بنك وربة الاسلامي

[سرور]

نتمنى سهم بنك ( وربة) ما يحوشه داء السوق والعياذ بالله

 

[جوني مار]

​

​

داء السوق جزء كبير منه بسبب بنك وربه ,,​

 

[سلفارادو]

اخر سعر تم تداوله به فى سوق الجت هو 200 فلس

 

[faisel 2]

شباب اللي عنده رقم تداول قديم يقدر يبيع اول يوم تداول ...يبيع اسهمه واسم اولاده ...او ما يقدر؟؟

 

[رابح رابح]

اخر سعر تم تداوله به فى سوق الجت هو 200 فلس

تم تجميع كميات من سوق الجت بسعر 250 فلس ولحين اذا يعرفونك مضمون يدفعون 240 - 250 فلس
حاليا يبون يضمنون الكميه اللى يقدرون يضغطون فيها على السهم لأن السهم جديد والسالفه مكشوفه فيه مايقدرون يسترونها اول ثلاث ايام وتبين الكميات اللي جمعوها واللي بياخذونها من صفقات التبادل المتفق عليها برا السوق
... اول ثلاث ايام تابع كمية الاسهم المعروضه وعدد الطلبات بكل مستوى سعري وتبين فيلكا

 

[رابح رابح]

شباب اللي عنده رقم تداول قديم يقدر يبيع اول يوم تداول ...يبيع اسهمه واسم اولاده ...او ما يقدر؟؟

اخوي زيد تقدر اتبيع برقم تداولك القديم بس تعطي البروكر شهادة الاسهم
والعيال دش على موقع المقاصه واذا معطينهم رقم تداول يبين سجله وعطه البروكر مع شهادة اسهمهم

الدخول على موقع الشركة الكويتية للمقاصة ودخل الرقم المدني يبين رقم التداول .​

www.maqasa.com​

 

[faisel 2]

اخوي زيد تقدر اتبيع برقم تداولك القديم بس تعطي البروكر شهادة الاسهم
والعيال دش على موقع المقاصه واذا معطينهم رقم تداول يبين سجله وعطه البروكر مع شهادة اسهمهم

الدخول على موقع الشركة الكويتية للمقاصة ودخل الرقم المدني يبين رقم التداول .​

www.maqasa.com​

مشكور اخ رابح .. العيال ما عطوهم رقم تداول لانهم صغار ١٠ سنوات و١٢ سنه...بس مكتب التداول يعرف مجموع الاسهم اللي عندي

 

[faisel 2]

شنهو البروكر ؟؟

 

[رابح رابح]

مشكور اخ رابح .. العيال ما عطوهم رقم تداول لانهم صغار ١٠ سنوات و١٢ سنه...بس مكتب التداول يعرف مجموع الاسهم اللي عندي

كلامك صح بس انا مستغرب لان عندي بنت عمها 17 سنه عطوها رقم تداول

 

[رابح رابح]

شنهو البروكر ؟؟

البروكر اهو الموظف اللي يبيع لك بمكتب الوساطه بالبورصه

 

[راعي_أسهم]

شباب اللي عنده رقم تداول قديم يقدر يبيع اول يوم تداول ...يبيع اسهمه واسم اولاده ...او ما يقدر؟؟

http://www.maqasa.com/warba_a.aspx

جيك على أسهمك وأسهم القصر نازلة برقم تداولك القديم؟
اذا مو نازلين معاك تروح المقاصة برج أحمد شرق إطلع شهادة أسهم وتروح البورصة الدور الأول نقل الملكية تسويلهم دمج.. وإذا تبي تنزلهم بمحفظة التداول الإلكتروني تاخذ الشهادات وتروح لشركة الوساطة ينزلونهم بمحفظتك.. أو برقم تداولك القديم وانت بالبورصة تاخذ البون من شركات الوساطة هناك وتبيعهم.. موفق خير

 

[BoFareS]

السلام عليكم

يا اخوان انا عندي مبلغ وابي استثمره ببنك وربة لمدة سنة, تنصحوني اشتري اسهم ببنك وربة باول يوم ادراجه؟ ولا انطر لما يستقر السعر؟ لانه هم الواحد يخاف بعدين يزيد سعره اكثر لانه بيكون عليه تنافس, واتمنى ذكر الاسباب بالاجابة.

وشكرا

 

[الوحيد 1974]

بنك وربة يتخارج من عقار في أمريكا بـ%18 عوائد صافية


2013/08/30 09:12 م



اشتراه بقيمة 20 مليون دينار العام الماضي


كتب جمال رمضان:
علمت «الوطن» من مصادر مطلعة ان بنك وربة تخارج الاسبوع الماضي من عقار يمتلكه في ولاية منهاتن الامريكية بصافي عائد يبلغ 18% موضحة ان البنك قام بشراء العقار العام الماضي بقيمة تبلغ 20 مليون دولار.
وقالت المصادر ان بنك وربة كان يعتزم تطوير العقار متوقعا تحقيق عوائد بحدود %12 سنويا الا انه وعند طرحه للبيع حقق عوائد صافية بلغت %18 مما جعل ادارة البنك تفضل التخارج منه في الوقت الحالي املا في اعادة تطوير وبناء عقارات اخري كفرص استثمارية سانحه للبنك ذات عائد جيد.
وقالت المصادر ان هذا التخارج يعكس تميز امكانات فريق الاستثمار لدي البنك وقدرته على اتمام صفقات كبرى سواء في السوق المحلي أو الاقليمي أو العالمي، مشيرة الى ان العقار كان أول صفقة متوافقة مع أحكام الشريعة الاسلامية في تمويل البناء في الولايات المتّحدة الأمريكية.
واكدت المصادر ان بنك وربة ماض في خططه الرامية الى الاستفادة من الفرص الاستثمارية المميزة، مستنداً الى ركائزه شبكة علاقاته القوية بالسوق الأمريكي كما ان اتمام الصفقه يسلّط الضوء على قدرة وكفاءة بنك وربة على القيام باستثمارات مبتكرة ومتوافقة مع أحكام الشريعة الاسلامية، يمكن من خلالها تحقيق عوائد كبيرة على المديين القصير والمتوسط.

 

[nnn12]

: بنك وربة يتخارج من عقار في أمريكا بـ%18 عوائد صافية http://****/Qr21JrMM6q

 

[عبدالعزيز34]

حقيقه بنك وربه بنك اسلامي ولا يقل عن البنووك الاسلاميه الاخره - امعنى اخر بنك بوبيان سعره فوق 600 وبيتك سعره فوق 700 والاهلى كذالك فوق 700 هذول كلهم بنووك اسلاميه ومرشحين لصعوود فوق الاسعار الحالييه - فبنك وربه بنك جديد ارجو ان لا تبخسوون سعره وتبيعون بسعر زهيد بنك جديد وله مستقبل زاهر لن يقل عن البنوك الاسلاميه الاخره - نصيحه احتفظ بالاسهم اذا سعره تحت 400 الشواهد كثيره بنك اسلامى ومرغووب من عدة اطرااااااااااااف

 

[الوحيد 1974]

: بنك وربة يتخارج من عقار في أمريكا بـ%18 عوائد صافية http://****/Qr21JrMM6q

ابى اعرف شى واحد ليش تقلدنى
مو حاط الخبر قبلك ليش تقلدنى يالطيب

































حبيت امزح معاك يالغالى وشكرا .

 

[رابح رابح]

عدد الاسهم المملوكة للمواطنين 670 مليون سهم
بلغ اجمالي اصول بنك وربه 223 مليون دينار بنهاية 2012
اتوقع ان يكون سعر الادراج 300 فلس وقد يرتفع الى 400 فلس
76 % من الاسهم مملوكه للمواطنين و24 % للهيئة العامة للاستثمار وبسبب حجم الاسهم الكبير لدى المواطنين فانه من المستحيل الضغط على السهم وبعد تجميع كميات متواضعه من السهم لن يستطيع صانع سوقه استخدام هذه الكميات للضغط على السعر لخطورة هذا الاجراء خوفا من قيام طرف اخر بالدخول وشراء هذه الكميات
ولهذا السبب سيكون هناك دخول عنيف على السهم عند بداية الادراج وارتفاع حاد لتجميع اكبر كمية ممكنه من اسهم المواطنين لضمان السيطرة على مجلس الاداره وبعد ذلك سيعاود الانخفاض بقوه تدريجيا حسب الكميات التي سيتم عرضها وحساب الكميات مهم جدا بالايام الاولى للمضارب ويجب الانتباه لها لاختيار توقيت الخروج من السهم وستكون الصناديق والمجاميع الاستثماريه لاعبا رئيسيا بالتجميع لما سيعود عليها من ارباح لبيع الحصص لاحقا للمالك الذي يرغب بالسيطرة على مجلس ادارة البنك
... والله اعلم وموفقين ان شاء الله

مثل ماتوقعت 300 فلس بالضبط​

​

 

[الوحيد 1974]

السلام عليكم ورحمة االه وبركاته يالطيبين
وصبحكم الله بالخير والايمان
بصراحه اتوقع سعر الادراج بالنسبه لبنك وربه راح يكون بين 320 الي 360 وهو مجرد توقع مني يالطيبين
وعسي ربي يوفقكم .

ماشاء الله تبارك الرحمن عليك يابو سعود .

 

[رابح رابح]

السهم مطلوب بالحد الاعلى 325 فلس
باجمالي طلبات 25.384 مليون سهم

 

[الكوتي]

بصراح سعر جيد

الي باع بسوق الجت يبكي الأن

والي شراء موفق