نبي كل واحد يرشح سهم تحت 100 فلس وممكن يصعد 500 فلس الى اخر السنه مع ذكر السبب
كل شي يصير مافي شي مستحيل
ارجعوا الى سنة 2000 ممكن يتكرر السيناريو
السلام عليكم
من ٢٠٠٨ الى ٢٠١٢ بكل مناسبة وبدون مناسبة واكتب وانصح بشراء الاسهم اللي اقل من ١٠٠ فلس ...
هلا باخوي الاسمنت الابيض ...... موضوعك اليوم موضوع الساعة وسنجد كثير من المشاركات بسبب دخولك بشكل مباشر بموضوع تحول فيه سهم ١٠٠ فلس الى ٥٠٠ فلس ... وهذه المواضيع هي المرغوبة لدى الغالبية .... عندما شاهدت العنوان دخلت وقرآت كل ما كتب بالموضوع ولم استطيع تاجيل الرد حتى لا اضطر لتصفح عدد اكبر من الردود على الموضوع .
----------------------------------------------------------
اخوي الاسمنت الابيض انسان له مشاركات وتحاليل قيمة واليوم شارك بموضوع مهم .... بكل بساطة اقول لكم مو سهم واحد او سهمين من اقل من ١٠٠ فلس الى فوق ٥٠٠ فلس ..
وايضا اقول مو بس الاسهم اللي تحت ١٠٠ فلس انما هناك كثير من الاسهم اللي اكثر قيمة ولحدود ٢٥٠ فلس سنراهم فوق ان شاء الله ،،،،
السئوال المهم الان مو مهم اسم السهم او ربحية السهم او قروب السهم ... المهم الان كيف نصيد السهم ومتى وكيف نحتفظ فيه .....
هنا السر الخلطة السرية لطعم لذيذ لم تذوقه من قبل .... ما يحصل الان من مطامر ومناقز من سهم لسهم ما يوكل عيش ....
لو سامعين النصيحة من زمان ومحتفظين بالاسهم اللي اقل كمن ١٠٠ فلس و٥٠ فلس جان حققتم خير كثير ......
واليوم اخوكم اسمنت ابيض فتح لكم موضوع مهم مهم مهم مهم مهم مهم مهم مهم كثر ما اقول مهم ما راح اخلص لان اكثر الاسهم راح توصل فوق الربع وهذا الشي اكيد و ١٠٠٠٠٠٠ ٪ ....................
لا تطوفون الفرصة ... كمية حلوة وندفنهم تحت الكاشي او نحطهم بالتجورية وما نتابع السوق حتى لانبيع او ما نسمع كلام بعض الناس وبعض الصحف حتى لا نضطر للبيع ....
شنو يعني سهم يوصل من ١٠٠ فلس ٥٠٠ فلس ..... يعني ٤٠٠ ٪ احسن شنب اقتصادي او هامور او يريور او حوت عود ما يطلعهم خلال ٣ سنوات او اربع سنوات بالطرق الصحيحة والسليمة...
يعني اللي يدفع اليوم ٥٠ الف او ٦٠ الف دينار ... ياخذهم بعد ٥ سنوات نص مليون دينار او اكثر او اقل ،،،،،
شنو تبون بعد اكثر من جذي ............
مثال ...... شخصيا امتلك بتمويه الخليج كمية حلوة فوق سنة لم اشوف فلس من السهم فجآة بدون سابق انذار انطلق ووصل فوق ٥٠ فلس و نزل لم افكر بالبيع واسترجاع السهم بسعر اقل ... لان الفكرة عندي استثمار طويل ......
ولي تجربة ايضا بسهم السلام من ٦٤ فلس شفت الويل مدة سنتين تقريبا ونزل الي اقل من ٥٠ فلس ... فجاة بدون مقدمات حققت ما لم احققه او احلم فيه يوما .......
مع العلم حددت لكم موعد انطلاقة السوق بموضوع مهم ، وكنت محمل بسلة من الاسهم تمويه الخليج وهيس وانوفست والمدينة والبيت والامان والثمار وبترو وفي بعض الاسهم الاخري يكميات اقل .... بعضهم حققت فيهم ارباح وبعضهم للان لم استفيد منهم بدرجة كبيرة .... وبينما بعض الاسهم التي انطلقت ولم اكون من ضمن ركابها لم اندم عليهم لان العملية كلها عملية قسمة ونصيب وبالعكس فرحت جدا للاخوان ملاك الاسهم .... وبعض الاسهم لحقت عليهم مثل ادنك ومنازل ٤٦ فلس ولم ابيعهم والحين احتمال نوصل لراس المال مرة اخرى ......
يعني العملية معقدة يبيلها صبر وطولة بال وقوة تحمل يالله تشوفون الخير .......
يالله نبيكم تختارون اختيار جيد والباقي على الله وان شاء الله تشوفون الخير
شكرا لك اخوي الاسمنت الابيض على الموضوع واتمنى الكل يستفيد ويترك المضاربة العشوائية .
