شركة بيت التمويل الخليجي ....... ( تمويل خليج )

[HEATER]

يا جولاني ماكو رقم ما حطيته ! هو تحليل والا تشيير !
وراح تقتبس اللي تطلع فيهم صح بعدين !
مو منطق

بو عمر دكتورنا العزيز اهلين وسهلين

هل دخولي اليوم على 41,5 بسبب عدم ذكرك سعر الارتداد جيد
خل المستفسر بو عبدالله والجولاني عنك نبي ردك وينه بصراحه ناطرينك سعر الارتداد منك على نار انحرقنا ترى

 

[المستحيل]

السهم كسر الدعم عند ٤٢ فلس
اذا ما ارتد فوقه بتشوفون ٣٨ فلس

عموما النزول شامل وقد يتغير الوضع غداً

 

[بوحلش]

اخي العزيز بوحلش .. نصيحه مني لك .. انك تسكر لابتوبك وتعطيه بيد الدلال يبيعه .. والوعد جدام .. بإذن الله راح تشوف اللي يسرك .. بالتوفيق .

يا جولاني ماكو رقم ما حطيته ! هو تحليل والا تشيير !
وراح تقتبس اللي تطلع فيهم صح بعدين !
مو منطق

نشكر الجميع على مجهودهم الطيب .. ونذكر الاخوه الافاضل بان خير الكلام ما قل ودل .. ولا يوجد عندي اي اعتراض على مشاركتكم الطيبه .. ولكن نريدها بشكل ملخص ومفيد .. بالتوفيق .

شلون ابيعه وانا خسران

 

[mohalshaikh]

جبت لكم مشاركه لبو احمد
وجابه الدكتور
والله يجزاهم خير

سوق الاوراق الماليه ما في شي ممنوع.... كل شي وااارد وجائز.....

والتحليل صعب مع هذاالسهم... سوها مرارا سواء بالصعود او النزول ,,, يمشي بكيفه,,,
مع احترامي وتقديري الى كل المحللين

الله يرزق ويوفق الجميع

 

[أبو عمر]

بو عمر دكتورنا العزيز اهلين وسهلين

هل دخولي اليوم على 41,5 بسبب عدم ذكرك سعر الارتداد جيد
خل المستفسر بو عبدالله والجولاني عنك نبي ردك وينه بصراحه ناطرينك سعر الارتداد منك على نار انحرقنا ترى

أنا شقايل لك امس يا HEATER !
سمي نفسك Cooler يا أخي

 

[debtor]

سعر الاغلاق في دبي 0.527 درهم

 

[بوورصجي]

اللي قاعد يصير امر طبيعي تصحيح بعد ارتفاعات السوق
وغالبية الاسهم معروضه بالحد الادني

 

[بوحلش]

والله اليوم دمعت عيناي

 

[mohalshaikh]

اللي قاعد يصير امر طبيعي تصحيح بعد ارتفاعات السوق
وغالبية الاسهم معروضه بالحد الادني

شنو تصحيح؟!!!! السهم رجع لمستواه الاول واتقول لي للحين تصحيح؟؟؟ الارتفاع حاشه من 40 الى 60 والحين اهو 41.5

 

[بوورصجي]

شنو تصحيح؟!!!! السهم رجع لمستواه الاول واتقول لي للحين تصحيح؟؟؟ الارتفاع حاشه من 40 الى 60 والحين اهو 41.5

اخوي انا قاعد اتكلم عن السوق بصورة عامه واكيد السهم بيتأثر بنزول السوق
والسوق نزل اكثر من ١٨٠ نقطه بسبب وعذر تافهه جلسة محاكمة النائب السابق مسلم البراك يعني المحافظ والمضاربين يدورون اي عذر لنزول السوق
ونتمني باجر يعدل السوق ويعوض خسائر اليوم

 

[ali-11]

والسوق نزل اكثر من ١٨٠ نقطه بسبب وعذر تافهه جلسة محاكمة النائب السابق مسلم البراك يعني المحافظ والمضاربين يدورون اي عذر لنزول السوق
ونتمني باجر يعدل السوق ويعوض خسائر اليوم

رفضت محكمة الاستئناف اليوم الإثنين طلب وقف محاكمة النائب السابق مسلم البراك لحين الفصل بالتمييز، وأرجأت المحكمة القضية حتى 8 من شهر سبتمبر المقبل.
وكانت إدارة امن الدولة رفعت دعوى في حق مسلم البراك على خلفية ما تلفظ به من اساءات لمسند الامارة في ندوة كفى عبثا، وبناء على طلب دفاع البراك وقف النظر لحين الفصل في الطعن امام محكمة التمييز.

يعني السوق بيصعد باجر او لأ​

 

[عمر المنصوري]

نداء عاجل الى بوعمر

بوعمر تكفى وين نقطة الارتداد

 

[debtor]

نزول السهم ما له علاقة بنزول السوق
أمس السوق كان صاعد والسهم نازل
في دبي السهم نازل وبشكل أكبر
ومع نزول السوق في أسهم صاعدة
هذا سهم عالمي مدرج في أكثر من بورصة ويعتمد بشكل كبير على المضاربة بدليل كمية الأسهم المنداولة بشكل يومي

ما في الا انتظار الموسم الجديد للدوري الانجليزي
ويحقق ليدز يونايتد انجازات كروية ليرتفع سعره ويستفيد تمويل الخليج
يعني لازم نشجع الفريق مع اني اشجع لفربول

 

[hamad99]

نداء عاجل الى بوعمر

بوعمر تكفى وين نقطة الارتداد

ما عندك غير هالسهم أخوي إطلع منه.....السوق فيه أسهم كثيرة....

 

[الجولاني]

يا جولاني ماكو رقم ما حطيته ! هو تحليل والا تشيير !
وراح تقتبس اللي تطلع فيهم صح بعدين !
مو منطق

هلا بالغالي
ماراح اقتبس شي ابدا بإذن الله
ماكو تعارض في كلامي نقاط الارتداد الي ذكرتها 41.5 او 37 فلس ان شاء الله
ولحد الان مااغلق تحت 41,5 علشان يروح 37
اما 40 فقد ذكرتها ( ملامسه ) والمعروف ان الملامسه تختلف عن الاغلاق
ومعروف ان لكل حادثة حديث يعني لو مارتد من دعم اكيد بيرتد من الدعم الي بعده
اما الرقم 40 فهو الترند الرئيسي الصاعد والمحتمل ان يرتد منه او قبله
وكسره باغلاق يودينا 36 - 37 والاغلاق تحتهما نقدر نقول للسهم باي

والله تعالى وحده اعلى واعلم

 

[Big Man Show]

نعم صدقت

بس كسره معناه وصوله لل 37 فلس

ربما يلامس 40 ثم يرتد ولكن بدون اغلاق

والعلم عند الله وحده

ماحد ياب طاري الاغلاق ياجولاني رغم ان ممكن يسير له شنو المشكله وقتها يحلها ربك تقبل تحيات اخوك الصغير

يمكن يلامس 40 ويرتد صعودا
والاغلاق تحت هذا الرقم فالى 36 - 37 ان شاء الله

والله وحده اعلم

يعجبني فيك وجودك قبل التداول وخلاله غيرك ينطر الاغلاق ومسوي الصفحه احزايه هههههههه
مبدايا 40 واي اغلاق دونها 38 لكن ماراح يكسر ال 36.5 وعاشوا ربعنا

 

[حربي وربي الله]

سوق الاوراق الماليه ما في شي ممنوع.... كل شي وااارد وجائز.....

والتحليل صعب مع هذا السهم... سوها مرارا سواء بالصعود او النزول ,,, يمشي بكيفه,,,
مع احترامي وتقديري الى كل المحللين

الله يرزق ويوفق الجميع

السلام عليكم ورحمة الله وبركاته
اخوي الكريم
انا مجرد ناقل
مشاركة الدكتور اندبيث وابو احمد
بس على فكرا
الدكتور ابو عمر
اعتقد قال ان السهم ماشي مع التحليل بالملي
واترك الرد لبو عمر ككونه محلل
مع احترامي وتقديري لك

 

[whaler]

بسوق دبي حاش ال ٤٠ فلس تقريبا
سهم مش محترم

 

[mohalshaikh]

اخوي انا قاعد اتكلم عن السوق بصورة عامه واكيد السهم بيتأثر بنزول السوق
والسوق نزل اكثر من ١٨٠ نقطه بسبب وعذر تافهه جلسة محاكمة النائب السابق مسلم البراك يعني المحافظ والمضاربين يدورون اي عذر لنزول السوق
ونتمني باجر يعدل السوق ويعوض خسائر اليوم

ان شاء الله...

 

[mohalshaikh]

السلام عليكم ورحمة الله وبركاته
اخوي الكريم
انا مجرد ناقل
مشاركة الدكتور اندبيث وابو احمد
بس على فكرا
الدكتور ابو عمر
اعتقد قال ان السهم ماشي مع التحليل بالملي
واترك الرد لبو عمر ككونه محلل
مع احترامي وتقديري لك

اخوي الحربي... انا اشكر كل المحليين والله يجازيهم الف خير,, وكفايه المجهود الي يبذلونه بدون اي مقابل....
بس الملاحظ ان السهم ينحرف احيانا ...

تحياتي...