بنك وربة الإسلامي...... ( بنك وربة )

[ابو هاجر**]

الحمدلله تحقق الهدف
الهدف القادم 228ان شاء الله في حال تجاوز212

مادام السهم فوق مستوي 220
اتوقع يستهدف 242--260--315--365--425
بشرط عدم كسر مستوي 212
والله اعلم

 

[ساروق الحديد]

بعد كمل الدرب يا وربه ............ الخط مفتوح جدامك ...

 

[ولد_الخليج]

اكثر من جهة قاعده تجمع بالسهم...بالملايين
هل في احد يجمع غير الساير ?
هل هم تابعين للساير..ويجمعوله ?
او انهم غير تابعين ويشترون بالسهم..علشان يبيعون عليه بالغالي ?
او انهم يبون يستحوذون علي البنك? يعني مخامط
وصراحه التعليقه فيه جايده...بس ودي اسمع من ناس عروقها بالبورصه
شنو قاعد يصير..قبل لا نتوهق?

بدون وجود اخبار مؤكده مدعومه ببيانات صحيحه...سوف يبدا موسم الاشاعات..ما لها اول ولا تالي
هذا بنك اسلامي جديد وخليجي
مو بس الساير مهتم...الامر يفتح شهية مجاميع التجار الكويتيه ..والخليجيه
مثل استحواذ الشركات السعوديه علي فيفا...والقطريه علي اوريدو..
باعتفادي لن تستطيع اي جهه ان تجمع كمية كبيرة من الاسهم الا اذا وافقت هيئه الاستتثمار او مؤسسة التامينات ببيع جزء من حصتها بعقد صفقه مباشرة مع المستثمر الجديد...والمساهمين للصغار اخر من يعلم
وهذا بتصوري يجب ان يحدث خلال الربع الاول من 2017
لكي يتم تشكيل مجلس ادارة جديد...
والله يكتب فيه الخير للجميع

نعم هو من اكرم الاسهم ولكن باعتقادي هذا بداية المشوار
يمكن حتي التحليل الفني ما يقدر يلحق عليه
اعلان البنك المركزي ذكر فيه مدة سماحهم للساير انه يزيد نسبته الي 150مليون سهم من تاريخ 18/10 لمدة ٣ اشهر
هم اللحين وصلو تقريبا 54 مليون سهم..وتو الناس
وتداول السهم اليومي مو بكميات كبيرة...لانه متطشر بين اسهم الاكتتاب
يعني انهم لازم يتفقون مع هيئة الاستثمار انها تبيع جزء من حصتها وهي تملك اكبر كمية اسهم
الله العالم انه سعره سوف يرتفع..وسوف يفاجئ الجميع
وممكن نفس سيناريو فيفا ..انهم يعلنون عن سعر صفقة البيع بشكل مفاجئ....
وهالسهم فقط لاصحاب القلوب القويه
وانا مكمل المشوار من سعر196 وما ابيع حتي تبين الامور

الحمدالله...طلع كلامي صح
والسهم في ارتفاع مستمر ..يوقف شوي ياخذ نفسه ويكمل المشوار وانا معاه
نسبة الساير فقط زادت 1% خلال اسبوع..يعني عنده اللحين تقريبا 60 مليون سهم ويحتاج 90 مليون فوقهم..يعني 9-10 اسابيع علي الاقل لغايه ما يجمع ..والاسعار اللي قالوها الشباب ان شالله يوصلها

 

[ساروق الحديد]

ملاحظات علي بنك وربة :
* اعلي سعر ل بنك وربه هو 400 فلس
* اقل سعر ل بنك وربه هو 156 فلس
* منذ ان انزل البنك بالبورصة وهو في نزول لم يرجع الي سعرة الذ ي وصل اليه بالسابق اول مرة.
* لم يتعدي اي قمة من القمم السابقة التي ارتفع اليها.
وللحديث بقية .................................

 

[bader__7]

الله يوفق ملاكه..

 

[ابو هاجر**]

مادام السهم فوق مستوي 220
اتوقع يستهدف 242--260--315--365--425
بشرط عدم كسر مستوي 212
والله اعلم

ادني نقطه وصل لها بتداول اليوم 220 وبعدها تم الارتداد
المحافظه ع220 ممتاز حاليا
تجاوز 230الي الهدف الاول 242
ان شاء الله

 

[ابو هاجر**]

اتوقع الادني لتداول اليوم
226 و تجاوز 230 ومنها الي الهدف240-242
في حال كسر مستوي 220 يستهدف 210
والله اعلم

 

[عبدالله2]

وين ؟؟



لايكون مسوي لي محباله

 

[الاسمنت الابيض]

يبيله صبر وطولة بال ... انا عن نفسي بزيد الكميه اذا نزل باجر .. لاتاخذونها توصيه هذا رأيي الخاص بالسهم كمستثمر.. موفقين

 

[q8q822]

الظاهر يبون يخوفنا بكرا نزل ٢١٠ بزيد مو خسارة بنك

الساير جم يبيلة يجمع ؟

 

[ابو هاجر**]

اتوقع الادني لتداول اليوم
226 و تجاوز 230 ومنها الي الهدف240-242
في حال كسر مستوي 220 يستهدف 210
والله اعلم

العوده فوق 220ممتاز للسهم
يروح حد اعلي
عدم تجاوز 220 هدف النزول 210 يعتبر قائم
حاليا بتداول اليوم يحافظ ع 116اشاره اوليه ع احتماليه تجاوز220

 

[ولد_الخليج]

يعطيك العافيه...يا بوهاجر
ما تلاحظ ان الكميات المعروضة ...بالملايين
وها الكميات موجوده عند الملاك الكبار ومنهم الساير
يعني ضاغط علي السهم..يبي ياخذه برخيص..ومو قادر
اليوم أغلق 220...ونسبة الساير..ما تغيرت
يعني...تو الناس..علي السهم

 

[ابو هاجر**]

يجب ع السهم العوده فوق مستوي 220
لاستمرار الايجابيه والارتفاع محافظه ع216 جيده بتجاوز220يستهدف 226--230
وحاليا عدم الاغلاق اقل من 214
لتجنب تكوين هدف نزول ممكن يصل بالسهم الي 198
والله اعلم

 

[عبدالله2]

وجهة نظري :-

واتوقع للسهم الارتفاع عن 216

لان السهم تقريباً ناشف

مافيه بيع على هذه الاسعار

ومجموعة الساير نسبتها قليلة حتى الان

والله أعلم

 

[ابو هاجر**]

شارت للسهم
عموما نقطه 214 مهمه لبيان حركه السهم

 

[عبدالله2]

اخوي ابوهاجر

مجموعة الساير يجب ان ترفع حصتها

بسرعة قبل تسريبات الارباح السنوية

وإلا لن تجد السهم بهذه الاسعار ..!!

والله أعلم .

 

[q8q822]

هالاسبوع يسويها ويتخطى الربع ✌️

 

[ولد_الخليج]

يا جماعة...
ودي اعرف نسبة الساير اللحين..
ومن اي موقع اقدر أطلعها
حاولت من موقع بورصة الكويت....وما قدرت
الله كريم

 

[fahad2000]

‏خفضت المؤسسة العامة للتأمينات الإجتماعية حصتها في بنك وربة من 7.360% إلى 6.830%

 

[عبدالله2]

وجهة نظري :-

واتوقع للسهم الارتفاع عن 216

لان السهم تقريباً ناشف

مافيه بيع على هذه الاسعار

ومجموعة الساير نسبتها قليلة حتى الان

والله أعلم

التأمينات ... تبيع

والساير ... يشتري

يلعبون ... باصات

حسن الظن .... وينه ؟؟

التنفيع ... وينه ؟؟