speedorinoo2
عضو نشط
- التسجيل
- 21 مارس 2013
- المشاركات
- 8,154
لا يا خوي انا مؤيدك عن أطباء المستوصفات ،، هذولا حدث ولا حرج ، لا علم ولا خبره والأمور ماشيه بالبركه ، أو قول بسكوت الناس عليهم ، وبعضهم فوق شينه قوات عينه ،، وأسلوب دخيل علينا في التعامل بتعالى مع المرضى وذويهم ،، ولا حول ولا قوة الا بالله .
بالنسبه للخاص والله يا خوي صارت تجاره ، الشاطر اللى يعرف يقص عليك بفحصوات وتحاليل واشعات ومناظير وسونارات وابر وأدويه مالها لزوم والهدف يطلع منك فلوس !
خلها على الله والله صارت مهنه قمت استحي أنا نفسي منها ،،، طبعا الا من رحم الله ،، ولو خليت لخربت .
وانت كلامك صحيح ، وأنا كنت موافقك ،، وماله داعي اعتذار
حبيب يا بو عبدالله
تسلم أخوي دكتور بوعمر
صدقني إن قلت لك أنا من الناس ما يحبون يتعالجون لا في مستوصفات ولا بالمستشفيات ونحمد الله على ذلك
إن طحت ... إشتغلت على الثلج
وإن كحيت ولا عطست ولا ألم في الأسنان واللثة .... الصيدلية موجودة والحمدلله
وشريت اللي نعرفه من أدوية الفلو
ومع ذلك عندي بطاقة تأمين عائلية
بس ما أحب أستخدمها ولا أحب أراجع
وهذا بفضل الله سبحانه وتعالى والحمدلله رب العالمين
وتدري بعد ويمكن مروا عليك الكثير من اللي فيهم وسواس
والله يشفي الجميع إن شاء الله آمين
ومحشوم أستاذي الدكتور بوعمر
