية العيد من جميل سلطان لملاك أسهم المجموعة الترابية ( الذهبية سابقاُ ) . (

 

[كويتي 2005]

احنه نتمنى ان تكون هناك اخبار مفرحه

عندي شعور ان خلال هل جم يوم بيطلع عقد حق سلطان بكذا مليار بخلي السهم يشعلل

عندي شعور جذي عاد شعوري يصدق او لا ، الله العالم

بس مجرد شعور

فيكم احد عنده شعور جذي ولا انا الوحيد

وينك يا نبييييييييييييييييييييييييييييل

 

[rashed 22]

احنه نتمنى ان تكون هناك اخبار مفرحه

عندي شعور ان خلال هل جم يوم بيطلع عقد حق سلطان بكذا مليار بخلي السهم يشعلل

عندي شعور جذي عاد شعوري يصدق او لا ، الله العالم

بس مجرد شعور

فيكم احد عنده شعور جذي ولا انا الوحيد

وينك يا نبييييييييييييييييييييييييييييل

المشكلة ياأخي الفاضل إن نفس الشعور عند الغالبية ، الكلام أنه حتى لو فرضنا توالت الأخبار وحصل سلطان على عقود سواء مطار بغداد والا عمرو أفندي والا الجيش الأمريكي والا حتى كوّش على الشرق الأوسط ...
هل بيصعد ؟؟؟
الجواب !
غالبا ... لا
والسبب ؟؟
مدري !!
يمكن خلاص صارت حالة نفسية ..
يعني بالعربي الفصيح ...
مركز سلطان ..
يبيله إعادة ثقة الناس فيه ..
وهذا بظني يبيله بعض الوقت لتجاوز الحاجز النفسي ، والمفروض أن إرتفاع السهم يكون تدريجي وببطء ، لغاية الوصول لأسعار ماقبل ثلاث أشهر ومن ثم الإنطلاق ، وصدقني لو يعلق يومين أو ثلاثة غالبية الناس بتبيع وماراح تمسك السهم لتجربة الناس المريرة مع مجموعة المخازن .

 

[كويتي 2005]

الله يسامحك يا سلطان على سالفة اليوم

حد ادنى حد أدنى ........... فرحنه بصعود ولو 20 فلس عيديه

 

[pilot35]

سلطان رايح لل900 فلس او 850 فلس
واخر السنه ان شاء الله بتشوف سلطان بالعلالي
استانس بالعيد واترك عنك سلطان لانه سهم استثمار وفيه خير ان شاء الله
والله يتقبل منكم طاعتكم

 

[كويتي 2005]

يعجبني هل الكلام الطيب المتفاؤل ........... بارك الله فيك

يعني بعد العيد تتوقعله وين يوصل بالعلالي ، انا عندي شعور بصير 5 دنانير بس هل الشعور هل اهو من الصيام ولا شعور واقعي ، الله يعلم

انت جم تتوقع له بعد العيد