شركة المستثمر الدولي ش.م.ك.م ( مستثمر د )

[Solid_investor]

لو الأعلان اليوم جان حطوا بموقع البورصة موعد اجتماع مجلس الادارة

 

[mubarak2006]

المستثمر الدولي طال الانتظار

اخواني الشباب اسألكم عن سهم المستثمر الدولي متى صعوده ومتى يوزع ارباحه التي سمعنا عنها وهي 47 فلس بالربع الرابع ،، انصحوني انا شاريه 520 انا مراقبه من فتره طويله يرتد حتى 415 وصعوده بطيء جدا مع الشكر

 

[Solid_investor]

السهم استثماري ممتاز و ارباحه غالبيتها محققة و تشغيلية ما ينخاف منه انشاء الله

 

[abo faleh]

تفائل كل خير تجدوه ....

أرباح المستثمر الدولي حسب ما وصلني 42 مليون دينار وسعره قبل التفصيخ بحدود 670 فلس والله العالم ..
واتمنى انها تكون اكيده وهذي ليسة دعوه للشراء

والله يرزقكم كل خير ..

اليوم تأكدة انه الارباح للمستثمر الدولي 19 مليون دينار وربحية السهم

بحدود 46 فلس ناتجه من الربع الأخير ولا أعلم كم بتكون التوزيعات

والسعر ماقبل التفصيخ 670 فلس والله العالم

وأتمنى ان اكون كفيت وفيت .....

 

[نفل]

ماهي الاسباب

الاخ الفاضل ابو فالح
شكرا لنقل الارباح واعتقد 19 مليون معقوله مو 42 مليون ....
على العموم السهم لن يتحرك الى الاعلى الا اذا دعم من ملاكه او
كانت عليه توزيعات ارباح قويه ومرتفعه جدا ....غير هذا الكلام صرفوا علينا
السهم ولبسنا العمه...وننتظر حتى نرى التوزيعات .

 

[الاوحديون]

والله انت

اليوم تأكدة انه الارباح للمستثمر الدولي 19 مليون دينار وربحية السهم

بحدود 46 فلس ناتجه من الربع الأخير ولا أعلم كم بتكون التوزيعات

والسعر ماقبل التفصيخ 670 فلس والله العالم

وأتمنى ان اكون كفيت وفيت .....

يا اخي والله مشاركاتك ترد الروح
وارجو منك متابعتنا بالاخبار

 

[Solid_investor]

سعره الحالي مناسب جدا في رأيي ... أتوقع يوصل 450 بأذن الله قبل نهاية الشهر - مجرد رأي

 

[Solid_investor]

السهم متماسك على الرغم من ان السوق نازل 104 نقطة .. هذا مؤشر طيب . الله يرفع السهم باجر.

 

[sayer]

بسم الله الرحمن الرحيم

الله يسمع منك انشاء الله يرتفع السهم باكر ، والاخبار الي عندي انه اعلان الارباح المفروض من امس ما ادري شي السالفة

 

[mubarak2006]

متى يرتفع السهم

انشاء الله يا ابو فالح تكون اخبارك صحيحه عن ارباح المستثمر 19 مليون بس ما ندري هل هي منحه او نقدي او زيادة راس مال المهم يرتفع السهم ويتجاوز 500 على الاقل

 

[mubarak2006]

متى يرتفع السهم

انشاء الله يا ابو فالح تكون اخبارك صحيحه عن ارباح المستثمر 19 مليون بس ما ندري هل هي منحه او نقدي او زيادة راس مال المهم يرتفع السهم ويتجاوز 500 على الاقل و انا متفائل بهذا السهم الذهبي حتى لو هو بطيء

 

[Solid_investor]

اذا اتابع المعروض ابالتداول اليومي فراح تشوف ان المعروض ما يتجاوز مليونين فأي محفظة تدش عليه بقوة بتلاقون السهم انشاء الله متعلق بسهولة ... على سهم سعره تحت النص دينار شوية مليونين فهذا دليل ان السهم ممسوك عدل من الملاك

والله أعلم

 

[CHART TRADER]

الحذر

 

[Solid_investor]

الحذر

وضح جزاك الله خير

 

[الاوحديون]

الحذر

الحذر من شنو ؟؟؟؟؟؟؟؟؟؟؟؟؟؟؟
انت محلل محترف ولازم عند اعطاء تحذير تبيين اسبابه ؟؟؟؟؟؟؟؟؟؟؟؟

ولا ليش سموك محترف

 

[Solid_investor]

انا جاني خبر ان اعلان الارباح الاسبوع القادم باذن الله

 

[عنيد]

الحذر

وأنا أقول بعد الحذر لأن مؤشر الماكد معطي اشارة الخروج الى الآن ​

 

[nasy]

وأنا أقول بعد الحذر لأن مؤشر الماكد معطي اشارة الخروج الى الآن ​

ناس تقول ربحيه زينه وناس تقول الماكد

احنا لا طلنا الحمار ولا البردعه

لحد يسالني شنو البردعه

 

[زمان اقتصادي]

عندي توزيعات المستثمر لعام 2005

إن شاءالله باجر أحطه لكم؟؟؟؟؟؟؟؟؟؟؟

تحياتي

 

[السهم التجاري]

السلام عليكم ،،

حطه الحين ماعليك أمر ،،، إذا تقدر ،، شيصبرنا لي باجر