الشركة التخصيص القابضة ( التخصيص ).

[sporty72]

الله يهداك اخوى sporty72 ماتشوفنى حاط لوحات الفنان الصغير !

يعني شنو مو فاهمك اخوي امبراطور انا اقول متى توزيع الارباح وانت وتقولي الفنان الصغير ؟؟؟

 

[ابو عليا]

يعلن سوق الكويت للأوراق المالية أن مجلس ادارة الشركة الكويتية لمشاريع
التخصيص سوف يجتمع غدا الثلاثاء الموافق 21-02-2006، في تمام ‏
ِ الساعة 12:30 ظهرا، وذلك من أجل مناقشة البيانات المالية السنوية للشركة
للسنة المالية المنتهية في 31-12-2005

 

[sporty72]

يعلن سوق الكويت للأوراق المالية أن مجلس ادارة الشركة الكويتية لمشاريع
التخصيص سوف يجتمع غدا الثلاثاء الموافق 21-02-2006، في تمام ‏
ِ الساعة 12:30 ظهرا، وذلك من أجل مناقشة البيانات المالية السنوية للشركة
للسنة المالية المنتهية في 31-12-2005

يعطيك العافية اخوي ابوعليا
شنو تتوقع السعر بعد الاجتماع بصعود ولا نزول ؟ ، انا الي لاحظته اليوم بالذات كميات المطلوب اكثر من المعروض
وشنو تنصحنا جزاك الله خير

 

[ابو عليا]

متوقع يعلنون 25 فلس للسهم
يعني سعرة العادل 425

 

[sporty72]

متوقع يعلنون 25 فلس للسهم
يعني سعرة العادل 425

يعطيك العافية وماتقصر

 

[Silat]

متوقع يعلنون 25 فلس للسهم
يعني سعرة العادل 425

الله يعطيك العافيه بوعليا

شلون يقولون ان 60 فلس ربحيه

و الوطن كاتبه مقال شطولها ان 60 فلس

و الله ما يندرا يا خوي اليوم يبين

ان شاء الله خير

يمكن مرحلين الأرباح(يقال)

 

[وراكم وراكم]

14:4:0 مجلس ادارة التخصيص يوصي بتوزيع 8% نقدي و5% منحة عن عام 2005‏
يعلن سوق الكويت للأوراق المالية أن مجلس ادارة الشركة الكويتية لمشاريع
التخصيص قد اجتمع اليوم الثلاثاء الموافق 21-02-2005، واعتمد البيانات
المالية السنوية للشركة للسنة المالية المنتهية في 31-12-2005، وفقا لما يلي:‏
ِ1) نتائج أعمال الشركة:‏
البند السنة المنتهية في 31-12-04 السنة المنتهية في 31-12-05‏
الربح(د.ك) 1,809,032 3,921,285‏
ربحية السهم(فلس كويتي) 8,6 13,8‏
علما بأن ربح السنة المالية المنتهية في 31-12-2005 يتضمن أرباح غير محققة
بمبلغ قدره 2,439,682 د.ك.‏
ِ2) التوزيعات المقترحة:‏
أوصى مجلس ادارة الشركة باجراء التوزيعات التالية عن السنة المالية المنتهية
في 31-12-2005، للمساهمين المسجلين بسجلات الشركة بتاريخ انعقاد
الجمعية العمومية:‏
توزيع أرباح نقدية 8% من القيمة الاسمية للسهم 8 فلس كويتي لكل سهم
توزيع أسهم منحة 5% من رأس المال المدفوع 5 أسهم لكل 100 سهم
علما بأن هذه التوصيات تخضع لموافقة الجمعية العمومية للشركة والجهات

 

[القناص80]

الله يكون بعون ملاك السهم

التوزيعات شي يفشل صراحة

اكيد السهم باجر حد ادنى

 

[Silat]

الله يكون بعون ملاك السهم

التوزيعات شي يفشل صراحة

اكيد السهم باجر حد ادنى

باجر بس !!!!!!!!!!!!!!


اسبوع و انت الصاج

 

[FLOOD]

لاحووووووووول شالتوزيعة الدايخة الله يستر باجر طبعنى جنا

 

[مستثمره جديده]

انا مصدومه وايد خسرانه شاريته على 350 باجر لازم ابيع و ادش على سهم ثاني اعوض خسارتي الله لا يوفقهم

 

[sporty72]

السلام عليكم

متوقع يعلنون 25 فلس للسهم
يعني سعرة العادل 425

شنو تفسيرك اخوي ابو عليا على هالتوزيعة الي تفشل
وانت تقول سعره العادل 425
هل تنصحنا نبيع ولا ننطر

 

[nasy]

صمنا وفطرنا على بصله ( التخصيص )

 

[بوراشد جروب]

الله يعوض عليكم يا جماعة.

الحمدالله أنا تخلصت من السهم قبل يومين بخسارة 650 د.ك لأن الشركة خرجت من القائمة الشرعية ، وعوضت بالثمار من الخسارة وصارت 450 د.ك
وراح أدخل على سهم يديد راح أربح فيه إن شاءالله.

بالتوفيق للجميع...

 

[sporty72]

يا شباب هل الخبر اكيد سالفة التوزيعات ولا اشاعة ؟ واذا كان صج شنو تاثيره على السهم ووين راح يوصل ؟
والرجاء تعطونا مصدر الخبر
ودمتم

 

[المناور]

الله يعطيك العافيه بوعليا

شلون يقولون ان 60 فلس ربحيه

و الوطن كاتبه مقال شطولها ان 60 فلس

و الله ما يندرا يا خوي اليوم يبين

ان شاء الله خير

يمكن مرحلين الأرباح(يقال)

أشتر عند الأشاعه وبيع عند الخبر

أعتمد هذا النهج فى المرات القادمه

وأتمنى لك التوفيق والتعويض

 

[qatel4]

عاد اسمحولي ..... اللي معتمد على جريدة الوطن ماعنده سالفة
للمرة الخامسة بس في هالمنتدى أقوووول جريدة الوطن جريدة أكاذيب واشاعات ، تعمل على سياسة اشاعة وتطبيل

بصراحة ماتوقعت الربحية ، الربع الثالث كان في حدود 15 فلس شللي نزلها

الله يعين الملاك

السهم على المدي القصير والمتوسط هبوط
بس المستثمر لمدة طويلة يستفيد

والله يعيننا ويعينكم

 

[sporty72]

السلام عليكم

التخصيص اليوم اكثر الاسهم الي انتحرت !
ماشوف الشباب احد علق على الانتحار ولا محد له خلق ؟

 

[ALMOTAMAKEN]

يعتبر الحد الادنى للسهم فى الايام القادمه نقطة ارتداده فى السابق للعلم !
فان تم كسرها بعرض بلاطلب فسوف نتحقق من الهدف الثانى فى حال النزول المستمر وان ارتد فوقتها لكل حادث حديث ولكنى حبيت انبهكم ان الحد الادنى المقبل كان فى يوم من الايام نقطة ارتداد للسهم !
والله الموفق .

 

[مستثمره جديده]

السلام عليكم

كلامك ينم عن شي بس مجرد توقع مافيه اي شي من التاكيد انا خسارنه وايد في هالسهم المريض و توزيعاته اللي ما توقعته و اللي فعلا تفشل .. خسرانه 5600 دينار .. اذا فعلا انته عارف شي و متاكد من شي حط تصورك و شارت يبين هالواقع في الارتداد شي جميل انه الواحد يتكلم بس شي صعب انه يثبت شي في سوق مريض مثل الكويت يفتقر الى صانع سوق حقيقي يدعم و يحفظ حق صغار مستثمرين من تلاعب الكبار .. التخصيص ملكياته في سهم الصناعات و المركز كبيره بس سهم دايخ و مريض .. سوري يمكن من حرتي و لا تواخذني ماكو شي بينه بس اتمنى يكون كلامك صحيح و لكن اللي اشوفه العكس صحيح

الله يعوضنه و يعوض كل من خسر خير انشالله اللهم امين