بنك وربة الإسلامي...... ( بنك وربة )

[الوحيد 1974]

الله يعوض عليك اخى الطيب
خلك مستثمر والله يوفقك ان شاء الله ببيعه فوق سعر شرائك .

foxmind خلك مستثمر هذه نصيحتى لك يالحبيب .

 

[عبدالعزيز34]

الله يوفق الجميـــــــع وان شاء الله اليوم حد اعلى 375 ان شاء الله - لآن حقيقه بدت المضاربات العنيفه على السهم - ودخولهم على المستحوذ - بالتوفيق للجميــــــــــــــع

 

[بدون مجامله]

من تداول اليوم تم السيطره على العرض والطلب اتوقع والعلم عند الله الشراء غدا على ٣١٠ و ٣٢٠

 

[BOAHMAD]

الله العالم يسكرونه اليوم حد ادنى

 

[foxmind]

والله ياخوي الدرس قاسي جدا خلاني فاتح عيوني واطالع بس كنت اامل بربح بسيط واحل مشكلة البيت وكلها احلام في احلام الان عرفت ان وجه الفقر يستحي لاشاف الغنى

 

[BOAHMAD]

والله ياخوي الدرس قاسي جدا خلاني فاتح عيوني واطالع بس كنت اامل بربح بسيط واحل مشكلة البيت وكلها احلام في احلام الان عرفت ان وجه الفقر يستحي لاشاف الغنى

اذكر الله ياخوي
من شاف بلاوي الناس هانت عليه بلوته .. احمد الله على الصحّه والعافيه والفلوس تروح وتجي
ماابي احط عليك لوم واقولّك ليش بعت . لان هذا نصيب ..
امسك الكاش وتحبّل للسهم وان شاء الله راح تاخذه باقل من السعر اللّي بعته فيه اذا مو هالاسبوع الاسبوع الجاي باذن الله

 

[ابو مبارك 3]

والله ياخوي الدرس قاسي جدا خلاني فاتح عيوني واطالع بس كنت اامل بربح بسيط واحل مشكلة البيت وكلها احلام في احلام الان عرفت ان وجه الفقر يستحي لاشاف الغنى

الله يعوض عليك نصيحه خلك بالاسهم المضاربيه الي سعرها رخيص الي يوميا عليها شراء وبيع شكثرها موجوده وهذي مو اسعارها والله يوفقك وتبني البيت وتتهنا فيه يارب

 

[foxmind]

مشكور يابو احمد على رفع المعنويات والله يعوضنا خير يارب

 

[Ameerbahrouh]

السلام عليكم ما ابي اجرح مشاعر احد ولا ابي اجاملك تبي نصيحه مني
اذا عندك فلوس زايده غامر فيهم بس فلوس البيت لا ارجوك البيت مو لك ترى البيت
لعيالك وانت ادرى بسوق العقار
اذا بعت بيتك اليوم ما تقدر تشتري بيت باجر

 

[المؤشر السعري]

عندي احساس مدري ليش
حاس ان السهم بكرة راح يصير فيه تذبذب عنيف ومضاربة قوية جدا
والله ياجماعه حاس واخر الجلسة يبي يسكر بالحد الادنى

دايم احساسي عكس الواقع هههههههههههااااي

صعب هالاحساس هههههههههههاااااي

 

[ضرغام]

ياجماعة منو الي يتنافسون على الاسحواذ ؟؟؟؟؟؟؟

 

[نصوح]

أهم شي في تداول السهم أنه تم تركيد السهم
وأعطاء فرصة للبياعين الصغار بالبيع
مما يبعد شبح النزول العنيف
الله يوفق الجميع ونشوف تداولات الغد

 

[عبدالعزيز34]

نصيحه المضاربين الصغار لا يدشووون بهالوقت

السهم داشين عليه مضاربين اكبار امعنى اخر وحووش الارتفاع ال10 فلووس لها احساب عندهم تتعدا المليووون فيها ربح فقط ال10 فلووس ارتفاع معناها ربحان مليووووووووووون دينار اى ثلاث ونص مليون دولار فقط في دقايق معدوده - فنصيحه المضاربين الصغار لا يدشوون -

هاذا مجررد راي والعلم عند اللـــــــــــه

 

[foxmind]

السلام عليكم ما ابي اجرح مشاعر احد ولا ابي اجاملك تبي نصيحه مني
اذا عندك فلوس زايده غامر فيهم بس فلوس البيت لا ارجوك البيت مو لك ترى البيت
لعيالك وانت ادرى بسوق العقار
اذا بعت بيتك اليوم ما تقدر تشتري بيت باجر

السلام عليكم ما ابي اجرح مشاعر احد ولا ابي اجاملك تبي نصيحه مني
اذا عندك فلوس زايده غامر فيهم بس فلوس البيت لا ارجوك البيت مو لك ترى البيت
لعيالك وانت ادرى بسوق العقار
اذا بعت بيتك اليوم ما تقدر تشتري بيت باجر

لاياخوي انا للحين ماطلع لي بيت اصلا واجااااار لكن اللي عندي يبيلي ازيدهم علشان ابدل وابني وكنت قريب وكان حلم والان صااار بعييد جدا

 

[مراقب الاسهم]

اجل ٧ مليون شالهم طقه وحده اعبنو غيره أشهد انه محترف لدرجة المباغته انا كنت اراقب الصفقات التي تتم بالحد الادني وعيني على كمية العرض القويه واقول بيني وبين نفسي اذا قل العرض ووصل اقل من ٣ مليون ونصف بأطلب من الكميه اللي بالحد الادنى وفجأه النحيس بدون مقدمات سحب المعروض كله لدرجه علق برنامج التداول عندي وغيبني عن السوق وماوعيت الا السهم ٣٥٥

صراحه اللي لعب في السهم اليوم تركب عليه مقوله خالد مادري ابوخالد الشهير اللي كلم احد محطات الاذاعه بالغزو

(اهب ياوجهه) النحيس

 

[wiiner]

السلام عليكم الله يعوض علي الي حقق خسارة في السهم
واعتقد الي صار اليوم (تعديل المتوسط ) للكميات المشتراه .425
وتتأكد من تداوله غدا . وان صحت حساباتي فان المتوسط السعر منذ انطلاقه السهم350

ودمتم سالمين... اسهم المنحه لا للبيع .

 

[مجد 91]

نصيحه المضاربين الصغار لا يدشووون بهالوقت

السهم داشين عليه مضاربين اكبار امعنى اخر وحووش الارتفاع ال10 فلووس لها احساب عندهم تتعدا المليووون فيها ربح فقط ال10 فلووس ارتفاع معناها ربحان مليووووووووووون دينار اى ثلاث ونص مليون دولار فقط في دقايق معدوده - فنصيحه المضاربين الصغار لا يدشوون -

هاذا مجررد راي والعلم عند اللـــــــــــه

نشكرك انك نبهت اخوانك صغار المستثمرين ( النويتش )@
بأن لايدخلوا ويزاحمونا احنا الكبار

ملاحظة / النويتش هو السمك الصغيرجدا

 

[Hit_and_Sell]

السلام عليكم اخواني

ان شاء الله كلامي مايزعل احد بهالصفحه ولكم كل التقدير والاحترام..

بس تبون الحق؟ المفروض بنك وربه يكون آخر اهتماماتنا ومتابعتنا بهذا المنتدى الموقر.. الاسهم الممنوحه 684 سهم وسعر الادراج الغير متوقع من الشارع ٣٠٠فلس فقط!!

لو كل شخص افراد اسرته ١٠ وهو المالك لجميع الاسهم راح يكون المبلغ الاجمالي ٦٨٤٠دينار فقط !!! يعني بما يساوي حصة مضارب في احد اسهم المحفظه ...

للامانه الكلام في موضوع هذا السهم كلام غير مجزي ولا يعود علينا بالمنفعه كمتداولين صغار او مخضرمين...

والله يوفق الجميع

 

[Hit_and_Sell]

اسف الاجمالي ٢٧٣٦دينار للتصحيح ههه

موفقين خير شباب

 

[Hit_and_Sell]

السلام عليكم

اخوي انا مافرضت رايي ولا داش الصفحه عشان احبط المساهمين تره انا مساهم حالي حالك هههه

عالعموم اعتذر لك وللاخوان الكرام اذا كانت مني اي مضايقه بالصفحه والله يوفق الجميع ويرزقكم من حيث لاتحتسبون..


وعلى فكره اتوقع مافيها شي ومو من العيب اني اكون جديد بالمنتدى وبالمشاركه وعساك عالقوه