الشركة الخليجية الدولية للإستثمار ش.م.ك.م ( غلف انفست )

[SLB]

قلبي قارصني...

ماكو واحد ابرد علينا ابكلمتين اطيب خاطرنا ...
عل أقل عشان نصبر على هل حالة ...

بس مانبي آمال وأمنيات .. نيي تحليلحسب المعطيات الحالية يا أهل الخبرة ..والي يرحم والديكم ...

يوسف غضنفري ممكن اتقولي من وينلك الشارت هذا؟ اللي لقيتهم كلهم (بورصة الكويت والاوسط )احطولك أسعار الاقفال وبس..

 

[السهو]

مصدر

يا جماعة مانبي تحليل بسنا تحاليل وهموم نبي تصريييييييييح ولا خبر موثوق يقول فلوسنا بترد ولا لع .....
وين اهل المانشيتات اللي تحت كل مشاركة مع حبي وتقديري لهم وارجو انهم مايكونون حساسين بس الي ايدوه في الميه مش زي اللي ايدوه في النار ولا ايه يا رجاله (

 

[بوحسن]

ترى انا ما اتكلم عن .................

ولا انصح عن .....................

ولا لي خلق انصح الا اخذ فيكم اجر ولاني محتاج مدح او ذم ...بس في ناس تذم من حيث لا تدري تخليك تفكر مليون مره تقول .انا شكوووووووووو فيهم ( بالط .... )

ليم اقولكم على سهم يكون الخبر ماله زين جدا جدا

وايضا الشارت ماله زين

وهذا بحدود امكانياتي ( ولاني مضارب ) .وهذا حال جميع المشاركين كل واحد يجتهد بحسب امكانياته
ولا ابي اطبل حق الاسهم الي قلت انها بترتفع وارتفعت وجيكو من وراي .. شوفو اشقايل وجم بالميه نسبة الصحه بكلامي ... ترى سهله

النتيجه بعد كل هذا
اييك واحد ما يدري الله وين قاطه يقول مانبي كذا وكذا نبي ونبي كذا وكذا

بقاله هي ؟ ولا قالولك رواعي محافظ احنا ؟ ولا صانع من صناع السوق

هني منتدى واذا راعي المنتدى يدري عن الاسهم 100 % جان ما شفته هني

المفروض الي ما يدري اشفيه ومقهور من سهم يشوفله طبيب نفساني يسولف معاه ..مو يقول بموت من السهم والخ الخ ويفضفض هني

عموما غلف انفست عليه انعكاس واضح من الشارت قريب جدا وونطر اليوم عشان يتحقق الانعكاس ولنا راي ثاني ان لم يتحقق ..الشارت يمثل يوم سابق خبر قديم اوكي يستنتج منه

اما الاخبار فهياها هياهاااااااااا نفس المحفظه ونفس صانع السوق عليها ..لا باع السهم ولا هم يحزنون

والي مافيه صبر ...يشتري صبر ولا ترى بيموت وهو ناقص عمر

 

[السهو]

اتغشمر

ترى اخوي كنت اتغشمر ويا الجميع وانا والحمدالله ربحان من الغلف ولا راح ابيعه لأني مقتنع بالشركة
بس كنت ابي فقط أثير نقطه احاول فيها اثري النقاش ولا قناعتي بالسهم انه سهم محترم جدا ولكنه يعاني من الام وانشالله له طلعه قريبه
لا تزعل علينا طال عمرك انت مثل راعي الديوانية يتحمل شوي ضيوفه واذا تبي نرضيك نرضيك ونتأسف على تعصيبة الصبح
من حق اي انسان اذا يبي يطبل يطبل ( ما اتكلم عنك لا تفهمني غلط ) بس القضية انه اذا صار غلط ترى له اخوان ماخذين قروض وبعضهم يمكن ياخذ اجل ويشوف هالكلام المصفف ترى يا جماعة الخير يمكن التطبيل تم عن حسن نية بس ترىخسارته برقبتكم

 

[SLB]

كلامك عسل يا السهو.

بس مالاداعي هم انت إطَبل حق راعي الدوانيه على قولتك ..هيهي :d
ترى الخسارة ترفع الضغط ... ومن حق كل شخص يستفسر و يحاتي فلوسه.
وكيفه عاد اللي موعاجبه.

 

[السهو]

كل شيخ وله طريقه

اخوي Slb انا يهمني كلامي يكون خفيف على الجميع ونوصل الى اسلوب نتحاور فيه بمحبه واذا كان هناك كلمه او اسلوب ما يعجب الاخوان نغيره حتى ما نزعل من بعض

الفلوس تجي وتروح صدقني جربتها كثير
بس خسارة اخو او صديق ما تعوض
ويبقى كل شخص حر في اسلوبه بشرط ما يجرح الاخرين
بصراحه مشتاق لخليفه الوحش والاختيار وباقي الاخوان في الاهليه والغلف اعتقد هم احسن ما كسبت في شريتي للغلف
وسامحنا

 

[بوحسن]

خلاص خسرت فلوسي بغلف انفست

الله يعوضني بغيرها (

 

[MH For Ever]

خلاص خسرت فلوسي بغلف انفست

الله يعوضني بغيرها (

عسى ما شر اخي الصبر مفتاح

مع العلم انك من المشجعين الأقوياء لهذا السهم

ماذا حصل؟؟

 

[السهو]

الصبر مفتاح

عسى ما شر ياخوي ليه تخسر فلوسك الله لا يجيب خساره

 

[بوحسن]

... ومن حق كل شخص يستفسر و يحاتي فلوسه.
وكيفه عاد اللي موعاجبه.

قاعد احاتي اسهمي بس على نصيحة الاخ الي كاتب هالموضوع

ومثل ما قال : كيفه عاد الي مو عاجبه

وراسكم لا عندي خبر ولا بطيخ ........

بس الي يحاتي فلوسه نتيجته ......

ان يخلي الناس تخترع ........... وباجر من اول الصبح يقطون اسهمهم

مع اني امس قتلكم اشترو السهم وارتفع اليوم نص نص ( بس ) بالشارت عندي كان يقول انا بغير اتجاهي ..وحبيت انصح بالخير

ما ادري فيه ناس يحبون اتكلم جذي وبهالصوره بما يناسب اهوائهم بعيد عن المنهجيه والمنطقيه في التحليل ... واني اهول واقول اي فكره تدور براسي

يبوني اتأثر بالعامل النفسي وابعد كل الحاليل الفنيه والاساسيه البسيطه واقط السهم وحبيت اجرب اسلوبه ولو كمثال لكم

 

[q8 investor]

قاعد احاتي اسهمي بس على نصيحة الاخ الي كاتب هالموضوع

ومثل ما قال : كيفه عاد الي مو عاجبه

وراسكم لا عندي خبر ولا بطيخ ........

بس الي يحاتي فلوسه نتيجته ......

ان يخلي الناس تخترع ........... وباجر من اول الصبح يقطون اسهمهم

مع اني امس قتلكم اشترو السهم وارتفع اليوم نص نص ( بس ) بالشارت عندي كان يقول انا بغير اتجاهي ..وحبيت انصح بالخير

ما ادري فيه ناس يحبون اتكلم جذي وبهالصوره بما يناسب اهوائهم بعيد عن المنهجيه والمنطقيه في التحليل ... واني اهول واقول اي فكره تدور براسي

يبوني اتأثر بالعامل النفسي وابعد كل الحاليل الفنيه والاساسيه البسيطه واقط السهم وحبيت اجرب اسلوبه ولو كمثال لكم

عدل عدل يا راعى الديوانيه ....... انت ما نبى منك الا الاخبار السليمه والصحيحه ... وصج درس جميل ... بس متى تطيح العشا علشان اييك الديوانيه

 

[SLB]

اظن السالفة أكبرت .. وناس ازعلوا..

بس لايصير تعصب على سهم وماترضون أحد ينتقده وقت ماينزل أسبوع ..

كل واحد عنده عقل ويعرف خلاصه.. مو كلمة اتوديه وكلمة اتيبه !!

والمشاورة مفيدة خصوصا وقت النزول .. وهم التشجيع مفيد وقت صعود السهم..

تذكر أن احنا حاطين افلوس من عرق جبينا مو كراتين طماط ..

 

[بوحسن]

والله ما اقصد احد ترى ..كثر ما اقصد الفكره نفسها


وصدقوني ماني زعلان بس مرات التولول بالاخبار والمحاتات والسوق مرتفع ؟

يخلي الناس تبيع وتطمع باسهم اخرى مرتفعه


ما اقول الا عمار يا اهل المخازن ..صج احلى صبر عندكم

وماني متحمس يا كويتي انفستر

 

[السهو]

نتمنالك الخير

اخوي الصبر مفتاح صدقني اتمنالك كل خير
مو كل الناس مثل بعض no same same
الراي والخبر اللى نكتبه هنيه ونقول اننا نتمناه او سمعناه او كان نتيجة تحليل اساسي او فني لا يحملنا مسؤولية من يشتري فالقرار بالاخير قراره
طبعا اسلوب المحبه والاسلوب الراقي وتحسس مشاعر الاخوان مهم جدا
بصراحه انا ضاق خلقي خفت انك خسرت وانا اعتقد ان هالسهم واعد جدا بغض النظر عن ما يقوله الاخرين
مشتاقين لخليفه الوحش بصراحه تعودت انام وانا افكر بكلامه كل ليله مادري اشفيه حارمنا منها اخوي انت ما طقيت احد على ايده وقلتله اشتر غصبا عليك ........ كل واحد عقله براسه يعرف خلاصه . اهم شي النية الصافية والي نعتقدها فيكم انتم حطيتوا ارقام واسعار للأسهم حسب معادلات يعرفها الجميع وهي تصيب وتخيب
الاخوان المتضايقين لازم نتفهم حالتهم ونعذرهم ولكن الحلم سيد الاخلاق
والمفروض على الاخوان يتخيرون الجمل والمعاني الائقة والمحترمة لاخوانهم فنحن في بلد الخير والاحترام المضمون لكل مواطن فكيف اذا حنا ما احترمنا بعض
تكفا اخوي خليفه والعوضي والاختيار والاخوان الاخرين نبيكم تردون تكتبون مرة ثانية نحن نحتاج اليكم في هذا الوقت العصيب

 

[الباحث عن الفرص]

صج يا مفتاح الصبر عندك ديوانيه وما تعزمني ويا شباب المنتدى !!!


يا جماعه كل الي اقوله عند تحليل اي سهم ابعد العاطفه .. ابعد كل العوامل النفسيه من طمع وخوف... وحلل السهم للمضاربه بناء على تحليل فني وللاستثمار بناء على التحليل الاساسي ...ولا تكون فلوسك واسهمك فريسه سهله للمحافظ .

ما ادري ليش خايفين اهل غلف انفست من شركه ارباحها 50 فلس وسعرها الحالي 420 فلس ... اذا بحثنا عن السعر العادل للسهم بالنظر الى مكرر الربحيه ... وبربحيه السهم ... والعائد المتصور ... ومشاريع الشركه .. ومقارنة باسعار شركات من ذات القطاع وهو الاستثمار لوجدنا ان سهم غلف نفست غير عادل تمامااااااا .... وموعدنا ان اشاء الله مع نهايه ديسمبر .

 

[بوحسن]

صج يا مفتاح الصبر عندك ديوانيه وما تعزمني ويا شباب المنتدى !!!


يا جماعه كل الي اقوله عند تحليل اي سهم ابعد العاطفه .. ابعد كل العوامل النفسيه من طمع وخوف... وحلل السهم للمضاربه بناء على تحليل فني وللاستثمار بناء على التحليل الاساسي ...ولا تكون فلوسك واسهمك فريسه سهله للمحافظ .

ما ادري ليش خايفين اهل غلف انفست من شركه ارباحها 50 فلس وسعرها الحالي 420 فلس ... اذا بحثنا عن السعر العادل للسهم بالنظر الى مكرر الربحيه ... وبربحيه السهم ... والعائد المتصور ... ومشاريع الشركه .. ومقارنة باسعار شركات من ذات القطاع وهو الاستثمار لوجدنا ان سهم غلف نفست غير عادل تمامااااااا .... وموعدنا ان اشاء الله مع نهايه ديسمبر .

اي والله ربحية 50 ونمو مرتقب وصانع سوق ؟ وخايفين

صح كلامك يا الباحث عن الفرص والديوانيه الي عندي لازم عمرك فوق ال 30 ورسم دخول دينارين

وحقيقة اقدر للاخ سهو احساسه الطيب

ولجميع الاخوه على حالتهم النفسيه بس مرات كتابتهم تاثر على الجدد

 

[المراقب المالي]

75 إلى 80 فلساً للسهم صافي ربح متوقع لـ «غلف إنفست» حتى نهاية العام

كتب محمد الجاموس: توقعت مصادر متابعة ان تحقق شركة الشركة الخليجية الدولية للاستثمار (غلف انفست) ما بين 75 ـ 80 فلساً حتى نهاية العام الحالي، وذلك في ضوء النتائج التي حققتها الشركة سواء في أول تسعة أشهر أو منذ بداية شهر اكتوبر الماضي وحتى الآن.
وبيّن المصدر ان «جلف انفست» اعلنت عن تحقيق 50,2 فلس للسهم الواحد في أول تسعة اشهر من العام الحالي، وحققت منذ بداية اكتوبر وحتى الآن (أي منذ بداية الربع الرابع) ما بين 14 ـ 15 فلساً للسهم الواحد، ومع ذلك لاحظ المصدر ان سعر السهم لا يزال مظلوماً.
وأشار الى ان الشركة في ضوء أدائها الحالي يتوقع ان تحقق ما بين 25 ـ 30 فلساً في الربع الرابع، أي يوازي ما حققته الشركة في أول تسعة اشهر من العام الماضي 2004.

 

[الباحث عن الفرص]

خبر اكثر من ممتاز لملاك قلف انفست ......... بس حتى تعرفون اني كلامنا وتحليلنا للسهم مو من باب التشجيع او العاطفه لااااااا........ من باب التحليل الاساسي ...تحليل لبيانات الشركه ومستقبلها ..... تهانينا لملاك اسهم غلف انفست وعقبال ما نشوف السهم فووووووووووق .

 

[بوحسن]

خبر اكثر من ممتاز لملاك قلف انفست ......... بس حتى تعرفون اني كلامنا وتحليلنا للسهم مو من باب التشجيع او العاطفه لااااااا........ من باب التحليل الاساسي ...تحليل لبيانات الشركه ومستقبلها ..... تهانينا لملاك اسهم غلف انفست وعقبال ما نشوف السهم فووووووووووق .

نصيحه لا تقول السهم فوق ولا تقول السهم تحت

كل واحد عنده عقل يفكر فيه لا وحط اسباب فقط

ولا على قولة واحد اخاف انت محفظه وقاعد تدير اسهم حق ربع المنتدى

خلك بنفسك وابحث عن فرصك بروحك

 

[الباحث عن الفرص]

نصيحه لا تقول السهم فوق ولا تقول السهم تحت

كل واحد عنده عقل يفكر فيه لا وحط اسباب فقط

ولا على قولة واحد اخاف انت محفظه وقاعد تدير اسهم حق ربع المنتدى

خلك بنفسك وابحث عن فرصك بروحك

اليوم والحمد الله ان السهم اقفل على 15 فلس ارتفاع ولولا ان جناحها الثاني الاهليه كان يعمل لرأيتموه اغلاق حد اعلى ... مع ذلك ارتفع وفي ظل انخفاض مؤشر السوق .

يبدو ان كلامي عن سهم غلف انفست لا يروق للبعض ... احب اوضح يا اخوي الصبر مفتاح ... ان كان اشاراتي باني مترقب ومتوقع صعود السهم هو رغبه مني بعدم بيع اخواني صغار المستثمرين للسهم ومن باب لا يؤمن احدكم حتى يحب لأخيه ما يحب لنفسه .

ولكن يبدو ان اشاراتي تلك وتنبيهي لاخواني لا تروق لك ... وان كان ذلك .. فأعدكم بعد المشاركه في موضوع غلف انفست لتكون تلك هي المشاركه الاخيره لي... والاخذ بنصيحتك حول الاكتفاء والبحث لنفسي عن الفرص .

ماكان العشم ان يتم الرد علي بهذا الاسلوب ....... استودعكم الله