شركة الإستشارات المالية الدولية ش.م.ك. مقفلة ....( إيفا )

[أبو عمر]

بوعمر في أوقات أكرهك وفي أوقات أحبك
وفي أوقات ودي أقتلك وفي أوقات ودي أبوسك
قول ليش ؟
ﻷن كلامك للأسف يطلع كله صح وأكون توني شاري السهم بالعالي ومستانس فيه وتطلع وتقول راح ينزل إلى هذا السعر وما أصدق بعدها ينزل وينزل واتذكر كلامك وأبيع وينزل أكثر وأكثر وتعليماتك
تنقذ جزء كبير من فلوسي واﻷن السالفه مع إيفا شاري 74 فلس وقاعد تقول نفس الكلام والله يستر بس بصراحه أنت ماشاء الله من أحسن المحللين تبارك الله وإن شاء الله يطلع هالمره كلامك غلط بعد ما فيني شده على كل هالخساير

وأنا أحبك ما أكرهك
يا خوي أنا ان شفت شي سلبي أحب أدخل وأساعد علشان اخفف الخساير عنكم .
الحين أنا نبهت من كسر 70 ، وحطيت شارت بعدها يبين انه ترند شهري ، يعني شي مو هين كسره ! وينك انت حزتها والسهم 69 ، 68 وفي النازل !
وايد مهم يا خوي وقف الخساره ودائما أكرر هالكلام .
ان شاء الله كلامي يطلع غلط وتعوضون ! ( بس هالشكل بعدين شيفكني ! )
موفق أخوي العزيز والله يعوضك خير ان شاء الله

 

[حمد44]

الله يخليك ذخر يا أبو عمر إن شاء الله

 

[غرقان]

بعنا علي 46فلس وننتظر النزول واعتقد ماراح تنزل تدرون ليش الفقر يبي فقر ليش نكبس علي غيرنا

 

[rawnuq]

مشاهدة المرفق 221940

السلام عليكم


دعم 74-76 ... اذا اقفل تحته اليوم .. الدعم التالي عند الترند الصاعد بسعر 63-64 فلس
صبحك الله بالخير LONG TERM ,, ودي أشوف لك مشاركة تفيد ملاك السهم للتنوير وجزاك الله ألف خير.
والله اعلم

في مبالغه بنزول السوق 5 ايام متتالية ...الكبار يضغطون على الهيئة

 

[LONG TERM]

السلام عليكم

دعم الترند الفرعي 63 -64 ...مناطق شراء .. وقف خساره اقفال تحته

دعم التالي ترند رئيسي عند 48-49 فلس

والله اعلم

 

[UNDER_0]

السلام عليكم

نزول ايفا شي غريب كل يوم بيع و نرول للي عنده معلومه الشركه فيها شي ولا مجرد ضغط سوق !!!

 

[ملاس]

والمشكله انها الشركة الأم ناس ما تحترم ، والمشكله انهم يضقطون ويشترون بنفس الوقت

 

[debtor]

يا جماعة ماكو فايدة وياي
كل ما أقول ما أبي أتعامل مع هذي المجموعة وبالأخص بعد ما خسرتني الأول والتالي
هم أدش بالعالي على أمل انها تتعدل
واللي يشوف ايفا بعد ما اخترقت 100 فلس
يقول بترد الروح
بس ما كو فايدة ....ما رح يتعدل ليمن يطلع روحي وكملها بالديرة
المشكلة ما في أي خبر ليش الانهيار السريع والمتواصل
في حين باجي الشركات يطلع الخبر وتنزل مثل مدينة الأعمال اليوم على تخفيض راس المال
الله يهونها....قمت أحس انه فلوسي حرام

 

[أبو عمر]

حذرتكم بوضوح من كسر دعم ال 70 ! اليوم السهم 64 !
شركه مطلوباتها أكثر من 4 أضعاف حقوق المساهمين ، شنو التوقع يعني ؟
السهم يصعد ينزل ، أكيد فيه ارتدادات مضاربيه ! لكن .. راح نشوف 52-53 وبعدها 45
والله أعلم
تبي تبيع بيع ، تبي تشتري اشترى ،، القرار قرارك !

58 وماحد يبيه ،، لا تقول لي باب ولا تقول لي دريشه !

 

[أبو عمر]

يا جماعة ماكو فايدة وياي
كل ما أقول ما أبي أتعامل مع هذي المجموعة وبالأخص بعد ما خسرتني الأول والتالي
هم أدش بالعالي على أمل انها تتعدل
واللي يشوف ايفا بعد ما اخترقت 100 فلس
يقول بترد الروح
بس ما كو فايدة ....ما رح يتعدل ليمن يطلع روحي وكملها بالديرة
المشكلة ما في أي خبر ليش الانهيار السريع والمتواصل
في حين باجي الشركات يطلع الخبر وتنزل مثل مدينة الأعمال اليوم على تخفيض راس المال
الله يهونها....قمت أحس انه فلوسي حرام

والله يا خوي العزيز انك كاسر خاطري
ما تدش الا هالأسهم التعبانه !
عسى بعت من أول بس !
لا حول ولا قوة الا بالله

 

[ملاس]

يا جماعة ماكو فايدة وياي
كل ما أقول ما أبي أتعامل مع هذي المجموعة وبالأخص بعد ما خسرتني الأول والتالي
هم أدش بالعالي على أمل انها تتعدل
واللي يشوف ايفا بعد ما اخترقت 100 فلس
يقول بترد الروح
بس ما كو فايدة ....ما رح يتعدل ليمن يطلع روحي وكملها بالديرة
المشكلة ما في أي خبر ليش الانهيار السريع والمتواصل
في حين باجي الشركات يطلع الخبر وتنزل مثل مدينة الأعمال اليوم على تخفيض راس المال
الله يهونها....قمت أحس انه فلوسي حرام

لا والله افلوسك مو حرام ولا شي ،
هذيله متعودين علي بوق الناس ، المشكله منا احنا نثق فيهم وانحط فلوسنا بشركاتهم العفن

 

[debtor]

والله يا خوي العزيز انك كاسر خاطري
ما تدش الا هالأسهم التعبانه !
عسى بعت من أول بس !
لا حول ولا قوة الا بالله

الله يسلمك بو عمر
الحمد لله على كل حال
وكل شي بالدنيا نصيب

 

[debtor]

لا والله افلوسك مو حرام ولا شي ،
هذيله متعودين علي بوق الناس ، المشكله منا احنا نثق فيهم وانحط فلوسنا بشركاتهم العفن

وانت صاج المشكلة فينا
لايلدغ المؤمن من جحر مرتين
وانا الصراحة انلدغت مرات كثيرة
يبدو انني لسن مؤمنا والعياذ بالله

 

[أبو عمر]

وانت صاج المشكلة فينا
لايلدغ المؤمن من جحر مرتين
وانا الصراحة انلدغت مرات كثيرة
يبدو انني لسن مؤمنا والعياذ بالله

يا رجل لا تقول هالكلام ، انت شعارك " وبشر الصابرين "
اذكر أول الآيه اللي انت حاط نهايتها أخي العزيز

 

[debtor]

يا رجل لا تقول هالكلام ، انت شعارك " وبشر الصابرين "
اذكر أول الآيه اللي انت حاط نهايتها أخي العزيز

أستغفر الله....جزاك الله خير على التذكير...ان الذكرى تنفع المؤمنين

 

[ملاس]

يا رجل لا تقول هالكلام ، انت شعارك " وبشر الصابرين "
اذكر أول الآيه اللي انت حاط نهايتها أخي العزيز

تعقد الحراميه ينفع معاهم الايه ؟؟؟ وانا لمن حطيتها المقصد منها الاخره مو الدنيا والفلوس !!!!

 

[أبو عمر]

تعقد الحراميه ينفع معاهم الايه ؟؟؟ وانا لمن حطيتها المقصد منها الاخره مو الدنيا والفلوس !!!!

لا يا خوي أنا أقصد أذكر أخوي debtor بالآية الكريمة :
" ولنبلونكم بشيء من الخوف والجوع ونقص من الأموال والأنفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون "

 

[المقاتل]

ممكن اي احد من الاخوان يشوف لي الآجل اللي على ايفا جم كميته ؟

السالفه اتوقع استغلال سالفة الديره لتفصيخ العقود والله اعلم

 

[habibo]

السلام عليكم يا اخواني ديرو بالكم من السهم اذا كسر السهم 55 فلس راح يروح السهم الى 42 والله يوفق الجميع

 

[ملاس]

الحمد لله علي السلامه ، بعد ما انهار السهم ، ردو علي الاشاعه