ديوانية قروب البحر

[العبد لله]

والله الكلام موجهة لمجلس ادارة ايڤا حلوا مجلسكم وخلوا وجوه جديده بدلا من وجيهكم تدخل المجلس لان عندهم افكار جديده ويمكن يتغر النحس

 

[العبد لله]

ماهي اسباب نزول مجموعة ايڤا اليوم الثلاثاء

 

[فوزى بو احمد]

اداء سئ للمجموعة

 

[adel8877]

اداء سئ للمجموعة

وين المجموعة اللي ادائها زين بالسوق . السوق كله محصل بعضه . تداول على الفلس والنص فلس !!!!!!!!!!!!!!

 

[الواثق بالله 2]

وبعدين مع مجموعة البحر ؟؟؟؟؟

 

[سفير الود]

وبعدين مع مجموعة البحر ؟؟؟؟؟

ايفا فنادق من شهرين ٤ صفقات الكميه ٢٠٠٠ سهم بس قروب ميت

 

[العبد لله]

فعلا اسوء مجموعة واسوء ادارة بس الشرهه علي لجنة المناقصات الي ارست عقد علي ايڤا شلون ينفذونه وهم ماعندهم ادارة جيده كله خسائر بكره يهدون المشروع ويقولون خسرنا فيه حسبتنا غلط عمي المجموعه انا اشوفها شركة ورقيه بس تدبسنا فيه لكن ربك كريم ويخلصنا منهم

 

[sami112]

الواحد يدش الصفحة يدور اخبار زينه عن الشركه مناقصات شي يفتح النفس مايلقي إلا تحلطم بتحلطم
هذا البحر يالي تعرفونه مايستمر علي حال مره فوق مره تحت وهذي طبيعه أسواق المال أتوقع والله العالم إذا المناقصة صحيحه راح تتعدل الشركه ١٨٠درجه وللأطمئنان إذا كثر التخويف والتحلطم يعني الأخبار صحيحه والله العالم

 

[فوزى بو احمد]

مدار يونيكاب مغاربية ارتفاع قوي والبحر اسهمه ماعليها تداول مجموعة المدينة اليوم عليها تداول وايضا الساحل والسوريه بداية تحركات لجولة مضاربيه

 

[بروكر محترف 2]

مدار يونيكاب مغاربية ارتفاع قوي والبحر اسهمه ماعليها تداول مجموعة المدينة اليوم عليها تداول وايضا الساحل والسوريه بداية تحركات لجولة مضاربيه

مبارك عليك الشهر بوأحمد

 

[فوزى بو احمد]

مبارك عليك الشهر بوأحمد

الله يبارك بعمرك اخوي بروكر وتقبل الله طاعتك على فكره بجمع بسهم كميه كبيره مثل اموال قبل بس ماراح اقول واشوفك جنك شاري فيه ومسوي اسناد للسهم

 

[فوزى بو احمد]

مجموعة البحر تنشط بشهر 8 تاريخيا و3 اسهم محققه قيعان جديده ارزان والديره وايفا فنادق

 

[بروكر محترف 2]

الله يبارك بعمرك اخوي بروكر وتقبل الله طاعتك على فكره بجمع بسهم كميه كبيره مثل اموال قبل بس ماراح اقول واشوفك جنك شاري فيه ومسوي اسناد للسهم

القلوب عند بعضها هههههههههه أموال 2 يا ليت قومى يعلمون

 

[العبد لله]

مجموعة البحر تنشط بشهر 8 تاريخيا و3 اسهم محققه قيعان جديده ارزان والديره وايفا فنادق

وعقب شهر 8 تاخذ مخدر الله لايبارك فيها من مجموعه
ياجماعة والله اعيد واكرر المجموعة انتهت بوفاة المرحوم جاسم البحر انسي الاسم إلي كان مؤشر البورصة يخليه احمر او اخضر مجموعة البحر لكن الان ينطبق عليها مثل البدوي ( بحر بوجه العنز واحلب لبن )

 

[مليون دينار]

شركات البحر مضاربيه فقط بالسوق الكويتي

بعد ما ضيقت عليهم الهيئة بسالفه المضاربه ضاعت بالسوق والتداول صار شبه معدوم

 

[رابح رابح]

تعيين طلال جاسم البحر رئيس مجلس ادارة شركة الديرة ؟؟؟!!!

تابعو سهم الديرة .

 

[رابح رابح]

مايحدث هو ضغط منظم واضح في اغلب اسهم البورصة للضغط على البورصة وترحيل الارتفاع لتوقيت محدد

اثباتا وتأكيدا على ذلك :
.. سهم ارزان وايفا فنادق اسهم مملوكة بنسبة كبيرة جدا ودورانها منخفض .. اسعارهم منهارة الى مستويات قياسية بدون تداولات .
لا يستطيع احد تخفيض اسعارهم

 

[otaibi511]

تعيين طلال جاسم البحر رئيس مجلس ادارة شركة الديرة ؟؟؟!!!

تابعو سهم الديرة .

سهم اليره تم تجميده عند هذا السعر مدة طويلة جداً ولايوجد عليه تداول أبداً يوم ينزله ب 10 أسهم ويوم يرفعه ب 10 أسهم ولايسمح لأحد بالتداول أو أمتلاك أي كمية مؤثرة إطلاقاً .. ولكن .. قد تكشف الأيام القادمة سر هذا التداول الغريب .. عموماً السهم للمتابعة بعد تعيين طلال الجاسم البحر

 

[مليون دينار]

سهم اليره تم تجميده عند هذا السعر مدة طويلة جداً ولايوجد عليه تداول أبداً يوم ينزله ب 10 أسهم ويوم يرفعه ب 10 أسهم ولايسمح لأحد بالتداول أو أمتلاك أي كمية مؤثرة إطلاقاً .. ولكن .. قد تكشف الأيام القادمة سر هذا التداول الغريب .. عموماً السهم للمتابعة بعد تعيين طلال الجاسم البحر

طلال بدر غير طلال جاسم

شوف مجلس ادارة الشركة

 

[فوزى بو احمد]

طلال بدر غير طلال جاسم

شوف مجلس ادارة الشركة مشاهدة المرفق 281028

هههه مصدقين انهم يديرون شركة الديرة خسرانة ثلثين راس المال