تغريدات .... بوأحمد ....

[Albaghdadi]

منازل .. سألة عنه اخوي ناملس بوعبدالله اكثر من مره .. السهم مقتنع فيه .. في الوقت الحالي يحتاج المحافظه على 71 .. والاعلان عن نتائج الربع الثالث .. على حسب ذاكرتي انه السهم ماله تاريخ سئ فيما يخص الايقافات .. املك بالسهم .. والله تعالى اعلم

 

[Albaghdadi]

يحتاج احلل صفاة طاقه ؟؟

والا ما يحتاج .. تعبنا .. دعواتكم الخرافي يخلص منه ويحرره

 

[Albaghdadi]

التحذير من نزول السوق ما اشوفه ذو اهميه .. واستذكر جمله للدكتور كان يكررها وايد وهي .. انه لا يبدع الا بنزول السوق فهي لعبته !

وهنا يجب ان نفرق .. بين نزول السوق .. وبين اشارة الخروج والسلبيه .. لذلك اقول خلك مضاربي واخذها حبه حبه .. وللمستثمر اعرف دعومات سهمك ..

 

[Albaghdadi]

انوفوست اليوم ذكرت انه بكسر 90 يتجه الى 87 .. وهذا ما حدث تماما واغلق على 89 وهو الدعم الذي ذكره اخوي ناملس .. ارقام مهمه للسهم وهي 87 86 84 .. لو اني ما افضل اغلاق تحت 86 وما عندي مشكله في ملامسة 84 والاغلاق على 86 .. وهذا السيناريو اللي ارجحه في حال النزول ..

في حال الصعود .. ارى انه من الضروري اغلاق اسبوعي 90 ليعطي السهم اشارة دخول صريحه ومريحه .. الى 104 ومنها الى اهداف جديده ..كما انه يحتاج الى اغلاق فوق 88 على الشهري ليعطي اشارة ايضا .. ويكون فيه 87 دعم .. واعتقد انه سيفعل .. فنيا السهم يستحق المتابعه .. والله تعالى اعلم

 

[Albaghdadi]

شسوي ! اشتري كل السوق .. شلون يعني كل السوق زين !! خلاص يبا بطلنا

 

[Albaghdadi]

زين قلنا اليوم 690 700 دعوماته مافيها غشمره .. والله تعالى اعلم

 

[Albaghdadi]

من غير الالتفات لاشاعة الخرافي مع الوطني .. الاستثمارات الوطنيه وهي الشركة الام طيبه ماليا وفنيا .. وغيره رخيص ولكن يعتبر استثمار خطر .. وجهة نظري .. والعلم عند الله

 

[Albaghdadi]

ارتفاع ارباح اجليتي .. من هو المستفيد الاول .. الوطنيه العقاريه مركز سلطان ؟

كمجموعه .. اجليتي صعدت صعود طيب .. وكذلك بيان .. باقي الوطنيه العقاريه وسيكون وضعها غير في حال سداد او جدول الديون .. ومركز سلطان في مرحلة التسخين ويبيله وقت مو اكثر ..

 

[Albaghdadi]

بعد جمعية المدينه .. وشطب الخسائر .. اذا رجعت وقفت فهي ضيعت على نفسها فرصة مصالحة المضاربين والمستثمرين وبذلك تكون فقدت الثقه بشكل مؤقت .. توقع غير المتوقع بسوق الكويت للاوراق الماليه .. للعلم والاحاطه الدعم 51 49.5 ..

 

[ابو مبارك 3]

مبرووك الصفحه ابو احمد موفق خير والله يجزاك خير لمساعدة اخوانك

 

[h1964kw]

بواحمد انا هم ابي اطلب منك الديره ماذكرتها ليش ناسيها

 

[Albaghdadi]

الديره ايفا .. عقارات الكويت شاطه ود للتمويل شاطه .. اشوفها باجر حاضر ..

 

[h1964kw]

الديره ايفا .. عقارات الكويت شاطه ود للتمويل شاطه .. اشوفها باجر حاضر ..

عسى الله ما يحرمنا منك ومن مداخلاتك وفكاهاتك ... بس كافي وشكرا لك

 

[عبدالعزيز34]

بواحمد جزاك الله الف خير على خدمت اخوانك وبميزان اعمالك -

سؤالى طال عمرك عن بنــــــــك وربـــــــــه اشرايك فيه وهل تتوقع فيه صعده والا نزول - ابي رايك وتحليلك اذا ممكن

 

[سناعيس]

بعد التحيات والتبريكات ,,,لى ملاحظتين​

الاولي على الاسم فكنت افضل " تغريدات البغدادي".​

الثانيه المفروض ترسل بطاقات دعوه للافتتاح يالحبيب.​

عموما,,سر على بركة الله​

ومسامحك لانك استوعبت ما كتبته بالانجليزي لك ونفذت الرساله​

أما ابو هادي​

فلن اكتب اكثر ما كتبت​

" عقد لؤلؤ فريد,,, انفقد"​

 

[سناعيس]

بعد جمعية المدينه .. وشطب الخسائر .. اذا رجعت وقفت فهي ضيعت على نفسها فرصة مصالحة المضاربين والمستثمرين وبذلك تكون فقدت الثقه بشكل مؤقت .. توقع غير المتوقع بسوق الكويت للاوراق الماليه .. للعلم والاحاطه الدعم 51 49.5 ..

هذه عاداتج يا هيله
ولا ترجو منها, مالا يرجى
سبق وان اوضحت لك الخطوط العريضه عن هذه القروبات

 

[Albaghdadi]

والله يا ام احمد انا ما اعرف هيله ! بوجاسم انت تبي تسقطنا !!

مشكور على الملاحظات القيمه وعلى فكره وبكل امانه ما فهمت اللي قلته بالانجليزي بس كان احساس :>

فيما يخص تحليل بنك وربه ورايي فيه .. باجر ان شاء الله ..

 

[خوي المغامر]

مبروك الصفحة الجديدة يا ابو احمد ونتمنى لك التوفيق ،،،

 

[ism]

السلام عليكم ورحمة الله وبركاته
مبروك الصفحة الجديدة بوأحمد الله يوفقك

 

[القناص.]

الف الف مبروك بوأحمد علي صفحة تغريداتك الجديدة
وعساها فاتحة خير علينا وعلى السوق وتخلية يغررد فوووق
آمين يارب

وتقبل تحياتي