السلام عليكم
هذا الكلام صحيح بس فات وقته وراح تخلص الحفلة فجآة وبدون انذار .شوف عاد متى يردون يسون حفلة مرة ثانية... قلبا وغالبا معاك ،من زمان اقول مو اليوم ولا امس جميع الاسهم راح تشوف ١٠٠ و ٢٠٠ وحتى ٥٠٠ واكثر بس كل شي بوقته زين ....
الان وقت تكوين مراكز مالية باسعار زهيدة بالشركات الذهبية... مو ملاحق وراء السراب .....
الان العكس هو الصحيح الاسهم الذهبية وصلت لاسعار زهيدة وباركة بمكانها وهي الفرصة الحقيقية للفترة القادمة ....
اذا مافهمتها العب بطريقتك اذا تقدر وتقدر تجاريهم بلعبتهم وتعرف شلون يؤكل الكتف وغير ذلك سلامتك وتعيش ما تقدر عليهم شوف على شنو ناوين الجماعة لان بالاساس اللي قاعد يصير غلط بغلط وغير مقتع ولا يصدقه العقل ....... قلنا ارتفاعات بس مو جذي شخصيا ماني مقتنع ولا ني مصدق كل يوم اقعد الصبح واشوف الاف الدنانير بالمحفظة من وين ما ادري حتي غسيل الاموال ماتطلع هالكثر .... في حدود للربح في حدود للعقل في حدود للمنطق . شنو ميانين يعطونا هالكثر شنو لاقين الفلوس بالسكة ؟؟
جم كف عسم مع جم اطرق تعلمنا علشان جذي استمرينا بهذا السوق طوال هذه الفترة ...
يقولون خواف ولا الله يرحمه . وانا خايف فعلا مو قاعد اضحك معاكم . او اخوفكم ... اشتغلو بس بربع راس المال وشيلو الارباح المحققة ولا تخلون ارباحكم بالسوق ابدا و لا تطمعون وايد ،،، القناعة راحة والطمع جتون .
والقرار لكم بالنهاية
عليكم السلام
اللعب مع الكبار يبيله قلب قوي ويبيله صبي من صبيانهم تدهن سيره يجيبلك اخبارهم ويعلمك متى تشتري ومتى تبيع
اما الخوف والهلع اللي تتكلم عنه ،، ماتنلام والله يلوم اللي يلومك وكلنا مثلك من اللي شفناه خلال السنين الماضيه لكن لاتخلي الخوف والهلع وعدم الثقه يسيطرون عليك ،،
الطيور طارت بارزاقها واحنا مجرّد متابعين وهذا غلط
اخوي ليش منت مقتنع بالارتفاعات ؟؟ الارتفاعات اللي منت مقتنع فيها حصلت لسهم واحد او اثنين بدون مبرر
اما البقيه ارتفاعاتهم منطقيه ومستحقه
اسهم سقطت اسعارها سقوط حر وتم تنظيف ميزانيتها وتحولت الخساير الى ارباح وتقلصت الديون شلّي يمنع انها ماتصعد الى قيمتها الدفتريه عالاقل
شيل الخوف من قلبك واسحب الخمس ملايين اللي خاشهم بالبنك ودخّلهم السوق ولاتحاتي
