البنوك تخالف قانون صندوق الاسره وترفض ادخال من قام بإعادة الجدوله ضمن الشرائح المستفيده

[اعلامي]

هذي الزبده

"

يمكن اللجوء لوحدة حماية العملاء بالبنك المركزي لتقديم شكوى ضد البنك أو شركة الاستثمار ، ويمكنكم التواصل مع مكتب وحدة حماية العملاء بالبنك المركزي عبر الرقم (1864444) وذلك خلال أوقات الدوام الرسمي .​

 

[الوطنيه]

ياجماعه انا اخذت قرض على المحفظه من شركة كفيك ’’ في سنة 2007 وكان 8000 ,, والطريقه كانت كل 3 شهور ادفع 270 ,, ولما اكمل سنه اسدد كامل القرض اللي هو 8000 ,, يعني القصد 270 كان كله فايده ماينزل شي من المديونيه ,, واستمريت على هالحال 3 سنين كل سنه اجدد ,, وبعدين قالو قصدك 100 شهري ولما يجي آخر السنه ينزل من مديونيتك الف يعني آخر السنه تصير 7000 ,, وبدأ ينزل مني القرض كل سنه الف ,,, بس احس اول ثلاث سنين كانو ياخذون كل 3 شهور 270 وآخر السنه المديونيه مثل ماهي 8000 ,, هل صحيحه طريقتهم او مومضبوطين ,, طيب وين اروح وين اشتكي اذا كان في تلاعب ,, لان الحين باقي 3000 وبسددهم خلاص

 

[الوطنيه]

سؤال ثاني لاهل الاختصاص اذا ممكن ,,, المحفظه كان فيها سهم ابراج وتوقف عن التداول ولايوجد فيها كاش ,, وبعد فتره دخلت كاش عشان اتداول وقامو يخصمون من الكاش اللي دخلته بعد ايقاف ابراج ,,, يعني مفروض مالهم حق بالكاش الجديد اللي دخلته لانه تقييمهم بناء على المحفظه قبل لاادخل الكاش ,, يعني لو فرضنا اني مادخلت كاش من وين بياخذون فلوسهم لانه ابراج مجمده !!!! شرايكم

 

[شهوب]

هذي الزبده

"

يمكن اللجوء لوحدة حماية العملاء بالبنك المركزي لتقديم شكوى ضد البنك أو شركة الاستثمار ، ويمكنكم التواصل مع مكتب وحدة حماية العملاء بالبنك المركزي عبر الرقم (1864444) وذلك خلال أوقات الدوام الرسمي .​

اخوي سلامتك .. تم الاتصال والرد كان " احباط بكل المعاني " ما عندنا فكره عن التطبيق .. هذا اللي قاله لي الموظف اللي رد علي ويقول ان وزارة المالية اهي اللي مختصه بالتطبيق " ادارة الحسابات " شكلهم ناويين يلففونا كعب داير .. اقول يبيلها وقفه !

 

[الوطنيه]

تم الاتصال على البنك الوطني وقال اللي جدول بعد تاريخ 3 2008 غير داخل بالصندوق ولاينطبق عليه !!!!

 

[شهوب]

واخذ عندك هذي وحده جديده .. تم الاتصال على وزارة المالية ادارة الحسابات ... وكان الرد " وين اذنك يا جحا " مع احترامي للموظف وقالي البنوك اخذوا بمفهومهم اعادة الجدولة يعني جدولة نفس القرض مثال : انت ماخذ مبلغ وصارت لك ظروف وما قدرت تسدد ورحت مددت فقط المده " ما اعتقد احد سواها " هذا ينطبق عليه القانون ..اما من اخذ دراهم وجدول المده وغير القسط هذا يعتبرونه قرض جديد ... شوف التلاعب بالمسميات شوف الاستخفاف بالعالم .. انا بعرف المجلس والحكومه مايدرون عن هالبربسه .. الجواب أكيد نعم .. ياعمي احنا اقسم بالله ضايعين بالطوشه وصايرين الـ ... فه الهبيطه .. أقول حسبي الله وهو نعم الوكيل بالاثنين .. اترك التعليق لكم !

 

[ohiomen]

لاتعليق

 

[ohiomen]

ودي اقول كلام وايد بس علي طول راح يشطبونه ويوقفوني

 

[adelj2000]

قانون فاشل ولن يستفيد منه احد الا نسبة بسيطة جدا ، وهؤلاء معظمهم لم يتبقى من قروضهم الا جزء بسيط .

 

[شهوب]

اقول :
قالوا كثر الدق يفج اللحام .. ومن زود الضغط يصير الانفجار
قلت :

لاصار الحديد مصدي .. لا دق ولا مدقوق .. وان كان على الانفجار يهون . ترى مبطي فاسد البارود !!

 

[شهوب]

وعشان تعرفون مدى خبث ودهاء " بعض البنوك " معلنينها صراحه بموقعهم ( من سدد او اعاد جدولة .. الخ غير مشمول بالقانون ) يعني اشكره عارفين ان ما في احد راح يشمله القانون من هالفئات .. طبعا بمفهومهم للجدولة .. مفضوحين وودهم يقولون مالكم عندنا شي .. اكثر من هالغبن شنو ؟!؟!
اللي بالاحمر ذاكرينها بالاسم اعادة جدولة هذا اللي باط جبدي .. !
المختص بوزارة المالية يقول قعدنا معاهم عشان نوضح ويوضحون هالجزئيه من القانون .. واتفقوا علينا طالت أعماركم .. هذا الملخص المفيد والزبده !

 

[ohiomen]

وعشان تعرفون مدى خبث ودهاء " بعض البنوك " معلنينها صراحه بموقعهم ( من سدد او اعاد جدولة .. الخ غير مشمول بالقانون ) يعني اشكره عارفين ان ما في احد راح يشمله القانون من هالفئات .. طبعا بمفهومهم للجدولة .. مفضوحين وودهم يقولون مالكم عندنا شي .. اكثر من هالغبن شنو ؟!؟!
اللي بالاحمر ذاكرينها بالاسم اعادة جدولة هذا اللي باط جبدي .. !

لا تشيل هم اذا لاك رزق او خير بييك غصبن عليهم

 

[اعلامي]

الاخوه اللي رفعوا قضايا ضد بنوكهم وخذوا حكم استئناف نهائي اخذوا احكامكم وراجعوا فيها ادارة التنفيذ بقصر العدل واطلب تنفيذ الحكم

 

[RICARDO-KAKA]

الحكومه مو غبيه
لعبو لعبه وقالو طاحت الفوايد
والكل عنده علم ان 95% من المقترضين اعادو جدولة قروضهم بعد الازمه العالميه بمنتصف سنة 2008 و 2009 والسبب تقليل نسبة الفوائد التي صدرت من البنك المركزي هذاك الوقت.

الحل عندنا واحد من هالاثنين
اما ان احد يروح يكلم رئيس لجنة الماليه الزلزله بصفه رسميه ويذكره بكلامه اللي قاله "ان حتى اللي مجدول قرضه بيستفيد من القانون" ونص الماده الاولى وان يلزم البنوك بتطبيقه

او رفع قضيه على رئيس الجنة الماليه والبنوك لعدم تطبيق القانون (الماده الاولى)

 

[الابيض 1]

السلام عليكم--يااخوان الرجوا النصيحة--- اقترضت من البنك 30000 2004 ومازال البنك يستقطع القسط على النظام القديم وعندما راجعت صندوق الاسرة -- قالوا القانون لايشملك --السبب -- اني موقع على تحول البنك من تقليدي الى اسلامي -- فقلت أعطوني الفايدة التي تخصمونها من القرض فقالوا هذي فائدة شهرية كل شهر بشهره --البيع بالاجل -- مع العلم الفائدة متغيرة مع البنك المركزي فأي أسلامي--- وانا عازم على توكيل محامي شرايكم

 

[اعلامي]

البنك الاهلي المتحد ( الشرق الاوسط سابقا) لا يشمله قاون صندوق الاسره اولا لان القرض المخالف تم اخذه من بنك خارج دولة الكويت والبنك المركزي ماله رقابه على البنوك الخارجيه بالتالي هذي الجزئيه منتهيه

الامر الثاني ان تحول الى اسلامي وتم تحويل جميع عقود القروض وفقا للشريعه الاسلاميه ( طبعا حجي على الورق بس ) وهو ما يتعارض بشكل صريح مع شرط الاستفاده من صندوق الاسره حيث استثى القانون من اعادوا جدولة قروضهم ومن قام بالتكييش ومن اخذ قرضه عن طريق البنوك الاسلاميه

باختصار الله يعينك

 

[لاعب بورصة]

هذا مو قانون الأسرة هذا قانون مزحلق الشعب
ويقولون ليش توقفون مع المعارضة - مو الحكومة ضاربة بالشعب وحقوقه بالطوفه من هالقانون وغيره

السؤال : هل لدى الدولة مسؤولية تجاه الشعب عندما تصدر قوانين له ويتلاعب ويزور غيرها من لايطبقها ؟؟!

 

[بو فلاح]

السلام عليكم اللي علي قرض والبنك ما يعطيه اوراق يسوي طلب حق المركزي ويطلب فيه اصل القرض وحتى لو جدول بياخذ بس قرضه يكون قبل ٣١ مارس ٢٠٠٨

 

[بو فلاح]

الطلب من الفرع نفسه وان رفض يجب عليك الاتجاه للقضاء لان كل البنوك مخالفه وياخذون فوق الفايده اللي اقرها المركزي

 

[محمد _1969]

صباح الخير على الجميع
بما ان المحكمة الدستورية حكمت ببطلان المجلس الحالي فان اي شخص يمكنه الذهاب الى المحكمة ورفع دعوى قضائية مستعجلة لالغاء المرسوم بقانون صندوق الاسرة ويطعن بالمرسوم لان المحكمة الدستوريةابطلت المجلس الذي شرع القانون وعليه ما بنيه على باطل فهو باطل وسوف يلغي قانون صندوق الاسرة