@@@ ديوانية المؤشرنت الاقتصادية @@@

[سالم علي علي]

شر البلية مايضحك :
اليوم جريدة الجريدة حاطين خبر : مطالبة نيابية بجلسة لـ«داعش» وجمع تواقيع لها
( واضح انها فرصة للتكسب الاعلامي للانتخابات )

الغريبة ان المساهمين صار لهم 7 سنين تدمرت اموالهم بمليارات الدنانير ولا احد سأل عنهم
ومشكلة داعش ماصار لها ثلاث ايام

داعش مالها شغل العشائر اهي الي حررت الموصل والانبار

 

[رابح رابح]

داعش مالها شغل العشائر اهي الي حررت الموصل والانبار

احنا عارفين بس النواب حسبالهم الناس اغبياء وقاعدين يتفنون فينا علشان يحصلون اصوات اكثر

انا اقصد ان كارثة المساهمين صار لها سبع سنين تخص كل المذاهب والاطياف وشرايح المجتمع واستثمارات الدوله
خسايرها بالمليارات محد تكلم عنها ومرو عليها مرور الكرام في فلم تجمع المتداولين ولا يبون يحلونها ليش؟؟؟

 

[الراقي]

هم يبون يوهمون الناس ان سبب النزول داعش
السوق الحين ناطر ردة فعل الجهات العليا مع اي طرف والله اعلم
نصيحة اللي عنده كاش يتمتع بكاس العالم ويصوم الشهر الكريم واللي مصيود معانا يسوي روحه نايم

 

[بن جمعان]

صبحكم الله بالخبر يالربع

 

[رابح رابح]

صبحكم الله بالخبر يالربع

صبحك الله بالنور والسرور بوعبدالله

 

[الراقي]

وين داعش اليوم ماخذين اجازة ههههههههههه

 

[بن جمعان]

صبحكم الله بالخبر يالربع

صبحك الله بالنور والسرور بوعبدالله

هلا بوخالد الغالي شلونك وشلون خالد

 

[رابح رابح]

صبحكم الله بالخبر يالربع


هلا بوخالد الغالي شلونك وشلون خالد

الحمدلله ابشرك كل شي زين
شلونك مع السوق

 

[بن جمعان]

الحمدلله ابشرك كل شي زين
شلونك مع السوق

والله بوخالد لا جديد شوفة عينك السوق خرطي
مجابلين العقار شوية ولو ان العقار متفوخ بس عالأقل
فيه حركة بسيطة

 

[رابح رابح]

والله بوخالد لا جديد شوفة عينك السوق خرطي
مجابلين العقار شوية ولو ان العقار متفوخ بس عالأقل
فيه حركة بسيطة

الله يوفقك ويرزقك بوعبدالله انا ما افهم بالعقار بس اللي اعرفه ان العقار منتفخ بينفجر ..امس شفت لي صديق دلال عقارات يقولي ما كو مشترا والعقار واقف ومحد يدفع ولازم ينزل سعر العقار
اخوي باع له بيت بهديه 600 متر دخل متوسط دورين بسعر 310 الاف دينار مأجره 1000 دينار بالشهر صار له 4 شهور عارضه وغصب شروه

السبب انخفاض القدرة الشرائيه لعدم توفر السيوله وخاصة عند الجيل المتوسط بالعمر وتشدد البنوك على الاقراض والاسعار خياليه والبورصه طايحه والناس خسرانه بالسوق واللي شفطو فلوس البورصه ما يستثمرونها وصراع سياسي ومشكلة العراق ومؤثرات سلبيه كثيره .. يوجد شلل كامل في دوران السيوله ونمو الاستثمار حاليا .

 

[بن جمعان]

كلامك عين العقل بوخالد
اليوم حطوا خبر أنابيب شطوله !!!
يخلونك ما تفهم شي الا أييب لي خبير ياباني
علشان أفهمه --- هههههههه
حوسه

 

[بن جمعان]

يالله صباح خير

 

[الراقي]

البيع من الكبار مبين من الصفقات بيتك وربة صفقة وحدة بالملاين

 

[رابح رابح]

قصيدة فيها اللي ودي اقوله

في خاطري هم"ولا ودي أبوح​

... أحاول أسلى والحزن عاش فيني

إلى متى وأنا من الوقت مجروح
...أشوف حلمي يموت قدام عيني

أنا بقايا إنسان عنا و مذبوح
...أحمل مآسي هم وسنيني فيني

من زود همي يا وهم تعبت الروح
...وأركض ورا حلم ذبل في يديني

يا هم تجرح خافقي ليه و تروح
...تركتني والموت يزداد فيني​

​

 

[بن جمعان]

صح لسانك بوخالد
مو منك هالحجي يطلع
من هالسوق الي ربك بلانا فيه وموقادرين نوخر عنه
وفوق كل هذا !!!
هم نشتري هههههه

 

[Now]

مساكم الله بالخير جميعا

تو الناس على النزول .. 6700 تقريبا ما بقى شي عليها

كلنا دشينا القرقور الحين .. مافيها روح وتعال

الله يعيننا

 

[رابح رابح]

صح لسانك بوخالد
مو منك هالحجي يطلع
من هالسوق الي ربك بلانا فيه وموقادرين نوخر عنه
وفوق كل هذا !!!
هم نشتري هههههه

هلابخوي بوعبدالله صح بدنك
هالسوق جننا واللي صار فيه ماصار بسوق ثاني
الله كريم ان شاء الله تفرج

لو تكرمت اتشرف برايك بموضوع هل الدخول للسوق استثمار او انتحار ؟؟

 

[رابح رابح]

مساكم الله بالخير جميعا

تو الناس على النزول .. 6700 تقريبا ما بقى شي عليها

كلنا دشينا القرقور الحين .. مافيها روح وتعال

الله يعيننا

هلا بالزعيم الله كريم بول يارب
بوعادل لو تكرمت اتشرف برايك بموضوع هل الدخول للسوق استثمار او انتحار ؟؟

 

[رابح رابح]

رواد الدوانيه الكرام لو تكرمتو اتشرف برايكم بموضوع هل الدخول للسوق استثمار او انتحار ؟؟

 

[Now]

رواد الدوانيه الكرام لو تكرمتو اتشرف برايكم بموضوع هل الدخول للسوق استثمار او انتحار ؟؟

هلا بوخالد

بشكل عام .. انتحار