شركة بوبيان للبتروكيماويات ش.م.ك ( بوبيان ب ) .

[مستثمر من 1996]

ايكويت ربحانه 1.300 مليار دولار ( مليار وثلاثمائة مليون دولار ) حصة بوبيان 9 % يعني 117 مليون دولار ( 34 مليون دينار ) يعني 85 فلس للسهم تقريباً ، عدا الارباح التشغيلية الاخرى .

السهم هذا وقته بالصعود والتجميع بلش قبل اسبوعين وهذا يلي خله السهم يتماسك اضافة للاخبار المذكورة اعلاه ونضيف عليها اشاعة بيع جزء من شركة صناعة البتروكيماويات في السعودية ( الخبر من الجرايد وما عندي تاكيد عليه ) يمكن احد يعرف شي عن الموضوع يساعد حملة السهم على اتخاذ قراراتهم .

 

[ديغول]

شركة بوبيان للبتروكيماويات شزمزك

هذه أول مشاركة لي , كلام الاخ مستثمر 1996 منطقي واخبار ارباح ايكويت نشرت في جريدة القبس عدد يوم الخميس 16/02/2006 ,بناء على ملكية الشركة وهي 9% السهم مرشح للانطلاق .

والله يوفق الجميع

 

[wanasa]

الله ايبشركم بالخير

 

[SpeciaL 1]

الخبر يقتل التحليل ويغير المسار
وإن شاء الله السهم فوق مع هالأخبار الطيبه​

 

[Foool & Lobster]

مطلوب محلل

يا جماعة شسالفة؟؟؟؟؟؟؟​

 

[amona]

قلنا لكم سهم معفن ومريض محد صدق ......... الله يرحمنا برحمته

 

[m$m]

ايكويت ربحانه 1.300 مليار دولار ( مليار وثلاثمائة مليون دولار ) حصة بوبيان 9 % يعني 117 مليون دولار ( 34 مليون دينار ) يعني 85 فلس للسهم تقريباً ، عدا الارباح التشغيلية الاخرى .

السهم هذا وقته بالصعود والتجميع بلش قبل اسبوعين وهذا يلي خله السهم يتماسك اضافة للاخبار المذكورة اعلاه ونضيف عليها اشاعة بيع جزء من شركة صناعة البتروكيماويات في السعودية ( الخبر من الجرايد وما عندي تاكيد عليه ) يمكن احد يعرف شي عن الموضوع يساعد حملة السهم على اتخاذ قراراتهم .

ممكن المصدر لو سمحت

لان المعلومه اللي عندي تقول 565 مليون دولار

 

[SpeciaL 1]

هذه أول مشاركة لي , كلام الاخ مستثمر 1996 منطقي واخبار ارباح ايكويت نشرت في جريدة القبس عدد يوم الخميس 16/02/2006 ,بناء على ملكية الشركة وهي 9% السهم مرشح للانطلاق .

والله يوفق الجميع

ذكرت قبل هالمشاركه إن في تصريف
وبعد هالمشاركه لاحظت التاريخ 16/2/2006 ومع العلم إن في يوم 21/2/2006 ابتدا التصريف..
لكن أنا تشككت من التحليل وقلت يمكن هالخبر ولو إنه قديم يغير المسار..
لكن التحليل هو جواب تداول اليوم..

لكن استبشروا خير والارتداد قريب ومن تداول يوم الأثنين راح تتضح الصوره
واذا نزل أكثر فالله يعينكم
وعن نفسي أشك بالنزول

والله أعلم​

 

[نوخذه 15]

والله يا إخوان على حسب المصادر اللى عندى فى مجموعة الاوراق المالية واللى تقوم بتحليل وجمع اخبار الشركات قالى ان ايكويت محققه ارباح جدا كبيره لكنهم مكتمين على الخبر وممكن انهم يضغطون على السهم الى نهاية فبراير للتجميع وبعدها فى شهر 3 يتم الصعود تدريجيا مع العلم انه ذكرلى ان بناء على ارباح ايكويت السعر العادل لسهم بوبيان 2,000 لكن مانقول الا الصبر زين .

 

[wanasa]

اذا العام سعر بوبيان كان بين 600 الى 400
والسنه 1200 الى 1000
اذا بنشوف الدينارين انشاء الله

كانت المشاركة بتاريخ 27.12.2005
اتهقون ايدوبل هالسنه؟؟؟

 

[مستثمر من 1996]

السهم يضارب عليه صندوق الوطنية بكميات كبيرة يلي يبي يقدر يضارب معاهم بين 1.020 - 1.080 العملية واضحة .

يلي يبي يستثمر تراه سهم ممتاز انا دشيت على 1.040 ومحتفظ بكاش اذا لا سمح الله نزل اخفف التكلفة واستفيد من النزول احسن ما اتفرج وما استفيد ، واذا صعد هم عندي كمية والله يرزق الجميع .

 

[مستثمر من 1996]

كانت المشاركة بتاريخ 27.12.2005
اتهقون ايدوبل هالسنه؟؟؟

عن قريب انشاءالله بياسس على اسعار جديدة فوق 1.600 د ك

 

[wanasa]

الله يابشركم بالخير ابصراحه لان صج تعبنا منه بالرغم من اخباره

 

[ديغول]

السهم يتعرض للضغط وانشالله يكون سهم الـ 2006 انا عندي ياه من السنة اللي طافت واحذت ارباحه وتكلفتي على السهم زينة.
السهم مؤهل لللارتفاع لعدة اسباب والسنة هذه سنة الطاقة وفهمكم كافي.

والله يرزقنا جميع

 

[Yes And No]

سهم ممتاز سعره 1020 فرصه للشراء

 

[مضارب 2]

بسمه تعالى


أبصراحة انصحوني مجموعة من المستثمرين بالدخول عليه خلال الاسبوع القادم والله كريم....


ودمتم بخير...

 

[faqeer]

السهم صارله فتره "بحدود الشهرين" بين ال 1020 و ال 1060
اشوف انه سهم جيد للمضاربه
الله يوفق الجميع

 

[meshalq8]

يا جماعة الخير ... تابعوا بوبيان في شي !!!!!

 

[المضاربه فن]

يا جماعة الخير ... تابعوا بوبيان في شي !!!!!

والله يا خوك مع احترامي لك
ما فيه الا الفلــــــــــس

 

[white soul]

يا جماعه الي قاعد يصير مع السهم غير طبيعي..!

السهم الفتره الاخيره شهد كمية تداول عاليه

الي دشو عالسهم يشهد الله نعرفهم..ووصونا عالسهم حددو الهدف قريب من ال 1400 بس الي قاعد يصير شي مو طبيعي

كمية تداول عاليه وبالاخير يغلق بدون ارتفاع

اتوقع صانع السوق ما يبي احد يرفع السهم كل ما حاولو يرفعونه قط عليهم....!

انا احد ضحايا بوبيان وشاري بالعالي لا يطلع احد ويقول قاعد اطبل بس احبيت افيد الاخوان بهالمعلومه الي عندي والله على ما اقول شهيد​