هذا وصف لخمة هههههههههههههه (اتغشمر وياك)
والله احنا ضعنا وانا مثلك اتوقع من خلال اغلاق الخميس ان باجر اخضر بس الخوف ياخوي انه يكون ارتداد للتصريف لان الاوضاع قاعده تزداد سخونه والناس خايفه ولازم موضوع الضربه يحسم وبنك وبه يخلصون منه علشان تركد الامور وبصراحه انا اول مره احتار مع اني بعد الانهيار ماوقفت بس الحين الوضع غير
تمون يا خوي رابح وإن شاء الله دوم رابح في الدنيا والآخرة
راقب الطلبات والعروض وإن شفت هناك طلبات بالملايين يعني يجيك واحد يطلب 2 مليونين والثاني يجيك يطلب 5 ملايين إهني إفهم اللعبة يعني تصريف لأسهمه بالعرض
ويبون يوهمون الناس بأن السهم أوكي علشان يشترون إذا صعد 1 فلس أو 2 وهذا حصل مع أدنك والمنازل وإيفا ود تمويل وغيرهم من الأسهم
يعني شغلة مضاربين محترفين
ونصيحة حاول كثر ما تقدر إنك تبعد ولا تاكلك إيدك وتروح تشتري بس خل كاشك جاهز ليمن يستقر السوق عدل
السلام عليكم
اخواني الكرام .... للعلم فقط السوق زين ومافي شي يستحق كل هذا التهويل ....
راس المال جبان .... وربعنا احسن ناس يستغلون الاخبار السيئة . كل مافي الامر الاسواق العالمية كلها تاثرت من التهديدات . سواء السورية او الايرانية او الروسية ..
والمحافظ الكبيرة تملك سيولة ضخمة بالسوق ويجب اخراج معظمها باسرع وقت مو علشان بان السوق فيه شي ... مجرد احتياط ... والوضع يسمح لهم لان الاسهم تم تجميعها من القاع وعلى المدى الطويل مهما يبيعون مو خسرانين ... والتنزيل بشكل سريع .
بس السئوال هل استطاعو اخراج سيولتهم ؟؟؟
اعتقد لا ثم لا .... لان اغلب الصغار لم يبيعو لعدم فهمهم للحدث واذا في ناس تبيع منو اللي يشترى ؟؟؟؟
يعني بالعربي الفصيح تنزيل متعمد بينهم بشكل متبادل لاستغلال الفرصة السانحة واجبار الصغار على البيع وتحقيق ارباح خيالية ....
ما اقول بان السوق سيرتد بقوة بنفس طريقة النزول ... ولا اقول يجب ان نشتري بالوقت الحالي ... بس بعض الاسهم ما تطوف ابدا بالاسعار الحالية .... مع اني فتحت الموضوع بسبب احساسي هناك ارتداد ويجب الاستفادة منها قبل الضربة .... مع العلم وضعت مقارنة بسيطة بين ضربة العراق وضربة سوريا والفرق بينهم .
كل مافي الامر اذا تم اقرار الكونجرس على الطلب وبداية الضربة ووضوح النتيجة . ستتوقف هذه المهزلة .
يجب استغلال هذه الفرصة المقدمة بطبق من ذهب .
يعني اللي ((( عنده كاش او اللي باع من قبل ومحتفظ بالسيولة هو الربحان )))) ٠٠٠ ((( واللي ما باع او يفكر بالبيع الحين امامه فرصة حظك ونصيبك .))))
ا
وعليكم السلام ورحمة الله وبركاته أخوي سوق الأوراق
وأنا مثلك سألت نفسي نفس السؤال إذا الناس تبيع (ومنهوا اللي قاعد يبيع أصلا من صغار المستثمرين) عيل من اللي يشتري ؟
هذول مجاميع تحاول تستدرج صغار المستثمرين عشان يبيعون الأسهم اللي عندهم بحجة الحرب وهم اللي يشترون
واللي شرا منهم بأسعار مؤشر الـ 8000 أكيد توهق وكل ما نزل السوق يشتري ويبرد على اللي عنده وفوق هذا لا ننسى ترويع الناس بالدواوين
وما شاء الله أي واحد من أهل الديوانية يكملها وينشر الكلام اللي قاله هالمضارب يعني يا تلحق ولا ما تلحق
والله أعلم سبحانه أقول ما دام هم شروا بهالأسعار أكيد راح يرفعون أسعار الأسهم إلى الضعفين
يعني مثلا لو واحد من هالضباع شرا سهم أدنك على 65 فأكيد راح يوصله لـفوق الـ 90 قريبا جدا ولا تستغرب من هالشي
فكل شئ جائز عندنا في البورصة ما دام مدير هيئة أسواق المال ومدير البورصة لا يحمون صغار المستثمرين ويدرون منو اللي سبًب هذا الإنهيار
لأنهم ما يقدرون حتى يبطلون حلوجهم إلا حاضر عمي وتامر عمي واللي تشوفه عمي وهلم جره من شغل دهانة سيورة وأتباع طال عمرك عمي
وإن شاء الله آمين نكون إحنا الربحانين وهم الخسرانين إن شاء الله آمين عشان نرد عليهم ونقولهم هذه بضاعتكم وقد ردت إليكم يا ضباع الفلس
هذا والله أعلم سبحانه وتعالى وعسى أن يغفر لنا جميعا آمين
