شركة مجموعة المستثمرون القابضة ........ ( المستثمرون )

[Bader_q8i]

طمنونا يا شباب الله يطمنكم و يريح بالكم....ماذا يحدث ؟

 

[بوورصجي]

طمنونا يا شباب الله يطمنكم و يريح بالكم....ماذا يحدث ؟

اللي قاعد يصير امر طبيعي تصحيح بعد ارتفاعات السوق
وغالبية الاسهم معروضه بالحد الادني

 

[abotalal1976]

وين الدعم ياشباب

 

[المستحيل]

وين الدعم ياشباب

٣٠
٣٠،٥

يستحق الشراء

 

[Moto]

مافيه شي يستحق الشراء حتى يتأكد ارتداد السوق، فيه امكانية نزول السعري لل 7400 ، اللي برا السوق يحط فلوسه تحت الكاشية

 

[aldub2000]

فوق ال 34.5 ايجابي، كسرها يصير سلبي ويضيق الخلق

يا سلام عليك ...والله يبتها بصراحه .؟؟؟ فعلا ملاحظه ومتابعه في محلها مضبوط ..؟؟؟ ويا بخته من اهتم بهالمشاركه وباع اول ما كسر ال34.5 فلس .؟؟؟

السهم مقوع خلاص ورايح الف بالميه ال28 فلس مبدئيا وبعدين الى الخلف در الى الرقم اللي انطلق منه راح يرجع له مره ثانيه ال24 فلس مثل تمويل الخليج بالضبط الحين رجع الى سعره41 فلس ..وقوع بعد الى ال38 فلس ؟؟؟ يا سبحان الله كل الاسهم تماسكت عند اسعارها المرتفعه الا هالسهمين التعبانين والمحبطين للاسف ..؟؟؟؟

شوفوا مثلا... بيان ...ادنك ...منازل ...الديره...عقارت ك ...الساحل...تجاره...ابيار ...مدينه الاعمال ...لؤلؤه... قرين القابضه ...التعمير...المغاربيه ..السوريه...صفاه طاقه .. الاثمار..وانوفست ...وووو وغيرهم بعد نسيتهم ؟؟؟؟

والله المستعان.؟؟؟

 

[aldub2000]

«المستثمرون».. استقرار[/COLOR]

حل سهم شركة المستثمرون القابضة في المرتبة الثانية من حيث القيمة المتداولة، إذ تم تداول 493.3 مليون سهم نفذت من خلال 4088 صفقة بلغت قيمتها 18.05 مليون دينار، وأغلق السهم مستقرا عند مستوى 36 فلسا بعد ان تداول في حدود سعرية تراوحت بين 40 فلسا كحد أعلى و33 فلسا كحد أدنى.

واصل سهم المستثمرون تداولاته النشطة خلال تعاملات الأسبوع الماضي، وسيطر التذبذب على مجمل أداء السهم لينهي تعاملاته عند مستوى اغلاقه السابق، وتعرض السهم في الجلسات الأخيرة لعمليات بيع واضحة لجني الأرباح بعد ان كان محققا مكاسب سوقية خلال الجلسات الأولى من الأسبوع، ومن المنتظر ان يظل السهم ضمن أكثر الأسهم نشاطا في بورصة الكويت نظرا لأنه يحقق أهداف المضاربين من تحقيق المكاسب السريعة، وهناك عوامل تساعد في زيادة الإقبال على السهم ومنها ان سهم المستثمرون من الأسهم المتدنية سعريا، فضلا عن ان الشركة حققت نتائج مالية جيدة في الربع الأول من العام الحالي، كما أن لديها خططا هيكلية لتطوير أداء الشركة لتواصل تحقيق الربحية.

واضح الاستقرار ...وهو الوحيد من الاسهم اللي بالحد الادنى وهذا سعره 32 فلس ؟؟؟ عيل لو سعره 50 فلس شراح يصير .؟؟؟؟

يا ساتر عليك يا صانع السوق التعبان ...حتى على الاقل ما قضبت السهم باسعار 35 فلس .؟؟؟؟ لا حول ولا قوه الا بالله ..؟؟؟وهذا يعني ارخص سهم بالسوق .؟؟؟

يا جماعه الف بالميه عندهم مصيبه اكيد مافي مجال للشك .؟؟؟ والا معقوله حد ادنى وبهالاسعار ..؟؟؟ راح وطي خلاص انتهى السهم الى الابد ..؟؟؟

الحين عاد تشتغل المضاربه هنيه وبهالاسعار الفلس والنص فلس والفلسين وانت رايح ؟؟؟ يعني انسوا اسعار ال35 فلس وال37 فلس نهايئا الحين خلاص .؟؟؟؟

والله المستعان.؟؟؟

 

[( عتيج )]

يا سلام فنانين بالتحاليل
انا استغرب من فطاحلة التحاليل
ليش قاضبين الاسهم دام اهم شايفين
الاسهم مقوعه الى الفلسين او ثلاث فلوس
والله شي عجيب

 

[Moto]

اخ مفلس مادري معصب على منو، ماتبينا نقول راينا تامر امر، ومنو قال انه محلل والعياذ بالله ومنو قالك ان العالم ماقطته بال 38 و 36 وانا اقولك اذا استمر نزول السوق بتشوف ال 20 ولا تاخذ الامور بشخصانية ، الحال من بعضه

 

[bu-7amad]

طيب ما يمنع إن يكون فاشل بس حسب علمي إن كان سنة 2011 عنده خسائل أكثر من 27 مليون و في 2012 كان عنده ربح تقريبا مليون و الربع الأول من 2013 أيضا حقق أرباح و إرتفع السهم من 16 فلس وصل إلى 40.5 أي تقريبا 150% أنا الآن ذكرت أن السهم أفضل من السابق أنت تقول فاشل إذكر السبب مع إحترامي الشديد لرأيك

----------------------------------------------------------------------------

قلناها من قبل وعاتبونا الحبايب

 

[بحريني صغنون]

ان شاء الله السهم يرتد اليوم ويفرح الملاك

 

[ابوعجيم]

تداول المستثمرون يذكرني ايام ماكان على 19 و 20 فلس ...........

 

[Moto]

بيرتفع بقوة ان شاء الله

 

[Bader_q8i]

يااااااااااااااااااااااااااااااا رب العالمين الفرج من عندك...

 

[aldub2000]

تداول المستثمرون يذكرني ايام ماكان على 19 و 20 فلس ...........

يعني صعود والا نزول ما عرفنا .؟؟؟

 

[Moto]

يعني صعود والا نزول ما عرفنا .؟؟؟

اعتقد بو عجيم يقصد مسار افقي ممل ، فلس فوق فلس تحت.

 

[Jareer]

الأن أصبح أرخص سهم بالسوق

 

[Moto]

الأن أصبح أرخص سهم بالسوق

على قولة الزلمات : يبرم يبرم وبيرجع لاصله

 

[Abdullah7373]

الي اهل الاختصاص وين رايح السهم وشكرا

 

[سفير النواياااا]

ذكرت هنيه بصفحة المستثمرون ان السهم رايح 30 فلس رد على واحد من الاخوان يقول مايمشي مع التحليل

اقول احترم التحليل وهذا السهم بـــــــ30 وصلهااا

شكراا لكل من يسرق مشاركاتى ويبنى عليهااا رايه