السعودية والامارات والبحرين تسحب سفرائها من قطر

[درب العصامى]

و الكويت ...
اتمنى لها ان لا تدخل المعمعة !!
قطر ايضا لا تتحرك وحدها بل لديها دعم دولى

السوق الكويتى اصبح بالحضيض و يبحث عن اى مشكلة
الان اوكرانيا و من قبل ازمة اليورو ومن قبل الرهن العقارى و الخلاف الامريكى الايرانى الخ

عفية سوق

لا يتأثر الا بالاخبار السيئة فقط
تحياتى

 

[الصيااااااد]

دول الخليج اخوان ويتصالحون إن شاء الله

 

[الصيااااااد]

اول قلنا المضاربين الموقوفين

وبعدين قلنا قضية الدار

وبعدين اوكرانيا

والحين دول الخليج

وبعدين مع الظروف هذه ماتخلص

طيب مافية مضاد حيوي للصدمات نعطيها بورصتنا ؟؟؟

 

[Shadow123]

الحقيقه أستغرب ان يكون هناك بين دول الخليج العربي سفراء من الاساس ..

 

[hhh_hhh]

لا تكبرون الموضوع وايد

وتفاءلوا بالخير .. واللي يحصل حاليا طبيعي وبالعكس لو في مشكله خل تظهر عالسطح وخل تتناقش وتنحل بالنهاية في حكماء وناس يدورون الأمن والسلام لشعوبهم وبلدانهم مع اختلافهم
مافي مشكله مالها مو بس حل واحد حلوول وايد

ركزوا عالسلم والسلام ..

وإخواني المشاركين بالصفحه نصيحه من شخص منكم وفيكم وقالها من هو أشرف وأطهر وأحكم وأرحم مني عليه الصلاة والسلام ((من كان يؤمن بالله واليوم الآخر فليقل خيرا أو ليصمت ))


والأحداث هذي ما هي إلا إن شاء الله بداية لاستقرار وأمن ورفاه خليجي عربي

 

[TKA]

للأسف الشديد دول فاشله و مصابه بالخرف، على مستوى الحكومات - و ليس الشعوب.

الشعوب الخليجيه ذكيه ..لكن شتسوي؟

ما باليد حيله --- إحتراما لمقولة: الشيوخ أبخص.

لكن كل شيء له حدود. خل تتقلص الإحتياطات النفطيه، إذا مو تقلص سعر النفط في

الأسواق العالميه ... ذيك الساعه لا ينفع الصوت. أي ربيع عربي أي خريف ..إلا الظلام العربي.

إنا لله و إنا إليه راجعون

 

[جبل سنام]

طيب خوش سوق بالنزول يعجبك وبالصعود جنه ما يعرفك انزيل الحين بورصات السعودية والبحرين والامارات وحتي قطر ما نزلوا مثل سوقنا الحين سحب سفراء خر السوق و بسرعة يعني لو يصير تحرك عسكري شنو بصير ؟

 

[لسان ينطق بالحق]

المشكله في قطر سياستها خالف تعرف بيتهم من زجاج ويرمون الناس بالحجر
إبتداءا بالجزيره عمر الجزيره لم تتطرق لأي موضوع يمس قطر أما بالعالم
فحلال وبالوقت الحالي مع الأخوان 100% سؤال يطرح نفسه من المستفيد
وهل فاقد الشيء لايعطيه لا لا لا لا لا يوجد حرية رأي في قطر

 

[لاعب بورصة]

الأمور طيبة يوم يومين والامور تصير تمام يا ما مرت خلافات اكبر بين دول الخليج وراح تنحل و ان شاء الله أمير دولة الكويت يضع يده بيدهم مرة أخرى وينهي الموضوع وهو راعيها

أتمنى من الشركات والبورصة يكونون شوي فيهم حياء وذرة دم لما يعود الامير بسلامته وينحل الخلاف البسيط بين دول الخليج يشترون صبغ اخضر ويرشون على وجيهم مبتسمين

*************************************************************************************
البنوك اذا زادت من ملائتها مالها حل الى الأسهم ( محليا وعالميا - استحواذ او تأسيس او تدوير )

http://www.alarabiya.net/ar/aswaq/b...-الكويتية-يرتفع-لأكثر-من-183-مليار-دولار.html

 

[عندك سلف]

من الحكمة دخول المحفظة الوطنية في مثل هذه الاوقات