شركة عقار للاستثمارات العقارية ( عقار ) .

[abo.omar]

يا جماعه وينكم تحليل ولا عليكم أمر بعد مانزل السهم فلسين وسكر علي 134 وين الدعم والمقاومه ورايكم بالسهم يهمنا ومشكوووورين .

 

[alemperator]

السلام عليكم

سهم عقار يتم تداوله الان فوق موفينج افريج 50 يوم و200 يوم
ومؤشر الماكد بالرغم من اعطاءه اشارة خروج الا انه فوق مستوى الصفر
الدعم الحالى 126 والمقاومه 132وان شاءالرحمن يتم الارتداد من المستويات الحاليه للاعلى عن قريب .

موفقين


مشاهدة المرفق 56465

المقاومه صارت دعم بو عمر مامن جديد فى المساله الا انها محتاجه شوية صبر وراح تبيع ان شاءالرحمن فوق الـ150 فلس

 

[abo.omar]

السلام عليكم

علي راسي والله يالأمبراطور ومتوقع الرد منك يالغالي وتري أنا أسال ومتخوف لأني ماخذ آجل وأنت طمنتني حيل والله يسمع منك ومابي فوق أبي ال150 حلوين ومشكوووور وماقصرت يالحبيب .

 

[alemperator]

علي راسي والله يالأمبراطور ومتوقع الرد منك يالغالي وتري أنا أسال ومتخوف لأني ماخذ آجل وأنت طمنتني حيل والله يسمع منك ومابي فوق أبي ال150 حلوين ومشكوووور وماقصرت يالحبيب .

الحال من بعضه اخوى بو عمر اشدعوه هالسهم يستاهل الدخول عليه بالكاش عسى ربى يسهل امرى وامرك وامر كل مسلم .

 

[boksha]

130 ليش؟؟؟

هل هذه اشارة خروج؟؟

 

[alemperator]

لا ماهى اشارة خروج وان شاءالرحمن بكره السهم اخضر .

طنشه كم يوم وروح لمجموعة البحر ترها تشغل شوى عسانا ننشغل بطاعة الرحمن .

 

[abo.omar]

السلام عليكم

ياحلوك يالأمبراطور أنت قاري أفكاري من وين طلعت مجموعة البحر لا تقولي الدوليه للمشروعات بعد والله تصير أحسن واحد ومشكووور علي التطمين بالنسبه لعقار يالغالي .

 

[boksha]

يعطيك العافية يا الامبراطور

 

[alemperator]

السهم لازال على دعم الترند الصاعد مع ملاحظة تاسيس سعرى على دعم 130 فلس بالرغم انه كان ودى ان الدعم يكون 132 وليس 130 .
للمتابعه

 

[abo.omar]

السلام عليكم

عسي عمرك طويل يالحبيب وأنت الي مشكوووور علي المتابعه وماقصرت.

 

[TouchQ8]

شنو يعني ؟؟؟؟؟؟؟؟!!!!!!

يعطيكم العافيه ....

اتمنى اذا في شي على الشركه احد يفيدنا .. لأنه انا اشوفهااليوم انطلبت بكميات كبيره وفي نفس اللحظه صار العرض كبير وفجأة شالو العرض مادري شنو السبب ... والى متى ماسكه على 134 وترجع 130 ...
ارجو الافاده للعموم

شكرا

 

[alemperator]

تم التاسيس والانطلاقه اقتربت ان شاءالرحمن مع وجود كميات التداول المرتفعه والملحوظه فى الايام اللى فاتت .

ابو عمر السهم لو طلع صج مكون كوب وعروه ترى قهوتى عليك .

 

[وسيط محترف]

للاسف تو الناس عليه لان فيه كمية لمحفظة قاعدة اتصرف وللحين مااخلصوا هذا اللى مخلى السهم ما يصعد !!!!

 

[alemperator]

للاسف تو الناس عليه لان فيه كمية لمحفظة قاعدة اتصرف وللحين مااخلصوا هذا اللى مخلى السهم ما يصعد !!!!

صانع السوق واحد على السهم اللى انا اشوفه وهو نفسه اللى يقط على نفسه ولو ماكان صانع السوق واحد وكانوا اثنين فالشارى ايضا شارى لنفسه وهدفه فوق مش تحت حسب وجهة نظرى .

 

[وسيط محترف]

صانع السوق واحد على السهم اللى انا اشوفه وهو نفسه اللى يقط على نفسه ولو ماكان صانع السوق واحد وكانوا اثنين فالشارى ايضا شارى لنفسه وهدفه فوق مش تحت حسب وجهة نظرى .

للاسف لأ لأن البيع عند واحد من الربع ويقول تو الناس !!!

 

[boksha]

عندي ملاحظة غير منطقية لكن بقولها ....
لو نشوف صعود السهم وتعليقاته...دايما تبتدي لما يكون الرقم اللي على اليمين = 0

يعني بشهر 11 ابتدأ من 130 الى 140 الى 150 ولامس 160

وبنص شهر 4 ابتدا من 130 الى 140 ولامس 150

فهل راح نشوف باجر اغلاق 140 وبعدها السبت والاحد نشوف 150 و160 ؟؟؟؟؟؟؟؟؟؟

قلنالكم مشاركة غير منطقية او مصادفة او ان صانع السوق مايحب الكسور

 

[TouchQ8]

شرايكم ؟؟!!!

شرايكم بتداول الوضع الحالي هل المؤشر يدل على شي راح يصل ولا نبيع ولا ننطر
اتمنى الافاة والاستفادة
وتسلمون

 

[abo.omar]

السلام عليكم

هلا أخوي الأمبراطور والله أذا سواها خروفك عندي يابطل وبالتوفيق للجميع.

 

[وسيط محترف]

مبروك

مبروك 0000تم اليوم بيع اخر كمية من اسهم محفظة فى شركة عقار وخروج المحفظة من السوق بعد ان تم تصفيتها من قبل الملاك0000وتوقعات بارتفاع السهم بسبب تجميع محفظة اخرى اشترت الكميات الكبيرة المعروضة بالسابق

 

[TouchQ8]

يعطيك العافيه اخوي وسيط محترف ... هذي الاخبار الطيبه ... وانشالله نشوفه من يوم السبت مشلع قولي يا رب