شركة منا القابضه (منا قابضه) (كي سبان سابقا)

[قاروه]

صباح الخير

رايتك بيضه أخوي قاروه بوعبدالعزيز

الله يعوض على الجميع يارب وعمومااااا السوق كله نازل​

ورايتك ياخوي

بوعادل جنه يبيله كنافه

 

[adelsaqer]

شكلة هبوط قوي بدون صبر

 

[كويتي2006]

تحليل يفرحكم

أولا :
خلونا اندقق بكلام نائب رئيس مجلس ادارة منا القابضة ، والي نشر بالصحف وراح نكتشفت التالي :

(( ... واكد عبد السلام ان هذه الارباح سوف تنعكس على زيادة ارباح الشركة متوقعا ان تظهر الاثار الايجابية والزيادات الربحية في القوائم المالية المرحلية للربع الثالث والرابع من العام الجاري . وتوقع ان تصل ارباح منا القابضة في 2008 ضعف رأسمال الشركة الحالي لافتا الى ان مجلس ادارة الشركة طلب من الادارة التنفيذية الافصاح عن هذه الخطط حال تطبيقها على ارض الواقع وذلك استمرارا لسياسة الشفافية التي يتبناها المجلس )) .

يا شباب راس مال الشركة الحالي ... 10 ملايين يعني بتصير ارباحهم عشرين مليون . فكر معاي جم تتوقع يوصل سعر السهم اذا تحقق هل الأمر .

ثانيا :

دققوا بهل الخبر : (( ... يذكر ان مجلس الإدارة ناقش ضمن جدول الأعمال أمس بيع أسهم مقدارها 4,5 مليون سهم من الأسهم المملوكة للشركة في شركة المجموعة الدولية للمشاريع العقارية )) .

يعني لو بايعين السهم بسعر 500 فلس معناته داش عليهم مبلغ فوق المليونين .
فشوفوا قيمة الصفقة هذي جم وتعرفون السهم جم بيوصل قريبا .

والشركة بين فترة وفترة تعلن عن صقفات ومشاريع ، والله يعلم شنو في من أمور ما انعرفها ، وممكن بعض الأخوة يفيدنا كمعلومات وتصويات واخبار من تحت الطاولة وتسريبات .... وبالتوفيق .

فيا شباب تمهلو تمهلو تمهلو ، تره اذا كل اشوي تدش على سهم وتبيعه بس ينزل ما راح يبقى شي من راسمالك . فحاول تصبر مع دعم الصبر بمعلومات وأخبار علشان تتطمن هل السهم بيصعد او بيطول .

وبعدين المهم سألوا عن مجلس إدارة الشركة هل ناس تخاف الله وعندها ذمة وضمير وفاهمه وعقوله كبيرة ويعتمد عليهم او من النوع المحتالين مثل بعض الشركات الي تبي تشفط فلوس الناس .

هذا مهم جدا انكم تسألون عن أعضاء مجلس إدارة الشركة ونزاهتهم وفهاميتهم.

بس هم ديروا بالكم من عارف للطاقة


تره الي يثري المنتدى هو الرأي والرأي اللآخر من خلال الحجة والدليل والبرهان والتحليل والمقارنة والمعلومة المدعمة باثبات .

والعضوا الصادق من المطبل سوف نعرفه من خلال النقاش والحوار . وكما المقولة المشهورة ( نحن أبناء الدليل حيث ما مال نميل )

وانا شخصيا معجب بطريقة أخونا بو عادل ( نبيل ) بالحوار والنقاش لأنه يستخدم الدليل والحجة بالرد والإستفسار كي يحكر الطرف الآخر فيتبين الخيط الأسود من الأبيض .

ونتمنالكم كل خير ، وقلوبنا معاكم ( هذي الجملة وايد ترددها الدواوين هل الأيام حق المرشحين )

 

[كويتي2006]

وبعدين يعني وبعدين

شنو هذا كل يوم حد ادنى

فلسنا

انا بقعد كل يوم ادعي على الي حاط نكه تاجر ، خل الله يعاقبه على الحركة الي سواها بالناس .

الدنيا مو لعب ، في قانون سماوي ياخذ حقوق الناس من المحتالين .

راح اييك يوم يا تاجر وتطيح بمصيبة وتفلس ، ويومها اذا فكرت شنو السبب وليش صار فيك جذي ، تذكر الي سويته فينه وشلون فلستنا وحرقت قلوبنا ، وراح اتعرف انها نتايج دعواتنا عليك .

يا مجرم

 

[عندك سلف]

وبعدين يعني وبعدين

شنو هذا كل يوم حد ادنى

فلسنا

انا بقعد كل يوم ادعي على الي حاط نكه تاجر ، خل الله يعاقبه على الحركة الي سواها بالناس .

الدنيا مو لعب ، في قانون سماوي ياخذ حقوق الناس من المحتالين .

راح اييك يوم يا تاجر وتطيح بمصيبة وتفلس ، ويومها اذا فكرت شنو السبب وليش صار فيك جذي ، تذكر الي سويته فينه وشلون فلستنا وحرقت قلوبنا ، وراح اتعرف انها نتايج دعواتنا عليك .

يا مجرم

لا تستعجل بالدعاء على الرجل

 

[كويتي2006]

اشوف السهم صعد 30 فلس

الظاهر اكو واحد من المؤمنين دعالنا دعوة من قلبه ، واستجابت دعوته .

ان شاء الله السهم اليوم حد اعلى .

 

[nabeels8]

اشوف السهم صعد 30 فلس

الظاهر اكو واحد من المؤمنين دعالنا دعوة من قلبه ، واستجابت دعوته .

ان شاء الله السهم اليوم حد اعلى .

صباح الخير

ألف مبروك مقدماااا وإنشاء الله يتعلق إسبوع لكم يارب​

 

[GFH]

دام ما تدري شلون تتوقع صعود ؟؟

شرايك بو لولوة .. عموما اهو توقع والله اعلم

 

[كويتي2006]

اي بدأ الصعود بدأ

إن شاء الله اليوم يصير حد أعلى

وإنشاء الله تستجاب دعوة بو عادل ويصير اسبوع كامل حد اعلى




بالله عليكم هذي حاله مع البورصة ، لما سهمك يصعد تفرح ولما ينزل تحزن ، يعني الواحد نفسته متعلق بصعود ونزول .

خل نروح نبيع بطاط احسن ، اقلا السعر ثابت

 

[كويتي2006]

وينك يا بو عادل وينك

دعوتك استجابت يا بوعادل

عاش بو عادل .

بو عادل الحين راح يطلع لنا تاجر ويقول ( مو قلت لكم بيصعد )

وينك يا تاجر ما تكلمت وقت السهم نازل .

عموما حسب ما يشاع ان صندوق تابع للشركه اهم الي داخلين على السهم ويبون يرفعونه ، والله أعلم .

تره قلت لكم ( حسب ما يشاع )

وهم عاش بو عادل


وأذكركم : ديروا بالكم من عارف للطاقة

 

[كاتب_متقاعد]

تاجر ولد تاجر انظلم ...........الله كريم

 

[قاروه]

تداولات قوية شهدها سهم منا قابضه بتداول اكثر من 4 ملايين سهم ... وارتفاع السهم بالحد الاعلى ...


توقعات السهم ليوم الاحد بالتصاعد والارتفاع بالحد الاعلى الى مستويات قياسيه عند 630
منا قابضه الى 630 يوم الاحد انشاء الله

اخواني السهم من مصدر موثوق يوم الاحد بيصعد وبيعلق بالحد الاعلى الى 630 فلس والسهم رايح رايح رايح رايح رايح رايح رايح وصدقوني رايح وابي الكل يستفيد رايح الى 1.200 ومليون مره قلت من لمن كان السهم 350 وانا اقول رايح السهم ورايح ومحد مصدق والسهم رايح باذن الواحد الاحد باذن الله رايح وانشاء الله بيكمل صعوده

تاجر ولد تاجر انظلم ...........الله كريم

سلامتك ما انظلم

راجع مشاركاته الي تقول الاحد الحد الاعلى

وسبب الايقاف دخوله باسمين

والاخوان ملاك السهم القناعه حلوه

 

[كويتي2006]

ليش انظلم

اهو لما السهم نزل ما نشوفه يعلق الا بالقطاره

الحين لما صعد نقول انظلم


اممممم هم يمكن انظلم ما يندره


بس هم عاش بو عادل .... عاش بو عادل .... عاش بو عادل

بو عادل برايك كقراءة للعرض والطلب والصفقات تتوقع شنو الي صاير مع السهم وليش صعد

 

[كاتب_متقاعد]

يا اخى الكريم اهو وصى على السهم ليين وصل الضعف

 

[قاروه]

يا اخى الكريم اهو وصى على السهم ليين وصل الضعف

الضعف ؟

توصيته كانت بسعر 435 اين الضعف ؟

 

[كويتي2006]

الحين احنه خلونا نكون حذرين ونترقب حركة السهم خل انعرف متى نتطلع

بو عبد العزيز ايدك ويانا

نبي انعرف متى اشارة الخروج

وما هي قراءتك لما حدث اليوم

 

[هاوي99999]

ليش انظلم

اهو لما السهم نزل ما نشوفه يعلق الا بالقطاره

الحين لما صعد نقول انظلم


اممممم هم يمكن انظلم ما يندره


بس هم عاش بو عادل .... عاش بو عادل .... عاش بو عادل

بو عادل برايك كقراءة للعرض والطلب والصفقات تتوقع شنو الي صاير مع السهم وليش صعد

العضو موقوف شلون يعلق على النزول او التعليقه

 

[قاروه]

الحين احنه خلونا نكون حذرين ونترقب حركة السهم خل انعرف متى نتطلع

بو عبد العزيز ايدك ويانا

نبي انعرف متى اشارة الخروج

وما هي قراءتك لما حدث اليوم

بكل امانه الاسهم الجمبازيه مالها تحليل

على مزاج ملاكها

باذن الله يكمل صعوده وتعوض خسارتك انت والاخوان

وخلك قنوع باقل الربح ولا تطمع

والله يوفقكم

 

[كويتي2006]

بو عبد العزيز عندي سؤال

اشرايك بكلام نائب رئيس مجلس ادارة منا القابضة ، لما قال ان ارباح 2008 راح تكون ضعف راس مال الشركة ، يعني 20 مليون دينار .

وقضية بيعهم ل 4 مليون و500 ألف سهم من منا القابضة .

هل تتوقع يتحقق ، وهل له تأثير على سعر السهم .

ومسألة تأسيس شركات وشراء حصص بشركات هل يؤثر إيجابيا على السهم أم ممكن يفتت السيولة المالية أهني وهناك .

 

[قاروه]

بو عبد العزيز عندي سؤال

اشرايك بكلام نائب رئيس مجلس ادارة منا القابضة ، لما قال ان ارباح 2008 راح تكون ضعف راس مال الشركة ، يعني 20 مليون دينار .

وقضية بيعهم ل 4 مليون و500 ألف سهم من منا القابضة .

هل تتوقع يتحقق ، وهل له تأثير على سعر السهم .

ومسألة تأسيس شركات وشراء حصص بشركات هل يؤثر إيجابيا على السهم أم ممكن يفتت السيولة المالية أهني وهناك .

اخي مثل هذه الاسهم لا تصلح للاستثمار ابدا

مضاربه فقط

ومضاربتها ذات خطوره عاليه