هل تستحق المجموعة الدولية وربعها هذا السعر؟؟؟

[Bo Tasneem]

ما اعتقد العقود الي حصلوها او الي راح يحصلونها تجي ربع عقود المخازن
شوف شنو صار بالمخازن
ركز علي الارباح التشغيلية واترك عنك الارباح الغير محققة
لازم تعرف منو راعي الشركات تلك ( سامي البدر ) وشنو نظافته

ان شاء الله تصعد هلاسهم ومحد يغص فيها

تري سالفة ان الشركه لها عقود وهلسوالف ملينا منها
انا الي يهمني الارباح وبس

اللي يهمك أرباح !! ماشي

تخيل العقد الأخير اللي بالأردن 350 مليون دولار .. لنفرض الربح اللي طلع من ورا هالعقد .. قول 5 ملايين .. 6 أو 7 ملايين (بالدينار الكويتي أتكلم) !! قارن هالربح مع رأس مال الشركة (وهذا عقد واحد بس) إذا عليك الحساب

إعلان أرباح الربع الثالث راح اتخليك واتخلي باقي المشككين يغيرون فكرتهم ، نصيحة أخ لكم ..

لو سمحتوا خلوا المجموعه الدولية وتوابعها بحالها وادعوا لاخوانكم بالتوفيق والرزق الحلال .. وبلا حسد ياجماعة ترى مايجوز .. اللي يقولي ماطار طير !! واللي يذكرنا بأيام 2001 والقضايا !! والحبيب اللي يقول إن راح يجيلها الدور مثل المخازن وجيزان !!

والله عيب هالكلام .. فعلا حسد

اللهم بارك لنا فيما رزقتنا .. وأرجع الشمل للمخازن وجماعتها لتفرج عن اخوانا همهم ومصيبتهم

يارب



بوتسنيم​

 

[bo-5amis@]

المهذب جدا وجودك ورايك مهم انت وين​

المهذب جدا ؟؟​

 

[المرزوق]

الاخوان المعارضين للارتفاع المجموعه من الواضح انهم ما يملكون فيها
انصحكم ومن كل قلبي للاني ابيلكم الخير باجر دشو عليها وباى سعر بارك الله فيكم يمكن الحمقه مالتكم تخف شوي لو حسيتو انكم تملكون جزء بسيط فيها وعشان العيد بعد تقدرون ان شاء الله تيمعون جم
وماابي اشوف ذاك اليوم اللى تقولون فيه الطيور طارت بأرزاقها فاغلب المعارضين للسهم لو السهم كان عندهم صدقوني بتكونون اول من يشجعه وترفعون له الرايه بس جنا سمن شوي وانتفخ ماعليه الله يرزق الجميع ان شاء الله ولا تاخذو كلامي هذا بمحض الاستهزاء اعوذو بالله بل بالعكس اللى قاعد يحللكم من اتقن المحللين بس انتو ماتبون تقتنعون مادرى ليش :؟؟؟؟؟؟؟؟؟؟؟؟

 

[غازى]

الموضوع بدأ بمشاركات واجتهادات طيبة ولكن بالأخير غلب على المشاركات الفزعة والعصبية اللي خايفين منها اللي يقول حسد واللي يقول الحق عليها دون ان تعرف السبب من الصعود وهذا ما عنيته ب (مع الخيل يا شقراء)

انا تمنيت ان يخبرني احد عن العقود الحالية وليست المستقبلية وكذلك بالنسبة للأرباح هل هي بسبب اسعار الشركات المملوكة لهم المرتفعة حاليا ام من مصادر اخرى ؟؟

 

[عندك سلف]

يحسب لك يا أخ غازي انك أول من فتح هذا الموضوع
مشكور على التنبيه

 

[bigener]

المخازن لا تقارن بالمجموعه.

المجموعه قلوب صافيه او ما فيها كسر اخشوم او حقد على افلان

وفلان.................. الخ


والله ما اييب هذه الشي انشالله

أخوي السوق للأسف ما فيه قلوب صافيه فيه إشلون إنمص دم صغار المستثمرين و المجموعه الدوليه و توابعها راح يجيلها الدور ؟؟

اللهم إرزقنا من فضلك يا كريم

اللي صار أمس و اليوم يدل على هذا الكلام و أشوفها طبيعية لأن طبيعة السوق يكون فيه الخاسر و الرابح و مو معقولة أن التجار هم يكونو الخسرانين فالله يكون بالعون

 

[غازى]

المجموعة وربعها راح يرتدون انشاءالله ولكن متى؟؟؟مازلت اقول ان هذه الشركات لا تستحق هذا الصعود -لكن من الواضح ان اهلها يبون يصعدونها مثل ما يسوّي البحر في شركاته (مافيه محافظ تجازف وتدخل على هذه النوعية من الأسهم )

حتى النزول مفتعل مثل ما كان الصعود والدليل العروض الكبيرة والمبالغ فيها اليوم بالحد الأدنى وهذا دليل ان السهم راح يرتد
البدر ما قصر قال لكم عيدية ووفى وصعد اسهمه 50%بخمس ايام ولكن مو معقوله يقولكم متى تبيعون ولا تتوقعون انه صعد اسهمه لسواد عيونا او لأنه يحب الخير فهو تاجر كويتي حاله من حال تجارنا لو يحصل له يمص دمك ما راح يقصر

انا ماهمني اللي يمدح و يطبل للسهم من يوم كان تحت لأنه أكيد باع فوق وراح يسترجع تحت والضحية اللي أخذ فوق 900 ,,لا ويقولون لا تبيعون وامسكوا اسهمكم (ما تلاحظون اختفاء اسماء هاليومين وظهور اسماء جديدة للتطبيل)

استغرب عدم تدخل مراقبين المنتدى على هذه الأمور والتوصيات بدون ذكر اسباب التوصية التي راح يكون ضحيتها بعض الأعضاء الذين انخدعوا ببعض المطبلين الذين اذا سألتهم عن سبب توصيتهم اتهموك بالحسد ومحاربتهم والتهجم عليك (سؤالي هو عنوان الموضوع محد جاوبني عليه)

هذه المجموعة من الشركات لعبة فأستغلها والعب وياهم ولا تفكر بالأستثمار في مثل هذه الشركات

 

[عندك سلف]

المجموعة وربعها راح يرتدون انشاءالله ولكن متى؟؟؟مازلت اقول ان هذه الشركات لا تستحق هذا الصعود -لكن من الواضح ان اهلها يبون يصعدونها مثل ما يسوّي البحر في شركاته (مافيه محافظ تجازف وتدخل على هذه النوعية من الأسهم )

حتى النزول مفتعل مثل ما كان الصعود والدليل العروض الكبيرة والمبالغ فيها اليوم بالحد الأدنى وهذا دليل ان السهم راح يرتد
البدر ما قصر قال لكم عيدية ووفى وصعد اسهمه 50%بخمس ايام ولكن مو معقوله يقولكم متى تبيعون ولا تتوقعون انه صعد اسهمه لسواد عيونا او لأنه يحب الخير فهو تاجر كويتي حاله من حال تجارنا لو يحصل له يمص دمك ما راح يقصر

انا ماهمني اللي يمدح و يطبل للسهم من يوم كان تحت لأنه أكيد باع فوق وراح يسترجع تحت والضحية اللي أخذ فوق 900 ,,لا ويقولون لا تبيعون وامسكوا اسهمكم (ما تلاحظون اختفاء اسماء هاليومين وظهور اسماء جديدة للتطبيل)
استغرب عدم تدخل مراقبين المنتدى على هذه الأمور والتوصيات بدون ذكر اسباب التوصية التي راح يكون ضحيتها بعض الأعضاء الذين انخدعوا ببعض المطبلين الذين اذا سألتهم عن سبب توصيتهم اتهموك بالحسد ومحاربتهم والتهجم عليك (سؤالي هو عنوان الموضوع محد جاوبني عليه)

هذه المجموعة من الشركات لعبة فأستغلها والعب وياهم ولا تفكر بالأستثمار في مثل هذه الشركات

فعلا ألاحظ اختفاء الاسماء

و ألاحظ ان الاسماء التي كانت معدل المشاركات اليومية يزيد عن 10 مشاركات يوميا 9 منها تطبيل للسهم..... والمشاركة العاشرة شكر على من طبل للسهم...... الاحظ اختفاء مشاركات هذه الاسماء اليومين الماضيين....
وأنا متأكد من أنهم سيظهرون من جديد لو ارتفع السهم عشر فلوس فقط وسيعودون للتطبيل من جديد

 

[ارسطو الدروازه]

انشالله يرتد السهم ...

 

[خير الكلام]

السلام عليكم

ابدا ماتستحق وكل العقود كلام فاضي .
في واحد قال ان عندهم عقود ب3 مليار (اي هين).
البحر اخذ حصته منكم .(جيزان).
الجناعات باعوا المخازن يوم سعرها 5 دنانير (راح يرد 4 وبشهر 4 اقرر ان كان يستحق 6).
والمشاريع ماقصرتم شريتوا المتحده العقاريه ب485 فلس .
وال وال وال .
عاد ماكو احد احسن من احد وسامي بدر حاله حال الناس يبي يعشي عياله .
ادري ان في احد يفكر ويقول زين اوريك ياخير الكلام بعد العيد وانا اقول هم انا اوريك شنو يعني خير الكلام ماقل ودل .
راح يرد يصعد والطمع يخلي الناس تهجم عليه وذيج الساعه ماينقع الندم .
اخوي العزيز الجيماز اللي مثلك دايما اموره عقلانيه ويبعد عنه الامور الشخصيه ولذلك ومن غير زعل لانك ماراح تزعل (انت عقلاني).
اقول ومن غير تردد انت خطر على صغار المستثمرين .

 

[بو صالح]

الموضوع خرج عن نطاق النقاش للاسف


تم شطب بعض المشاركات