تغريدات .... بوأحمد ....

[سفير النواياااا]

انت تدري ماكو تقائل وتشائم
السوق مكون كوب وعروه يا سفير النوايا ، شوفه على الشهري

شوف الشارت بوعمر

 

[نصوح]

شكرا أقولها بأعلى صوتي للجميع وخاصه ل
بوأحمد
الدكتور بوهادي
بوعبدالله (nameless)
الدكتور بوعمر
سفير النوايا
لقد إستمتعنا وإستفدنا من نقاشكم الجميل والثري
وكذلك الأخ نصوح
جعلنا الله تعالى وإياكم ممن كانت الدنيا آخر همه حتى تأتيه وهي راغمه

الله يجزاك خير حبيب قلبي
وتسلم لي على هالدعاء الطيب من أخ طيب
وأسأل الله العظيم أن لا يريك بهذه الدنيا ألا ما تحب
وأن يبعد عنك كل ما تكره أنت ووالديك وأهلك كافة

 

[سناعيس]

انت تدري ماكو تقائل وتشائم
السوق مكون كوب وعروه يا سفير النوايا ، شوفه على الشهري


على راسي

راسك سالم...​

 

[العقيله]

والله كنت متوقع النزول
من يشوفون الناس متفائلة صرفوا عليهم
ومن يشوفون الناس تتذمر ياخذون أسهمهم
ويصعدونه
آنا بعرف شكو أحنا بفوز دبي بأكسبو ستة 2020
يعني شركات الكويت اللي لها عقار راح تدخل أرباح
بعد سبع سنين
الله يهداكم مرات أحس أن تفكيركم محدود وما تتعلمون
من سوق الكويت
الله المستعان

السلام عليكم
كلام في الصميم وصحيح
امس اقرأ المشاركات تفاءل غير منطقي
ومشاركات تضيع بعض المبتدئين ويكونون سبب بدون قصد او بقصد
في تصريف كبار المضاربين عليهم والشواهد كثيره
بالعربي طريقة سوقنه غير ولكن للمستثمر اعتقد الصبر زين

 

[ابن صفير]

صدقني المشكلة ليست بالسوق وحده....المشكلة فينا كمتداولين...

ارتفع السوق 2800 نقطة....ما سمعت احد اشتكى لا من شركة ولا من ادارة ولا من مضاربين...
ينزل 200 نقطة، تقوم الدنيا وما تقعد....

في شي اسمه وقف خسارة...تبريد...بيع واعادة استرداد....كاش بالمحفظة.....تراه هو الدواء...
البكاء والنحيب على الاطلال ما يربح فلوس...ولا يغير شي...

مساء الخير بو هادي
ابي تشخيص لحالتي
عندي مشكلة انا ماربح الا اذا كان السوق نازل
اذا كان احضر صعب اربح
اين المشكلة وشنو الحل

 

[ism]

تسلم حبيبي

الله يسلمك ويحفظك من كل شر

 

[ism]

السلام عليكم
بوأحمد والدكتور بوهادي وسناعيس وسفير النوايا nameless
سامحوني اني ما ذكرتكم بالاسم يعطيكم العافية ع المجهود اللي تبذلونه
وعساكم ع القوه

 

[Albaghdadi]

السلام عليكم ،،، عسى محد تعور ،،، مو غريبه على سوقنا ،،، سامحونا طلعنا بنص التداول ،،، نشوف شصار

 

[نصوح]

مساء الخير بو هادي
ابي تشخيص لحالتي
عندي مشكلة انا ماربح الا اذا كان السوق نازل
اذا كان احضر صعب اربح
اين المشكلة وشنو الحل

تصدق يا بن صفير آنا نفسك تماما
ما أربح ال والسوق نازل وأصيد الأسهم بالطيحات
بس مرات يطيح السهم على راسي ويسدحني كم يوم عدل
يبيلنا مطوع يقرا علينا

 

[whaler]

حتي انا بعد وياكم
لييييييييش ؟
سوق احمر نربح سوق اخضر خساااااير

 

[أبو عمر]

حمدوا ربكم ،، أكو ناس ما تربح لا أحمر ولا اخضر ، ولا اصفر حتى !

 

[Albaghdadi]

اغلاق السوق يلوع الجبد .. وارجع واكرر .. مو مهم المؤشر المهم اتصيد السهم بالسعر المناسب ..

مبروك لربع الاهلي المتحد .. مبروك لربع تجاره ..

ابيار سكر فجوته على 59 .. دبي قلنا كسر 132 دعمه 126 والسهم سكر 128 .. دللتمويل دائما كنا نذكر 78 والفجوه اللي عندها السهم سكر 79 نعيد تحليل السهم وتحديد افضل نقطه للدخول على السهم كوني مقتنع فيه وايد

 

[Albaghdadi]

مشاريع الكويت .. اعتقد انه اعطى دخول ..

 

[Albaghdadi]

اعيان وصل 63 .. كما ذكرنا من الاسبوع اللي طاف ..

 

[Albaghdadi]

بوجهة نظري تمدين أ .. اعطى اشارة دخول .. هم نذكرها علشان نحللها بالويك اند

 

[Albaghdadi]

تمويل الخليج .. آخر متوسط وهو متوسط ال 10 على الشهري عند 40.20 بالضبط .. اغلاق شهري 40 .. نقدر نقرب ؟؟

آخر دعم على الاسبوعي عند 39 وايضا على اليوم آخر دعم عند 39 .. علما بانه ال 40 ايضا دعم .. اغلاق تحت 39 .. خروج دون تردد بوجهة نظري المتواضعه

 

[abofaresq8]

السلام عليكم ...
اشلونك اخوي ابو احمد ...
الله يعطيك العافية انت والشباب علي المجهود اللي تبذلونة بالصفحة ...

 

[Albaghdadi]

الفجيره .. اكرر اغلاق تحت 90 موووووووووووووو زين .. زين لو ينزل شكثر ممكن ينزل ؟؟ 70 اعتقد انه اقصى نقطه ممكن يوصلها .. طيب نقاط ارتداديه 88 84 82 ..

ماليا ما اعتقد انه عليه مشكله عويصه .. موجودات متداوله 35 مليون .. مجموع الموجودات 134 .. احتياطات 28 مليون .. ارباح مرحله 16 مليون .. مطلوبات متداوله 38 مليون مجموع المطولبات 62 ..

والله تعالى اعلم

سكر 87 اليوم .. نتابعه بشكل يومي ..

 

[Albaghdadi]

وعليكم السلام .. الله يعافيك حياك الله

 

[Albaghdadi]

الكويتية للاستثمار .. التاسيس على 136 حلو ..