تحركات الأسهم المختاره ___ماكسيموس ____الجزء 3 ؟؟؟؟؟

[speedorinoo2]

السلام عليكم
الله يجزيك خير على هالمجهود في مساعدة اخوانك

وعليكم السلام ورحمة الله وبركاته
أجمعين إن شاء الله يا أخ بوخالد
والصفحة للجميع يشارك ويناقش دون تحيز وتطرف
عزيز وغالي بوخالد

 

[خالدالاحمد]

اللهم وفق جميع اخواني المتداولين يارب العالمين

 

[speedorinoo2]

من سمع هالأخبار ؟
أحد تجار غرفة التجارة والصناعة أشترى كميات كبيرة من أسهم بيت التمويل الكويتي بما يفوق فوق الـ 5 %
دون أن يعلموا جماعة الزلط في إدارة التمويل
وحاليا الفوضى تعم في أرجاء مجلس الإدارة لتلاحق الأمر قبل أن ينخلعوا من كراسيهم
وتصبح إدارة بيتك تحت يد هذا التاجر
فأحذروا يا ملاك سهم بيتك لا تبيعوا فالأسعار ستشب نار وإحتمال يقترب السهم من الدينار
صراع قائم حاليا للحفاظ على الكراسي في بيتك
هذا والله أعلم سبحانه وتعالى

 

[speedorinoo2]

شيل وأشتر بالأسمنتات الخليجية شيل ولا تخاف
بإذن الله يرزق الجميع منهم الخير الكثير آمين
كل مصانع الأسمنتات راح تتحرك وتشتغل لبناء دبي الجديدة دبي المستقبل
هذا والله أعلم سبحانه وتعالى

 

[12345Fawaz]

جزاك الله خير نعم الاسمنتات حتى لو انزلت اتوزع ارباح ماتوقفت عن توزيع الارباح كل سنة توزع

 

[speedorinoo2]

خلصونا وعطونا الـ 160 نقطة وندخل على 8001
وتبدأ مرحلة الصعود بشهر 12 ويكون الربع الأخير من أروع ما يكون
يالله يا شطار

 

[speedorinoo2]

جزاك الله خير نعم الاسمنتات حتى لو انزلت اتوزع ارباح ماتوقفت عن توزيع الارباح كل سنة توزع

أنطر عليهم بإعلانات الربع الأخير وإعلانات وتوزيعات 2013
وبتشوف الأرباح أقوى وبتزيد والقيم الدفترية ترتفع سنويا إن شاء الله آمين
هذا والله أعلم وأجل سبحانه وتعالى

 

[speedorinoo2]

نص ساعة الأولى ونقترب بتداول كمية 100 مليون وإن شاء الله كميات تداول عالية اليوم ودخول سيولة
لأجل عيونك يا دبي

 

[12345Fawaz]

سبيدو اخذت ام القوين ابي اشلون اشوفه فتحت بورصة دبي ماحصلته

 

[speedorinoo2]

عمليات تشويش واضحة بس على منو

 

[speedorinoo2]

سبيدو اخذت ام القوين ابي اشلون اشوفه فتحت بورصة دبي ماحصلته

شوفه في بورصة أبوظبي والسعودي
وإن شاء الله فالك الخير والطيب
وأنصحك إنك تنساه حاليا ولا تحاتيه قفل على أسهمك بالتجوري
وإن شاء الله يرزقك والجميع رب العالمين الخير ويبارك لكم فيه آمين
هذا والله أعلم سبحانه وتعالى

 

[speedorinoo2]

يا الله يا تجارة حد أعلى اليوم ولا تخيب الظن
إن شاء الله آمين

 

[speedorinoo2]

حلو قفل فجوة الإفتتاحية
تمنيت هالشئ عشان ما يكون لهم عذر تجار الأسهم

 

[speedorinoo2]

ما شاء الله ما شاء الله تجارة
شمعاتك كانت بالفعل رسالة واضحة بس هاللصوص ما يخلون الواحد يتنفس ويستريح بإستثماره
لك الحمد رب العالمين والشكر في الأولى والآخرة

 

[12345Fawaz]

مشكور وجزاك الله خير

 

[speedorinoo2]

ما عليكم من هالنزول
لازم يسوون كذا بالإضافة كبار المستثمرين يقومون بعمليات تجميع والمضاربين جني أرباح
وإذا كانت النية غير فيعتبر تدمير لإقتصاد البلد وفقدان الثقة بكل صراحة
وحبر ختام مؤتمر التنمية والإستثمار لم يجف بعد

 

[speedorinoo2]

الشكر لله أولا وأخيرا أخوي فواز

 

[العقيله]

السلام عليكم
سوق الكويت ما يعتمد علي المنطق
وإذ اشتهو يطلعونه يطلعونه بدون أسباب
ويسون عكس توقعات الناس واليوم اكبر دليل
الغالبية متوقعه ارتفاع 60 او 70 نقطه وانه مو منهم
الله يرزق الجميع

 

[speedorinoo2]

ننتظر الساعة 1030 ونشوف شيصير من حركة تداول أسهم في السوق
عوايدهم بهالوقت
هذا والله أعلم سبحانه وتعالى

 

[speedorinoo2]

وعليكم السلام ورحمة الله وبركاته
كلامك صحيح أخ العقيلة
لأن سوقنا سوق مجنون
بس أنتظر وأصبر وبتشوف اللي يسرك
هذا والله أعلم سبحانه وتعالى