خسران ربحان
عضو نشط
الله يجزاك خيربيض الله وجيهكم ما قصرتم بشي الله يجزاكم خير ويجعلها بميزان حسناتكم وان شاء الله الاسبوع القادم راح افتح محفظه بالاهلي المتحد
لان الاسهم الربوية مهما ربحنا ما فيها بركه
(( يمحق الله الربا ويربي الصدقات ))
راح اعطيك الخطوات ممكن تكون عارفها ولكن لاضرر ولاضرار
ممكن احد يبي يعرف الطريقه
اذهب لاقرب فرع بنك الاهلي المتحد وياك البطاقه المدنيه الاصليه
يطلب منك الموظف 250 دينار 100 للبطاقه ثابته على طول
والباقي كرصيد تقدر تسحبه فورا بعد انتهاء البطاقه واستلامها
تعبئة الاوراق مع اختيار رقم سري للبطاقه ( السحب الالي ) كل هذا بنفس الوقت
انتهيناء واستلمت بطاقة السحب الالي وكله خلال نصف ساعه واقل
يجي دور فتح الحساب للتداول تبي عن طريق الفرع يبي وقت انتظار بعد ثلاثة ايام لتفعيل حسابك
تبي بنفس الساعه
عن طريق البنك الرئيسي للاهلي المتحد وعنوانه عند صيارف المباركيه قبل الوصول لمطعم مكدونالدز
يمينك بجانب بيت التمويل الكويتي الرئيسي تلاقي الاهلي متحد بجانبه
اظن فيه شركة الشرق الاوسط اذا مو ناسي بجانبهم الاهلي متحد
هناك اسأل الموظفه اظن الدور الاول او الثاني ناسي
تكون وياك البطاقه المدنيه دش عند الموظف للتسجيل تقعد جنبه 5 دقايق لتضع ارقامك السريه
رقم المستخدم والرقم السري في الجهاز وتحفظهم وعلى ماتشرب الشاي 10 دقايق ويقول لك الموظف تم تفعيل الخدمه
وروح تداول وسلامتكم
وهذا الموقع للتداول
https://www.aubtrade.com.kw/servlet/ControllerServlet