شركة مركز سلطان للمواد الغذائية ش.م.ك.م ( م سلطان )

[imate]

اول شي كلامك لا يرفع ولا ينزل من مكانة محللنا الكبير الريان...و من باب اولى ان تكرم الاشخاص خصوصا من هم ا على منك علما و اخلاق... واعلم انك تخاطب رجل له مكانته و مقامه و من باب اولى ان تتحفنا بتحاليلك الفنيه و الاساسية قبل لا تتهجم ..... على احد.... الظاهر انت تخلط بين ال IRC و المنتدى

علي العموم تحمل كلامي شوي وسامحني ان كنت حاد شوي معاك لكن الحق حق

 

[عبدالعزيز]

الريان انت كله متشائم وتخرع الناس
تفائلوا بالخير تجدوه
قول ان شاء الله يرتد من نقطة الدعم ويواصل صعوده
اذا عندك اخبار سيئة لهذة الدرجة قولها بس انت تقول اتوقع ان يكسر الدعم ويهبط
قلت عن اللبنانية اتوقع ان تكسر الدعم وتهبط
وقلت عن المجموعة الدولية اتوقع ان تكسر الدعم وتهبط
وقلت عن المخازن اتوقع ان تكسر الدعم وتهبط
ليش هللتشائم يا خوك خل عندك نظرة تفائلية شوي
ولا نسيت يوم قلت عن السوق ان راح ينزل نزول جهنمي ايام ماكان 5450 وبعدها صعد
وقلت ان وصل القمة ايام ما كان 7200 وبعدها صعد
لاتزعل مني يا الحبيب الناس تبي واحد يطمنها وانت كله مخرعها وبس

والله انا واحد من ضحاياك يوم قلت عن ان السوق سوف يهبط ايام ما كان 5450 نقطة صفيت كل اسهمي ورديت القرض وكان عندي سهم المخازن
وبعدها بيوم او يومين صعدت المخازن والسوق كله ومحد قدر يصيدة

كل شي ممكن في عالم البورصة لكن التفائل مطلوب
والناس تحب الي يونسها مو الي يخرعها
وانت غير الاخبار السيئة ما تعطينا
ودي مرة اسمع منك خبر يونس بس للاسف ولا مرة سمعت لدرجة اني صرت لما اقرا اسمك باي مشاركة يضيق خلقي بصراحة لان ادري انك بتحبط السهم وكله متشائم وبس
علي العموم تحمل كلامي شوي وسامحني ان كنت حاد شوي معاك لكن الحق حق

اسمحلي اخوي علي المشاركه واقتباس كلامك بس حبيت اوضح شغله هذا افتراء علي اخونا الريان لما تقول انت من ضحاياه تدري ليش انت لازم تقره التوقيع الي حاطه اهو في اول بعدين لومه

الريان
مشرف السوق الكويتي

كل توصية وتحليل هي عبارة عن رأي وإجتهاد شخصي
يحتمل الخطأ قبل الصواب
لاتاخذ التحليل على ظاهرة قبل ان تدرسه بشكل كامل
وتجده موافق لرأيك

فمايحتاج نحط اخطاءنا نحط الناس شماعه لها اتمني انك تتقبل انتقادي بصدر الرحب اتمنالك التوفيق

 

[imate]

اخي الكريم
لو ترجع لمشاركاتك انت بالذات راح تشوفها كلها نجرة بنجرة
وانا محترم الريان ومو محتاج ان انت تقولي هلكلام


وانت من باب اولي ان تتحلي بالادب بحوارك شوي وان تخف نجرة مع الناس

وين النيدو....ليش مسحته؟ كان عاجبني يا بوالصيد

بس سالفة القرض اللي رديته عجبتني... الحين تحليل الريان للسوق يخليك تاخذ قرض وترده لان توقع ان السوق بينزل , خلاص اذا شايف ان كلامه عكس الي يصير اشتر وبيع عكسه وشوفك بعد سنة

واهي

 

[الريان]

اخوي الصياد 2

اقسم بالله العلى العظيم باللي رفع سبع ونزل سبع

ماعمري ححلت السوق لما كان 5450 انه يبي ينزل اول واحد قال السوق متوجه الي فوق 5800 انا

انظر الي هذا التعليق بتاريخ 31/6/2004
المؤشر كان على 5392
وكنت اول من اعلن المؤشر هدفه الاولى 5800 بعدها 6000


http://www.indexsignal.com/vb/showthread.php?t=15096



والتعليق الاخر
كان السوق 5900
واشرت بان طريقه الي 6200


http://www.indexsignal.com/vb/showthread.php?t=17479&page=2&pp=15

 

[الريان]

اخوي الصياد 2

اقسم بالله العلى العظيم باللي رفع سبع ونزل سبع

ماعمري ححلت السوق لما كان 5450 انه يبي ينزل اول واحد قال السوق متوجه الي فوق 5800 انا

انظر الي هذا التعليق بتاريخ 31/6/2004
المؤشر كان على 5392
وكنت اول من اعلن المؤشر هدفه الاولى 5800 بعدها 6000


http://www.indexsignal.com/vb/showthread.php?t=15096



والتعليق الاخر
كان السوق 5900
واشرت بان طريقه الي 6200


http://www.indexsignal.com/vb/showthread.php?t=17479&page=2&pp=15

وايضا انظر الي هذه الموضوع اول من نبه بان المؤشر سوف يصعد الي 6500 هدفه الاول بعدها 6800 بس بشرط كسر 6500 وفعلا المؤشر تنح عندها

http://www.indexsignal.com/vb/showthread.php?t=21169

وايضا هذا الموضوع وتحليل فيه عن الاسهم من الناحية الاساسية

اخوي انت عطني السايت وعطني الدليل بس


http://www.indexsignal.com/vb/showthread.php?t=15490

 

[كويتي 2005]

الي راح يصبر بعد اشويتين راح يجني ثمار صبره ، اصبر وراح تشوف سهم سلطان 4 دنانير قريبا جدا .... هذا إلي أقدر أقوله الحين ... وبعد ما يصير 4 دنانير أقولكم السبب

وطبعا سهم المخازن ما يحتاج اقولكم بجم بصير ... بس فاز بالثمرة من صبر وما باع الشجرة

 

[dedoo99]

سلطان يوم الاربعاء 1.120 - 1.160

 

[كويتي 2005]

تره اذا ودكم اتعرفون مسقبل السهم وليش وايد ناس ماسكينه ، سوو مثل ما سوو غيركم ، رتبولكم وفد مصغر وزورو ادارة المخازن او سلطان وسمعوا منهم الحجي الطيب عن المسقبل القريب ، وانتوا بعدين راح اتعرفون شنو السالفة وليش بعض المحافظ تبي تلم السهم بالنازل ، زوروهم وسمعوا منهم مثل ما سمع غيركم وراح ترتاحون وتنامون بهنا .

وبعد الزيارة راح تكتبون مثل ما كتبت ، اصبر اشوي بس وراح تشوف سلطان بـ 4 دنانير ويمكن 5 او أكثر وطبعا المخازن حدث ولا حرج بالارتفاع القريب جدا جدا ... بس اصبر اشوي

وينك يا نبيييييييييييييييييييييل

 

[nasr 2]

السلام عليكم
يا اخى كويتى2005 شنو قالو عن مستقبل سلطان في الايام القليله وعن سبب النزول ولك جزيل الشكر

 

[كويتي 2005]

كل إلي أقدر أقولك ، توكل على الله وإصبر وراح تفوز ... صبر جميل والله المستعان .... هل إنت سمعت خبر سيء عن الشركة او شفت ارباحه انزلت عن السابق او اي امر سيء عن الشركة .. لا طبعا .. كل شي ممتاز وحسب الأصول والتطور مستمر وارباح بزدياد ، طيب انت روح اسئل بالسوق وراح تسمع حتى المتداول البسيط وصله خبر عن ( طمره قوية لسهم سلطان قريبا جدا ) ولكن الخوف هو القاتل للمتداولين واما المتوكلين والواقعيين والصابرين سوف يجنون ارباح ترضيهم ، والقصص كثيرة جدا عن الذين صبروا على اسهم ادائها ممتاز وجنوا ارباح ، وهناك قصص عن الذين لا يصبرون ومع خوف المتداولين يسيرون فيخسرون اما من راس المال او الربح ، بالختام اذكرلك قصة صديقي باختصار إذ انه اشترى سهم المعادن بـ 400 فلس وانتظر سنة وهو يرى اداء جيد للشركة اذ انها الوحيدة بهذا المجال ولم يستطع الصبر اكثر واصغى لخوف الخائفين والمتذمرين والمحبطين والمتشائمين و باع السهم بنفس سعر الشراء ، ولم يمر على بيعه إلى اسبوع فقفز السهم بالحد الأعلى إلى ان وصل 2,500 واكثر ، لو كان من الصابرين لربح اضعاف ما حاول ربحه بمضاربات لا يحمد عقباها ... وفكر وتأمل وشوف واختار قرارك وخذ العبرة من تجارب الأخرين .
وهم نقول روحوا زورو إدارة مركز سلطان وسمعوا الكلام الطيب ، وبالأخص طلبوا مقابلة السيد / جميل السلطان . وراح تسمعون كل إلي يسركم ويجيبكم على ألغاز النزول وأسبابها وما هي نتائج من يمسك سهم سلطان ويصبر .
وشكرا

 

[king_q8]

راح انشوف

انا مو متشائم بس حدسى بان سهم سلطان راح يكسر الدينار (

 

[careful_invest]

بقدر ما يوجد تشاؤم كبير في هذا المنتدى بقدر ما اجد ان اسلوب هذا النزول المفتعل لهو دليل واضح على شيئ ايجابي كبير قادم. يا اخوان هل يعقل ان المحافظ تريد ان تصرف اسهمها بعدد محدود من الصفقات. هل يعقل بان سلاطين (ملاك) مركز سلطان اصابتهم سادية الخسارة واصبحوا يستمتعون بتدهور ارباح اسهمهم بهذا الاسلوب الدرامي..
هذا مجرد تحليل على الطاير..
اما المعلومة التي اريد ان اقولها وان اعتبرتوها اشاعة..من يملك سلطان لن يتحسف بعد كم اسبوع ان شاء الله..وهذه معلومة ثقة يا اخوان..

الله يوفقنا واياكم

 

[nasr 2]

السلام عليكم

أخى كويتى 2005

كلامك طيب واخبار سلطان كلها طيبه بس انا اعتقد ان اللى قاعد يصير شئ موطبيعى شغله اكبر من المحافظ شنو ما اعرف اريد الجواب من اهل الجواب

 

[الكندري بورصه]

اللي قاعد يصير شي مو طبيعي يمكن التشاؤم اللي صاير بهالوقت سببه أشاعات العقود كل نهاية اسبوع خلاص سببت لنا عقدة نفسية هالعقود.
والله أتنمى أن يرتفع سهم سلطان وإنشاءاالله الله يجازي صبرنا خير

والله يصبر الجميع الى الفرج إنشاء الله

 

[العتيبي2]

مجرد مداخلة بوضع الجارت وتوقع نموذج w

دعوة للتفاؤل

 

[كويتي 2005]

اهو باذن الله راح يصير نموج W وهذا للمتفاؤلين الصابرين ، واما المتشائمين اخف بتشائمهم وتحبيطهم وتخويفهم للناس يصير عرض وايد وبعدين يصير نموذج n

 

[المتجرد]

أرجوا الافادة

السلام عليكم ورحمة الله وبركاته ....

أولا أحب أن أشكر كل من السادة الكرام الريان ، الحربي ، يوسف الغضنفري
و alattarعلي هذا المجهود ورحمه الله والديكم .

ثانيا عندي طلب ارجوا ان يكون خفيف عليكم الا وهو تحليل لمستوي الدعم والمقاومه لمركز سلطان بعدما وصل الي سعره الحالي 1420.
وهل يعقل ان ينزل السعر الي 1200 كما سمعت أو 900 فللس

 

[كويتي 2005]

تذكروا كلامي قبل يومين لما قلت لا تستغربون إذا سهم سلطان إنطلق لسعر 4 دنانير

وإنشاء الله تشوفون الأيام اليايه كلها خير وبركة بإذن الله .

وينك يا اخوي يا الفهلوي ، طوفت زيارة الوفد لجميل السلطان ، بس الحين مالا داعي الزيارة لأن الكلام الطيب الي راح تسموعنه ، شفتوه اليوم بهل الصعود الحلو
بس تذكروني لما تشوفون السهم بسعر 4 دنانير ، وادعولي بالخير لأني اول من قالكم البشارة ... وإذا بعد أكو حلاوة لأني بشرتكم هم نو بروبلم

بس هل الكلام للصابرين المتفائلين وليس للمتشائمين المحبطين

 

[كويتي 2005]

للتذكير .... عطونا رايك بسهم سلطان اليوم

 

[المتجرد]

أرجوا الافادة

السلام عليكم ورحمة الله وبركاته ....

أولا أحب أن أشكر كل من السادة الكرام الريان ، الحربي ، يوسف الغضنفري
و alattarعلي هذا المجهود ورحمه الله والديكم .

ثانيا عندي طلب ارجوا ان يكون خفيف عليكم الا وهو تحليل لمستوي الدعم والمقاومه لمركز سلطان بعدما وصل الي سعره الحالي 1420.
وهل يعقل ان ينزل السعر الي 1200 كما سمعت أو 900 فللس

هل انتهي التصحيح علي مركز سلطان

ياجماعة أدري انكم مشغوليين ويعطيكم الله الف عافية ، ولكن أرجوا الرد قبل ما طير الطيور بأرزاقها ، والله يرزق الجميع انشاءالله .
واسف علي الالحاح المتكرر، وأتمني سعة صدركم معاي ، والله يعينكم علينا .