تحركات الأسهم المختاره ___ماكسيموس ____الجزء 3 ؟؟؟؟؟

[speedorinoo2]

طمنونا شباب عليكم
شلون السوق معاكم اليوم ؟

 

[speedorinoo2]

عساك عـالقوه يابو عبدالله

الله يقويك أخ بوراشد
طمني عليك وشلون البترو معاك ؟

 

[speedorinoo2]

شوف شلون الضغط على البترو
عرض 2 مليون مقابل طلب 5 ملايين
احلوت اللعبة معاهم

 

[speedorinoo2]

يا سلام على هالسحبة
4 ملايين الغاء طلب عند 78
زين فرصة والواحد شوية يشم هواء

 

[speedorinoo2]

نستأذنكم يا شباب للصلاة وبارك الله فيكم
هالله هالله بصلاة الجماعة
ولا تنسونا وإخوانكم في الإسلام بالدعاء وأودعوا حلالكم بين يدي الحي القيوم الرزاق الكريم
جزاكم الله خير وبارك الله فيكم

 

[speedorinoo2]

تقبل الله طاعتكم وصالح الأعمال

 

[speedorinoo2]

للأسف ما حصل لمجموعة المدينة من هبوط هو تحول مستثمري بورصات الإمارات لأسواق الكويت وعمان حسب ما ذكر في الصحف
ما تدري وين قاطين روحهم هالمستثمرين
وإحنا ناقصين مو كافي اللي عندنا
لا حول ولا قوة إلا بالله
هذا الحين الشمالي يسحبهم على المدينة هو وشرشر
ويعطونهم درس عدل في الإستثمار
هذا والله أعلم سبحانه وتعالى

 

[speedorinoo2]

حاليا المضاربات راح تصير على خط 7666 والـ 7555 اللي وضحناه في الصورة
ونشوف شيصير بعد الـ 7555
هذا والله أعلم سبحانه وتعالى

 

[speedorinoo2]

عساكم على القوة والله يعوضكم خير مما فات إن شاء الله آمين
وأخوي بوعلي
بالنسبة لإكتتاب راح يبين هل هناك إرتداد ولا لا لـ 76 - 77
الله يوفق الجميع إن شاء الله آمين

 

[zero_1]

الله يقويك أخ بوراشد
طمني عليك وشلون البترو معاك ؟

هلا اخوي بو عبدالله

ابشرك. اموري طيبه. حالياً قاعد اضارب فيه ؛؛. بس فيه بعض الخساير لاني من اللي اخذو بال ٩١ والسهم كمل نزول. بس لحقنا وقيناه ٨٨. لاني توقت النزل. وقلت استرده تحت

والحين الحمدلله. ان شاءالله يصعد ونشيل

 

[speedorinoo2]

هلا اخوي بو عبدالله

ابشرك. اموري طيبه. حالياً قاعد اضارب فيه ؛؛. بس فيه بعض الخساير لاني من اللي اخذو بال ٩١ والسهم كمل نزول. بس لحقنا وقيناه ٨٨. لاني توقت النزل. وقلت استرده تحت

والحين الحمدلله. ان شاءالله يصعد ونشيل

الحمدلله رب العالمين
لا تنسى بس الفجوات الجميلة اللي تركها فوق عند التسعينات
وإن شاء الله خير وبركة بهالسهم
إحتمال تداول بين 76 - 78 - 81 باجر بس هم الحذر واجب
صانع السوق مرات يوهق ويقط الواحد على صخر
لا تطمع لي أن يستقر السوق ويتعدل وضع السهم
بالتوفيق إن شاء الله وللجميع آمين
في آمان الله ورعايته

 

[zero_1]

شوف يابو عبدالله. شارت السهم وتداوله صار واضح. ورجاء خاص. لحد يسال ليش وشلون ونزل شارت ! لان للامانه كثر الكلام على البترو. من خسران ومن ربحان! وثاني شي. انا اشارك بالمنتدى عن طريق ايباد. يعني لا ينزل صور ولا شارتات


المهم
من شارته يقول. اي اغلاق فوق 80 . فهو صعود ( وهذا الوارد )
واي تداول يلامس 75 انا اقول. ممكن نشوفه على 66 بالتحديد



وسلامتك وتعيش

 

[speedorinoo2]

السلام عليكم ورحمة الله وبركاته
صبحكم الله بالخير جميعا واسعد الله أيامكم دائما بطاعة الرحمن

 

[speedorinoo2]

بسم الله توكلنا على الله ولا حول ولا قوة إلا بالله
والصلاة والسلام على رسول الله محمدا بن عبدالله وعلى آله وصحبه أجمعين ومن تبعهم بإحسان إلى يوم الدين
اللهم نسألك علما نافعا ورزقا واسعا وشفاء من كل داء
سبحانك اللهم عالم الغيب والشهادة تعلم خائنة الأعين وما تخفيه الصدور
اللهم لا تزغ قلوبنا بعد إذ هديتنا ولا تجعلنا في القوم الظالمين
سبحانك اللهم تؤتي الملك لمن تشاء وتنزع الملك ممن تشاء
فأحفظ بلادنا الكويت وأميرها وشعبها من كل شر وسوء
ومن يرد بنا كيدا فرد كيده في نحره واشغله في نفسه
اللهم نجعلك في نحورهم ونعوذ بك من شرورهم
سبحانك أنت ولي ذلك وعلى كل شئ قدير
آمين آمين آمين

 

[بــوزيــاد]

وعليكم السلام ورحمة الله وبركاته

صباح النور والسرور

 

[speedorinoo2]

أسهم للمراقبة والمتابعة
صكوك - منازل - سنام - جيران ق - صفاة ع - الإثمار - الخليجي - بنك وربة

 

[speedorinoo2]

وعليكم السلام ورحمة الله وبركاته

صباح النور والسرور

وعليكم السلام ورحمة الله وبركاته
صباح الورد والياسمين أخ بوزيد

 

[بــوزيــاد]

اخ سبيدو ابي رايك في العقاريه
اخوك بو زياد وتحياتي لك

 

[speedorinoo2]

أعذرني على خطأ التسمية أخ بوزياد
إن شاء الله نشوف شارت السهم
بس أنا مرة تابعت السهم شنو الأخبار اللي عندهم وشلون ميزانيتهم

 

[خالدالاحمد]

صباح الخير بوعبدالله الله يوفقك ويوفق الجميع ان شاء الله
مشكور جدا على الجهد الكبير