ارسال شكوى لشركة الشرق الأوسط للتداول

[bu3teeg72]

يعطيك العافية على رساله الشكوى كافية ووافيه ، اول الصبح راح اوقع عليها وأسجل رقم تداولي وأدزها بالفاكس لهم.

بارك الله فيك وكثر من أمثالك...

تحت أمرك.. بس أنا اقول لا نرسل الرسالة الآن لما نجمع أكبر عدد من الشباب (يالله وينكم!!!!) و أيضا نطلّع رقم فاكس رئيس الشركة. ما تسوى تندز حق أي واحد و يقطها بالدرج!

 

[mishlay]

يا جماعة لحد الآن بس شخصين اللي طلبوا نسخة من نص الشكوى!!!

يعني اهيا مو اجبار و كيفكم كل واحد يسوي الشي اللي يشوفه صح.. بس على الأقل لازم نسوي شي.. أي شي!!!!! اللي يبي يدز فاكس يدز.. واللي يبي يروح لهم يروح.. واللي يعرفله أحد بالشركة يكلمه... المهم نتحرك...!!!! واللي عاجبه الوضع مايشوف شر

بصراحة توقعت أكثر من جذي.. عالعموم الواحد يسوي اللي عليه والباجي على الله.

والله يا شباب أعتقد والله العالم إن القائمين على الشركه موكفؤ إن الواحد يروح يناقشهم بأي شي ولا يرسل لهم شكوى ! لأن هذي مو أول مره يحصل هالشي وثاني شئ لو في إحترام للعملاء شفت منهم إعتذار على مره وحده بس من المرات الكثيره واليوميه لتعليقة صفحتهم وبرنامجهم .وفوق كل هذا نعرف ناس هناك ومنهم #####بس ماعنده لا إهو ولا ###### وجه على الرد على العملاء !!! وللعلم معرفتي ###### شخصيه بس مثل ماقلت ماعندهم وجه للمصارحه !
وآنا أشوف شركات كثيره ولله الحمد ولا واحد إشتكى منها ومنها نفس الشركة مالت الأوسط وهو بنك الكويت والشرق الأوسط وكذلك متداول .
وبالنسبه لي بس نسيل الأسهم بتركهم وخلهم يولون لأنهم موكفؤ إنهم ما إحترموا العملاء وتسببوا بخسارتهم .!!!

 

[شرياص العديلية]

تبيهم ينظبطون بوعتيج ؟

لا .. ويصيرون مثل الساعة ...؟

قول حق الادارة ان الشرياص قرر يبي يسحب فلوسه !

وقولهم عندي 2000 سهم بنك بوبيان بعد !

والله هالناس يبيلهم العين الحمرة ... يا بو عتيج ...

اللهم طولك يا روح ..

 

[jassem777]

السلام عليكم


بصراحه كنت ناوي اشترك في الاوسط بس عقب ماشفت كلام الاخوان الطيبين

عن الشركه شلت الفكره من بالي

في اقتراح لشباب يجمعون الشباب في لحظه وحده لايقل عن 50 شخص

وينهون الاشتراك بامره علشان يحسون بقيمة العميل

 

[bu3teeg72]

والله يا شباب أعتقد والله العالم إن القائمين على الشركه موكفؤ إن الواحد يروح يناقشهم بأي شي ولا يرسل لهم شكوى ! لأن هذي مو أول مره يحصل هالشي وثاني شئ لو في إحترام للعملاء شفت منهم إعتذار على مره وحده بس من المرات الكثيره واليوميه لتعليقة صفحتهم وبرنامجهم .وفوق كل هذا نعرف ناس هناك ومنهم بس ماعنده لا إهو ولا وجه على الرد على العملاء !!! وللعلم معرفتي شخصيه بس مثل ماقلت ماعندهم وجه للمصارحه !
وآنا أشوف شركات كثيره ولله الحمد ولا واحد إشتكى منها ومنها نفس الشركة مالت الأوسط وهو بنك الكويت والشرق الأوسط وكذلك متداول .
وبالنسبه لي بس نسيل الأسهم بتركهم وخلهم يولون لأنهم موكفؤ إنهم ما إحترموا العملاء وتسببوا بخسارتهم .!!!

ماشي كلامك و على العين والراس.. بس وإذا نفع الحجي معاهم و انصلح الحال بطريقة ما؟؟؟ مو كلنا بنستفيد وتصير النفسيّات عشرة على عشرة؟؟؟ خل نحاول نسوي أي شغله يا معود محنا خسرانين شي... بدال محنا قاعدين ناكل بعمرنا جذي وبالأخير ماراح نوصل إلى أي نتيجة....

ها شقلت؟؟

 

[بورصراتي]

معروف الرد انه من البورصة مو من الشركة هذا الرد اللي راح يكون

 

[bigener]

البعض ( وهم قله ولله الحمد ) يرى أن حرية التعبير هي بإستعمال ألفاظ في قمة الإنحطاط والقذاره وهذا الأمر لانسمح به حفاظاً على أدب الحوار والنقاش الراقي

وللتذكير فقط وضعنا الأسلوب الصحيح للنقد المقبول في هذا الرابط
http://www.indexsignal.com/regulations.htm

ممكن توضح المقصود لو سمحت من هم المقصودين بالكلام ؟؟ لأن اليوم حذف موضوع كامل بمشاركاته هل هو بسسب ا، الموضوع يخص الأوسط ؟؟
حبيت أعرف ؟

 

[thunder]

القضاء هو الحل

اخواني ...الحل هو رفع قضية وطلب تعويض، وهو الحل الصحيح. فمن يقرع الجرس ...

 

[بوراشد جروب]

ماراح تسوي شي في رفع القضية ، لآننا موقعين على الطلب الي فيه بنود الاشتراك ومن هذه البنود أنه لا يتحمل الأوسط أي مسؤلية في حال إنقطاع الاتصال بالشبكة.

لو تلاحظ وتراجع بنود الإتفاقية والشروط هي نفسها موجودة في شروط
الأوسط
متداول
وإيفا-بورصة

 

[بوراشد جروب]

انا ذهبت اليوم للأوسط وقالوا لي أنه تم تركيب سيرفرات جديده ، وكان هناك أحد المتداولين طالب ان يقابل أكبر المسؤلين وهو معصب جدا ويرفع صوته على موظفات الإستقبال بسبب إنقطاع يوم الأربعاء ، وقال منو يعوضني الحين بعد ماراح علي اليوم كله، لو مخلي إفلوسي بالبورصة أحسن لي من خدمتكم السيئة ، وانا هم بعد شبيت معاه وعلقت بنفس المشكلة وحاولوا يهدونه ، حسيت أنه صار عندهم إرتباك داخل المكتب.

وقالوا إحنا معاكم هم عندنا حسابات في الأوسط وتعطل التداول يوم الأربعاء بسبب الأوامر الكبيرة فوق إستيعاب النظام.
رد عليهم إخونا المتداول المعصب : عيل وين نظامكم الي مسوين له كالهدعاية الكبيرة أنه الأول من نوعه وخدمة متميزه.

انا طرحت موضوع الشركة الكويتية للإستثمار ( متداول ) ماكان عندهم أي تأخير أو إنقطاع في نفس إنقطاع الي صار ذاك اليوم، كان هناك إثنين جالسين يمي فحاولوا يستفسرون عن متداول أكثر وطلبوا مني ان أعطيهم عنوانه.

بس بالنهاية بشرونا خير وقالوا إن شاء الله ما راح تتكرر هذه المشكلة بعد تركيبنا السيرفرات الجديده.

 

[bu3teeg72]

انا ذهبت اليوم للأوسط وقالوا لي أنه تم تركيب سيرفرات جديده ، وكان هناك أحد المتداولين طالب ان يقابل أكبر المسؤلين وهو معصب جدا ويرفع صوته على موظفات الإستقبال بسبب إنقطاع يوم الأربعاء ، وقال منو يعوضني الحين بعد ماراح علي اليوم كله، لو مخلي إفلوسي بالبورصة أحسن لي من خدمتكم السيئة ، وانا هم بعد شبيت معاه وعلقت بنفس المشكلة وحاولوا يهدونه ، حسيت أنه صار عندهم إرتباك داخل المكتب.

وقالوا إحنا معاكم هم عندنا حسابات في الأوسط وتعطل التداول يوم الأربعاء بسبب الأوامر الكبيرة فوق إستيعاب النظام.
رد عليهم إخونا المتداول المعصب : عيل وين نظامكم الي مسوين له كالهدعاية الكبيرة أنه الأول من نوعه وخدمة متميزه.

انا طرحت موضوع الشركة الكويتية للإستثمار ( متداول ) ماكان عندهم أي تأخير أو إنقطاع في نفس إنقطاع الي صار ذاك اليوم، كان هناك إثنين جالسين يمي فحاولوا يستفسرون عن متداول أكثر وطلبوا مني ان أعطيهم عنوانه.

بس بالنهاية بشرونا خير وقالوا إن شاء الله ما راح تتكرر هذه المشكلة بعد تركيبنا السيرفرات الجديده.

إي متى عاد؟؟ من زمان والناس تسمع هالحجي

 

[بوراشد جروب]

إعتذار وبادرة طيبة من الأوسط لتحسين الصورة أمام المتداولين.

وصلت الرساله الساعة 1:30 صباحاً اليوم

إليكم نص الرسالة:

عــملاءنا الكـرام،

نـود أن نـتـقـدم لـكم بـخالص الاعـتذار لما طـرأ صباح اليـوم من خلل نـاتج عـن أعـطال تـقـنيـة كانت خـارجة عـن ‏إرادة الشركة،
ونود أن نؤكد لكم بأن هذه الأعطال لا تعكس الصورة التي نطمح لتقديمها لعملائنا،

ونحيطكم علما بأننا نقوم و سنقـوم بأقصى الجهود لئلا يتكرر ما حدث اليوم وتقديم خدمة أفضل لعملائنا.‏



خدمة العملاء
شركة الكويت والشرق الأوسط للاستثمار المالي

Dear valued Customers,‎

Sorry for inconvenience;‎

We need to take this opportunity to send ‎our apologizes for the technical problems ‎we faced this morning, and we want to ‎assure you that it does not reflect the ‎quality of services we strive to maintain, ‎and we are trying our bests to update ‎and enhance our system, in order to get ‎your satisfactions all,‎

Please accept our apologizes,‎

We appreciate your business and look ‎forward to continuing our relationship in ‎the future.‎

Sincerely,‎

Customer Service,‎
Kuwait and Middle East financial ‎investment company

 

[قناص]

إي متى عاد؟؟ من زمان والناس تسمع هالحجي

عيل راح يجربونه فينا
وراح تتكرر المشكله
لان العذر نظام يديد
وانفخ يا شريم
قال ما من برطم

 

[bigener]

الله يستر من السيرفرات الجديده حتى الحين السايت تبع الأوسط ما يشتغل ؟؟؟

 

[bu3teeg72]

انا بحط لكم نسخة الشكوى واللي يبي يدزها جزاه الله خير (على الأقل الناس اللي صوتت).

 

[Bo_Rashed1]

انا بحط لكم نسخة الشكوى واللي يبي يدزها جزاه الله خير (على الأقل الناس اللي صوتت).

السلام عليكم ورحمة الله وبركاته,,,

مشكور اخوي العزيز // بو عتيج ,, على هالمجهود البذول من قبلكم واشكر جميع الاخوان المهتمين لموضوع الشكوى واشكر جميع الاخوان والمشرفين القائمين على هذا المنتدي بإعطائهم لنا الفرصه لكي نجد الحل السليم والامثل لهذه المشكله .. والله يجزاكم خير جميعا.


اخوي بو عيتج انا باجر الصبح ان شاء الله راح تكون نسخه من الشكوى وموقعه منى في شركة الاوسط وراح تكون على مكتب الشخص المختص.

والله يوفقنا ويوفقكم جميعا
ودمتم سالميـــن.

 

[MH For Ever]

استلمت الشكوي وان شاء الله بدزها غداً

 

[bujwsq8]

يعطيكم العافيه
انا اشوف انكم ممكن ما راح تستفيدون شي بهذي الشكوى
لان قوانين الكويت ما تحمي المستثمرين الصغار
ونعتبر احنا مستثمرين صغار
بس ما يمنع انكم اتحاولون
بس انا بالنسبه لي تعبوني وايد وتعبو اعصابي وخسرت من طريقهم
بس اللي سويته معاهم هو اني سحبة كل اموالي منهم ورحت اتداول مباشرتا عن طريق البورصه وكنسلة الاشتراك عندهم بالاوسط لاني تهاوشة معاهم وايد يمكن 6 مرات مع اللي يشيلون التلفون ومع مسؤول المتداولين
بس الحين صرت ما افكر بالتداول مره اخرى معاهم ولا انصح احد يتداول معاهم
واذا ما نفعتكم شكوتكم عليهم كنسلو الاشتراك وريحو بالك وانصحو الناس عنهم وبينولهم شنهي المساوء واهما كيفهم
هذا رايي في هذا الموضوع​

 

[قناص]

على اي عنوان نرسلها يا جماعه ؟

 

[bu3teeg72]

يعطيكم العافيه
انا اشوف انكم ممكن ما راح تستفيدون شي بهذي الشكوى
لان قوانين الكويت ما تحمي المستثمرين الصغار
ونعتبر احنا مستثمرين صغار
بس ما يمنع انكم اتحاولون
بس انا بالنسبه لي تعبوني وايد وتعبو اعصابي وخسرت من طريقهم
بس اللي سويته معاهم هو اني سحبة كل اموالي منهم ورحت اتداول مباشرتا عن طريق البورصه وكنسلة الاشتراك عندهم بالاوسط لاني تهاوشة معاهم وايد يمكن 6 مرات مع اللي يشيلون التلفون ومع مسؤول المتداولين
بس الحين صرت ما افكر بالتداول مره اخرى معاهم ولا انصح احد يتداول معاهم
واذا ما نفعتكم شكوتكم عليهم كنسلو الاشتراك وريحو بالك وانصحو الناس عنهم وبينولهم شنهي المساوء واهما كيفهم
هذا رايي في هذا الموضوع​

صح أخوي ممكن ما نستفيد.. لكن بالمقابل ممكن نستفيد، وبالحالتين نقول العوض ولا القطيعة وماراح نخسر شي إذا حاولنا، وبرأيي هالشكوى على الأقل أفضل من التحلطم بالمنتديات من غير نتيجة.

وعلى فكرة أنا لحد الآن ما خسرت بسبّة الأوسط واذا سويت شي فهو عشان الشباب اللي كلوها عدل (وهم عشان ما يحوشني طشار أنا بعد )