اتوقع السوق يخالف كل التوقعات ويعكس اتجاهه الي الاعلي

[telephone]

أنا أتوقع بكرا صعود لان سوقنا خالف تعرف المحليين والخبراء المتداولين كلهم يتوقعون نزول بكرا والسوق وصناع السوق راح يخالفونهم وراح يصعدالسوق.

 

[بوشكاش]

باجر 16/6/2013 حكم المحكمه
باجر 16/6/2013 عيد ميلاد شخصيه كبيره بالبلد16/6/1929
الله يطول بعمره

 

[smsxxxsms]

حديث الساعة

الشيخ صباح الأحمد الجابر الصباح أمير دولة الكويت الخامس عشر ولد في (16 يونيو 1929)​

​

الله يحفظك يابوناصر ويطول بعمرك​

غدا يصادف تاريخ ميلاده​

 

[H.L]

رح يصعد غصب طيب
وذكروني مااطلع H.L
ان ماصعد
غصب بيصعد من من طيبه

 

[بوشكاش]

بالضبط​

 

[نواخذة الكويت]

ان شاء الله باجر السوق يرتفع وفرح الناس يا رب وانا من الناس المتفائلين واللي يجي من الله حياه الله
بس أستغرب من اللي متشائم وقول نزوووول والثاني يقول مساكين و و و الخ ترى عيب احترموا مشاعر الناس اللي شاريه لا اتكدرون خاطرهم
انت لا أخوي ولا أبوي ولا وصي علييي لي هالدرجة قلبك على أعضاء المنتدى تبيهم يبيعون ... أخوك أخوووووووووك لو يعرف قوعه فيها سمج ما يدليك عليهاا
اتيي انت تبي تنصح الشباب انت بعت عليك بالعافية خل غيرك يفكر على راحته لا اتشوش عليه ترى كلناااا عندنا عقل مو بس انت
وانااا ما أقول بيرتفع غصب بس توقع الخير ليش اتوقع التشاائم وان كان عندك تشاؤم خله حق نفسك مو اتضيق خلق الله
الله يرزقم يا رب ... أخوكم بويوسف نسسييييييييييت شغله اللي قال مساكين ترى الشباب ما حطوا القرآن وحلفوا عليه أن السوق بيصعد ترى بس أمنية منهم

 

[أبو عمر]

! wishful thinking

 

[سالم علي علي]

فوز روحاني ممكن يهدي الوضع

 

[Latino]

الي يقول باشر يرتفع السوق قاعد يضحك على نفسه

صحيح لاأحد يعلم الغيب لكن ..

كل الأحداث الحالية ماتطمن والأخبار هاليومين سلبية وممكن تؤدي انهيار السوق .

كلنا ان شاء الله متفائلين لكن هذا الواقع

 

[H.L]

خلاااااااص
باجر السووووق بيشلع فوق وكل الاسهم

 

[BOAHMAD]

صعد السوق خير وبركه
نزل السوق راح ننتظره لين يصعد ونبيع
غير هالكلام ماعندنا
الدنيا حوالينا مولعه ونطلب من الله الستر
سوريا ذبح مذابح ،،، السعوديه وتركيا ومصر في بطنهم شي ،،،، امير قطر ترك الحكم لولده ،، مظاهرات بقطر ،،،

حكم الدستوريه غدا ،،،
مافي شي يسر نهائيا ،،
الله يستر وبستره

 

[مختار الزبير]

باجر المتوقع موب شي نزول قوي
ومن غير المتوقع الصعود القوي

انت تريد وانا اريد ويفعل الله ما يريد
يارب لا نسألك رد القضاء
لاكن نسألك اللطف فيه

 

[الأسد11]

اذا صعد السوق باجر هل راح تلومون نفسكم علي خسارة اخوانكم الي باعوا بخساره ؟

 

[فارس777]

يااخوان بصراحه اللي صار بالسوق السعودي فوق الممتاز وهو نزول 330 نقطه في يوم افضل من انه كل يوم ينزل كل يوم 50 نقطه لان النزول كان لاغلب الشركات وبالتساوي والخساره للمساهمين فرادا كانت يسيره فالنزول لجميع الاسهم 4% او5% افضل من نزول سهم 40% وسهم آخر 3% وعلى العموم مو كل يوم راح ينزل 330 نقطه ولا وصل صفر بعد اسبوعين. وان شاء الله بيعدل باكر. لان راس المال جبان في اليوم الاول. وفي اليوم الثاتي راح يدشون واحد ورا الثاني وراح تشوفون ارتفاع لان راح يدركون ان المشاكل في سوريا لن تأتي للسعوديه لموقعها الجغرافي وعدم اتصال حدود الدولتين لان الجبهات من دولتين فقط تركيا والاردن والدخول سريع وتنتهي المشكله ووقتها راح تشوفون الاسهم بالعالي

 

[Latino]

أخوي الأسد





واذا نزل السوق وتبخرت فلوس اخوانك هل تعوضهم عن خسايرهم !

كلن عقله براسه .. محد يرغم أحد على البيع أو الشراء

لكن الأوضاع تحتم على الواحد ان يفكر ويتخذ القرار المناسب لأن الأحداث والأخبار ماتشجع على صعود السوق .

 

[رابح رابح]

قرار البيع والشراء خطر جدا غدا لان السوق احتمال ينزل ويرتفع مره ثانيه والاحتمال الاخر استمرار الانخفاض سيترتب عليه خسائر ايضا ولا يلام اي متداول على قراره فالقرارين صح , المهم ان تتبع قناعتك وليس قناعة الاخرين لكي لا تندم
وانا اتوقع السوق السعودي اخضر باجر

 

[الشراااااااي]

ان شاء الله متفائلين خير والسوق بكرة اخضر باذن الله

 

[الأسد11]

الكل يعلم ان غالبية المتداولين كاش او نصف كاش والكل ينتظر نزول السوق للشراء ولاكن الشراء يجب الا يكون
بارهاب المتداولين بالاحداث واغلب المتداولين لدهم خبره في السوق وهم من يقدرون الشراء والبيع ما اعتقد ان
احد ما يعرف ان 16 يوم المحكمة الدستورية واحداث سورية صارلها اكثر من ثلاث سنوات لا يوجد جديد الا نزول
السوق السعودي ويمكن يكون لسبب داخلي وباعتقادي اذا حصل نزول فسيكون بسسب استغلال المحافظ لخوفكم ومن
ثم الصعود

 

[رابح رابح]

حاليا في طلبات وعروض الغد :
دعم ممتاز لاسهم البنوك والشركات القياديه واستثمارات
العروض طبيعية في ضمن الحدود المعتاده
وان شاء الله خير

 

[بوشملان_78]

السلام عليكم

انا اتوقع بتصير تهويشه قويه على اغلب الاسهم وراح تنزل حد ادنى ويلحقها ارتفاع خلال الايام القادمه (وذلك للتجميع بأكبر قدر ممكن)

والله أعلم