تغريدات .... بوأحمد ....

[Albaghdadi]

الحين نيي للاسهم اللي فوق القيمه الاسميه .. ولكنها تعتبر رخيصه اذا ما حطيناها في ميزان البيانات الماليه والارباح والتوزيعات .. فكثير من الناس يشترون اسهم بهدف الحصول على توزيعات نقديه بالمستقبل .. وافضل استثمار في هذا المجال هو الحصول على سعر سهم مغري .. وتوزيعات طيبه .. وفبعد فتره تحصل على سعر سوقي مضاعف وارباح نقديه سنويه .. وهذي قمة النجاح بوجهة نظري .. ومن هذه الاسهم اللي اشوفها في الوقت الحالي ..

العقارات المتحده .. الرابطه .. التجاريه .. الصناعات المتحده ( مراعاة تحديد السعر المناسب للدخول ) .. ايكاروس ايكاروس ايكاروس .. القرين ب .. الاهلي المتحد البحريني .. تمدين أ الراي .. تنظيف ..

والله تعالى اعلم

 

[Nameless]

صبحك الله بالخير بو عبدالله
للأمانه بو احمد ما قصر بتحليل سهم منازل
لكن ممكن اعرف رايك في السهم فنياً ، وما يهمني النقطة اللي احتار فيها بو احمد
هل تتوقع ارتداد السهم في الغد أم تتوقع كسر الدعم عند 65-64 ؟

السهم بوجهة نظري سلبي من كسر 69 نموذج مثلث وهدف سلبي في خانه الخمسينات 52 تقريبا (وضعت له شارت قبل فتره يذكره بو احمد)
حاليا نقول نقاط ارتداديه 64 اولا كسرها نروح 59 وهي نقطه ارتداديه قويه

وجهة نظري سلبي في الوقت الراهن والله اعلى واعلم

 

[Nameless]

هلا ومية غلا هلا بالورد والله
شارت منازل ابو احمد حسب رؤيتي والله اعلم

مشاهدة المرفق 218068

مشاركة قديمه شوف الشارت بو محمد

 

[Albaghdadi]

بعيدا عن الاستثمار وبعيدا على البيانات الماليه الجيده .. الاسهم التي تتداول قريبه من دعومات مهمه .. او على شفى اختراق مقاومات مهمه جدا ..

وايد اسهم ومذكورين بالتفصيل بالصفحات اللي طافت .. آسف اني راح اكلف عليكم لانهم وايد وراح اذكر بعض من اللي يحضروني الحين ..

ارجوا متابعة كامل التحليل في الصفحات اللي طافت لاني بذكر الدعم المهم وتفصيل التحليل موجود ..

صفاة طاقه 51 .. الرابطه من 108 لي 100 .. اعيان 63 64 .. مركز سلطان من 100 لي 96 .. تجاره على دعم مهم واغلاق فوق 70 ايجابي جدا .. ابيار اذا فازت دبي راح تكون له صولات وجولات وجميع الاسهم اللي لها علاقه بدبي .. ويارب تفوز يستاهلون .. دعم 54 مقاومه 57 اغلاق فوقها ليومين اشارة دخول .. مزايا تحليلها موجود قبل جم صفحة .. تمو... لا هذا مو كفو ..

 

[Albaghdadi]

هذا اللي عندي في الوقت الحالي .. اتمنى الفائده للجميع .. وبالتوفيق .. وهم اللي عنده استفسار هم حاضرين

 

[Q8Broker]

السهم بوجهة نظري سلبي من كسر 69 نموذج مثلث وهدف سلبي في خانه الخمسينات 52 تقريبا (وضعت له شارت قبل فتره يذكره بو احمد)
حاليا نقول نقاط ارتداديه 64 اولا كسرها نروح 59 وهي نقطه ارتداديه قويه

وجهة نظري سلبي في الوقت الراهن والله اعلى واعلم

مشاركة قديمه شوف الشارت بو محمد

تسلم بو عبدالله ، كفيت ووفيت يا خوي
أقولك شي بو عبدالله ، تدري شنو مشكلتنا ، نشوف الشارت ونعرف اللي راح يصير ومع الأسف هم نكابر
الحمد لله على كل حال

 

[Q8Broker]

هذا اللي عندي في الوقت الحالي .. اتمنى الفائده للجميع .. وبالتوفيق .. وهم اللي عنده استفسار هم حاضرين

تسلم ، وفي ميزان اعمالك يا بو احمد

 

[Albaghdadi]

تسلم ، وفي ميزان اعمالك يا بو احمد

انت تملك في منازل بومحمد وعلى جم اذا ما فيها حشريه على قولتهم ؟

 

[Albaghdadi]

باركولي يا الربع اخيرا كتبت تويته ..

 

[Q8Broker]

انت تملك في منازل بومحمد وعلى جم اذا ما فيها حشريه على قولتهم ؟

افا يا بو احمد ، نعم املك بالسهم ، وسعر الشراء 70 فلس

 

[Albaghdadi]

هم السكب ك زين واذكر اني شفته ووصيت عليه قبل فتره .. بس ليش بمثل هالازمه واشتري سهم ب 400 فلس ..

نابسيكو والا اسيكو اللي يملكون فنادق في دبي ؟

 

[Albaghdadi]

افا يا بو احمد ، نعم املك بالسهم ، وسعر الشراء 70 فلس

بناء على توصيه مني صح ؟

 

[Nameless]

تسلم بو عبدالله ، كفيت ووفيت يا خوي
أقولك شي بو عبدالله ، تدري شنو مشكلتنا ، نشوف الشارت ونعرف اللي راح يصير ومع الأسف هم نكابر
الحمد لله على كل حال

تامر امر وعسى الله يوفقك بو محمد

 

[لاعب بورصة]

هم السكب ك زين واذكر اني شفته ووصيت عليه قبل فتره .. بس ليش بمثل هالازمه واشتري سهم ب 400 فلس ..

نابسيكو والا اسيكو اللي يملكون فنادق في دبي ؟

اسيكو ووصلت لسعر 210-220 وطلعت نتائج وارباح وتقارير واستثمارات في دبي وفنادق وصل 380-360

 

[Albaghdadi]

اسيكو ووصلت لسعر 210-220 وطلعت نتائج وارباح وتقارير واستثمارات في دبي وفنادق وصل 380-360

شكرا يا اونكل .. هم هذا راح يستفيد وايد اذا ما فازت دبي ..

 

[Albaghdadi]

في مقابله للاستاذ فهد الرجعان .. يتكلم عن التامينات الاجتماعيه وارباحها ونجاحاتها .. ويعزي الخسائر لوصول بيت التمويل الى 3 دنانير وبالازمه وصل 800 فلس .. ويقول فماذا نحن فاعلون !!

اي والله انتوا الفاعلون ونحن ال ....

انا ريال ما افهم شي بالاقتصاد .. بس عندي استفسار بسيط .. التامينات اكبر مالك في اجليتي .. ماذا فعلتم لما وصل السهم الى 6.600 دنانير ؟؟ الخبراء الماليين والاقتصاديين شنو سوو اللي باعوا سهم اجليتي ب بتاريخ من 2/5/2013 لي 9/5/2013 بنسبة 0.790 بمتوسط سعر 670 فلس فهل هم محاسبون ؟؟

اذا الخبراء والعلماء اللي قاعدين يديرون هالمليارات بالازمه يقولون ماذا نحن فاعلون .. وفي الرخاء لا يعلمون ماذا يفعلون .. احنا جذي نروح نموتون احسن .

 

[Albaghdadi]

تصبحون على خير .. ورضينا بالهم والهم ما رضى فينا .. ماذا نحن فاعلون عاد .. سلمني المايك انت بس .. اذا ما اخلي اهل البورصه يلعقون صورتك بصالات بيوتهم لك اللي تبي

 

[لاعب بورصة]

ههههه ابو احمد شكله يحبك مال التأمينات

عاد اليوم مصرح تصريح حاسد المتقاعدين : ارباحنا مليار د.ك ومعاشات المتقاعدين 2 مليار د.ك وتراها الأعلى بالعالم في احد يسمعنا اي الأعلى

http://alwatan.kuwait.tt/mobile/marticledetails.aspx?id=320394&yearquarter=20134

جيل بنى الكويت مر عليه 33 عام سحق بالرواتب للموظفين وسحق بالتقاعد وفرق الآن ب قبل 5 سنوات فقط ويقولون 2020 راح نفلس انا ما ادري وين رايحين بالضبط
مليون تصريح عن مواطن وموظف ومتقاعد صارلنا 10 سنوات الحكومة مالها تحارب الشعب بالتصاريح شنو فيه ما أدري وليش !؟!؟!؟!؟

 

[أبو فلسين]

لحظه .. منازل احللها علشان ما انساها وبعدها اقول الاسهم اللي اشوفها زينه للاستثمار .. ترى وايد :>

أخوى ابو أحمد شرايك بالافضليه وبهذى الاسعار أبيار افضل او منازل افضل
اشهد بالله انى عطيتك باص كأنك منفرد انت والحارس وبس

 

[بو مازن]

تصور كلاسيك لحركة المؤشر تؤيد ما اظنه من أن التصحيح يوشك تماما على الانتهاء و الله أعلم