@@@ ديوانية المؤشرنت اليومية @@@ ... 2

[رابح رابح]

ههههههه ياحبي لك يابوخالد ، والله شاهد اني شايل حتى همومك


نوم دخت

حبيب يابوعبدالله عسى الله يحبب خير خلقه فيك ويكفيك كل شر

 

[Now]

هههههه ، هو يحبة بوخالد بس عرفتة ، هذا طلع نخل برأس البورصة ماارتفع

بعدين غير شرعي اشلكم بالشبهات بوعادل ؟؟


>> حديث عن الشبهة

عن النعمان بن بشير رضي الله عنه قال سمعت رسول الله صلى الله عليه وسلم يقول (إن الحلال بين والحرام بين وبينهما أمور مشتبهات لا يعلمهن كثير من الناس فمن اتقى الشبهات استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجسد مضغه إذا صلحت صلح الجسد كله وإذا فسدت فسد الجسد كله ألا وهي القلب) متفق عليه.

الله يجزاك خير شيخنا .. ذكرتني بواحد معانا بالدوام اذا بغى ينهي النقاش يقولنا اية او حديث .. هني نسكت كلنا وما نقدر نكمل .. يمسكنا من ايدنا اللي تعورنا

 

[Now]

حلوه بوعبدالله ماتيوز من الطنازه هههههههههه
هالايام قالب على فريم ملا نموذج كتفين ولحيه
وبعدين ترا خطبتك مو مرخصه من وزارة الاوقاف



زين لك يالزعيم شربكتنا مع بوعبدالله يدور الشاره علي انا بالذات حق الطنازه
وصكني بحديث وخطبه ههههههههه

ههههههههههه .. خلاص مدام نحب اسهم الخرافي .. والخرافي بيشتري بيت التمويل .. نشتري بيت التمويل عيل ونخلي استثمارات

 

[Now]

بوعادل سهمين زين واستثمارات فيهم بلا دايسين علي المجموعه دوس وميزانياتهم غريبه
واتوقع فيهم هده قريب واحتمال الساحل اهو البطل

والله يابوخالد هرمنا وسئمنا وملللنا من تلك الاسهم .. راح الكثير وبقى القليل ان شاء الله ..

في واحد برة المنتدى راح ينتفني اذا ما ارتفع واحد من اسهم الخرافي الاسبوع الياي .. وادري فيه الحين قاعد يقرا كلامي هههه!

 

[رابح رابح]

ههههههههههه .. خلاص مدام نحب اسهم الخرافي .. والخرافي بيشتري بيت التمويل .. نشتري بيت التمويل عيل ونخلي استثمارات

بوعادل اتوقع اذا اعلنو استحواذهم على بيتك بيقوع وبينحاشون عنه لان المجموعه سياستها الضغط والتنشيف ولازم يطيحون ارباح وقيمة السهم
للامانه رئيس التنفيذي لبيتك محمد العمر بيض الله ويهه رجل يستحق التقدير والاحترام لانه قام بمجهود جبار وانقذ البنك جزاه الله خير

 

[رابح رابح]

والله يابوخالد هرمنا وسئمنا وملللنا من تلك الاسهم .. راح الكثير وبقى القليل ان شاء الله ..

في واحد برة المنتدى راح ينتفني اذا ما ارتفع واحد من اسهم الخرافي الاسبوع الياي .. وادري فيه الحين قاعد يقرا كلامي هههه!

ماتنلام انا مثلك شيبت والبورصه مدمره والسنين تمر والواحد يشوف احلامه تتبخر والعالم يتطور وكل شي تضاعف سعره واحنا قاعدين نشحذ من ملاك الشركات حقنا وغصب نقدر انحقق ربح بسيط واغلب المساهمين مدمرين .
الشركات الجيده اغلبهم فيهم خير وربحانين بس للاسف منومينهم ولاعبين فيهم علشان يبتزون المساهمين

 

[نصوح]

اآه. أه ذكرتوني بأيام الشباب بسكم تحلطم

 

[رابح رابح]

اآه. أه ذكرتوني بأيام الشباب بسكم تحلطم

وقت مضى ما أضن يعود .... ليت ذاك الزمان علينا يجود ​

​

 

[رابح رابح]

موضوع الساعه الذي يستحوذ على اهتمام الجميع هو تخصيص السوق
وخاصة اكتتاب الاسهم بنسبة 50% على المواطنين و 50% على خمس شركات استثماريه
حيث من المتوقع ان تتصارع الشركات الخمس للسيطرة على القياده

 

[رابح رابح]

القبس :

26 نوفمبر 2013​

تغيير مجلس إدارة بيت التمويل بلا أي أجندة سياسية​

مجموعة مساهمين بأكثر من 700 مليون سهم يتقدمون بـ10 ترشيحات مهنية وحيادية​

​

رابط الخبر : http://www.alqabas.com.kw/node/817350​

​

 

[q66]

ماتنلام انا مثلك شيبت والبورصه مدمره والسنين تمر والواحد يشوف احلامه تتبخر والعالم يتطور وكل شي تضاعف سعره واحنا قاعدين نشحذ من ملاك الشركات حقنا وغصب نقدر انحقق ربح بسيط واغلب المساهمين مدمرين .
الشركات الجيده اغلبهم فيهم خير وربحانين بس للاسف منومينهم ولاعبين فيهم علشان يبتزون المساهمين

المخالفات كثيره والحكومه تبي جذي

 

[الوحيد 1974]

دعوه للمراقبه لسهمين
حيات كوم
104 _ 108 والاهم 114 وهى الاهم تلك للمقاومات
الدعم 102 _ 100 _ 94 وهى الدعم الاخير
مينا العقاريه
حاليا على الدعم 56 القوى الدعم الثانى 54 غير جيد كسر 50
المقاومه 58 _ 59 والاقوى 61
وهى دعوه للمراقبه والله ولى التوفيق يالطيبين .

للرفع يالطيبين .

 

[الوحيد 1974]

السلام عليكم ورحمة الله وبركاته
وصبحكم الله بالخير والايمان يالطيبين
محبكم واخوكم الوحيد بوسعود

 

[الوحيد 1974]

السوق حاليا متماسك وان شاء الله يرتد يالطيبين
والله كريم .

 

[سرور]

السلام عليكم ورحمة الله وبركاته
وصبحكم الله بالخير والايمان يالطيبين
محبكم واخوكم الوحيد بوسعود

صباح الورد وصباح الخير على الجميع
لاحظ اخوي الوحيد سوق اليوم تجميع مثل الايام اللي طافت
ومادري منو اللي يعطيهم هالكمية .. الظاهر الناس زهقت

 

[الوحيد 1974]

صباح الورد وصباح الخير على الجميع
لاحظ اخوي الوحيد سوق اليوم تجميع مثل الايام اللي طافت
ومادري منو اللي يعطيهم هالكمية .. الظاهر الناس زهقت

صباح الخير اخى الطيب سرور
اذا زهقوا الطيبين امسك سهمك مسك ولاتهده الا بربح
الله يوفقك يالحبيب .

 

[q66]

السوق صاير مثل الديرفه رايح راد على 1.5 وفلسين حلاب غير اللي صرف ونزل قيمة السهم حتى استرجاعه السوق يمكن قايم على 20 متداول من صغار المستثمرين المضاربين اذا طلعوا برا يعني راح تصير المضاربه بين حساباتهم عالفاضي مثل الخبل اللي يطق راسه بالطوفه لين يلقون ملقوف جديد عالسوق يدوسونه؟؟؟؟؟؟؟؟؟؟

 

[رابح رابح]

اليوم لعبو لعب بالسوق باغلاقات المزاد نزول مفتعل واضح وخاصة الصناعات الوطنيه

 

[q1888]

ياجماعة الخير شسالفة اعيان عقاريه ؟
اليوم حد ادنى

افيدونا افادكم الله

 

[Now]

بوعادل اتوقع اذا اعلنو استحواذهم على بيتك بيقوع وبينحاشون عنه لان المجموعه سياستها الضغط والتنشيف ولازم يطيحون ارباح وقيمة السهم
للامانه رئيس التنفيذي لبيتك محمد العمر بيض الله ويهه رجل يستحق التقدير والاحترام لانه قام بمجهود جبار وانقذ البنك جزاه الله خير

ما يسوونها .. وياهم ناس ثانيين !!

اآه. أه ذكرتوني بأيام الشباب بسكم تحلطم

التحلطم بدمنا يا نصوح .. ما نعبر