بيت التمويل الخليجي .......... ( تمويل خليج )

[عمر المنصوري]

هيه بس مع السهم هذا تعقدت منه, قول اي سهم ثاني بقول قلب اسد.

اذا اختراق باجر 46.5 راح تشوف السهم بالخمسينات بالكويت

اذا اخترق 46.5 بتدش؟؟؟؟؟

 

[AlBustan]

اذا اخترق 46.5 بتدش؟؟؟؟؟

يمكن على حسب وضع السوق و طريقة البيع و الشراء,دخلت السهم بدبي او الكويت؟

 

[barbarian]

شباب شفيكم معلقين على 46.5 فلس !!!
ماني شايفها مقاومه !! اول مقاومه 48 فلس على ما اعتقد

 

[سهم شرعي]

فعلا اخونا take over ذكر قبل ايام ان في محافظ راح تدخل على السهم. شكرا لك

 

[دربك أخضر 2]

أنا اول واحد قلت لكم يوم الخميس في ناس صعبين داخلين عليه وأنا عندي أهداف السهم بس دام محد رد علي ولا قدرني ماني متكلم عنه

نعم وقلت إن رايح 70 فلس ،،الله يعطيك العافيه ومشكور على هالمعلومه وإن شاء المولى سبحانه تضبط معانا اللهم آمين

 

[بوراشد جروب]

مبرر الارتفاع يمكن اجتماع مجلس ادارة البنك​

​

 

[حسن الظن]

اليوم السهم افتتح على فجوة ولم يلامس ٤٣ ولا ٤٣.٥
هل ممكن ينزل لتسكير هذه الفجوة ام ان هذا الامر مستبعد
ياريت الاخوة المحللين يدلون بدلوهم
وشكرا

 

[بوراشد جروب]

اليوم السهم افتتح على فجوة ولم يلامس ٤٣ ولا ٤٣.٥
هل ممكن ينزل لتسكير هذه الفجوة ام ان هذا الامر مستبعد
ياريت الاخوة المحللين يدلون بدلوهم
وشكرا

مولازم يسكر الفجوات
عادي

 

[الجولاني]

اخوي الجولاني انا اتكلم ٧٠ خلال اسبوعين فقط وليس اكثر وبكره اذا ما كمل حد اعلى انا اسحب كلامي منه ومايستهال يقعد يوم واحد بالمحفظه موضوع يصحح جني ارباح شدعوه مدوبل مرتين او ثلاث كلها ٥ فلوس وبيجني ارباح فيها والله عجب

​

هههههههه ​

صدقت اخوي الغالي ​

انا ماقلت بيصحح ! واصلا مو بعيده انه يعلق كم يوم حاله حال باقي الاسهم​

لكن هالسهم بالذات مرعب يخلي الواحد يدش ويطلع في اليوم 100 مره مخافة الغدر​

وانا شخصيا تعقدت منه مراوغ بخباثه ومكر ودهاء​

والله يسمع منك ويعلق ​

لكن اذا صج علق باجر ماراح تشوف الا اغبرته ​

بكره وارد جدا خض البطون ونزول فلسين بداية التداول لاغلاق الفجوه وبعدها عينك ماتشوف الا النور​

وجايز ايضا مايسكرها ولا يلتفت لها مثل سهم ميادين والمستثمرون​

​

كل شي وارد لكن مؤشرات السهم جدا ايجابيه وفالكم التعليقه اسابيع وشهور​

​

 

[AlBustan]

اذا باجر علق يكون الجنين طلع بقوة

 

[حفار قبور]

يا جماعة فكونا من ذكر الفجوات

شبعنا من هالحچي ، فجوات وعروة وكوب شاي حليب وقيعان وعيدان بطاط وسارية وعلم وبولينج وچقة وحوش

خلوه يرتفع براحته

 

[الجولاني]

شباب شفيكم معلقين على 46.5 فلس !!!

ماني شايفها مقاومه !! اول مقاومه 48 فلس على ما اعتقد​

​

​

​

​

46.5 هي ام المعارك​

​

اذا اخترقها عينك ماتشوف الا النور ​

بتشوف اغبرته بس ( اذا الله قدر واراد )​

​

​

46.5 هي خط الرقبه لنموذج الراس والكتفين الملقلوب والي تنبأت به قبل لايكتمل​

​

والله اعلى واعلم​

 

[snake-ad]

السلام عليكم
أولا مبروك تعليقتين على التوالي
ثانيا الحمدلله انا من ملاك السهم
ثالثا أتوقع باجر السهم راح يطق بريك لان من خبرتي القليلة بسوق الاسهم العموم يصحح بعد ثالث تعليقة والعكس صحيح
اليوم صانع السوق أخرج الكثير من المضاربين واغلبهم قطوا على 44 و 44.5 فلس بعد خظ البطون اللي صارت
أتمنى ان يكمل صعووود لكن اتوقع باجر ولغاية نهاية الاسبوع راح يصحح ويريح شوي واذا فيه انطلاقه فوق الـ 48 فلس الاسبوع القادم ان شاء الله

مرحبا اخوي اشحالك ،
على حسب كلامك ان صانع السوق اليوم اخرج الكثير من المضاربين
طيب اذا كان هاذا هدفه ،، مش لمصلحته يفتح لهم المجال ويعطيهم الفرصه مره ثانيه وينزل السهم
اذا رجع نزله بيردون المضاربين يدخلون صح ولا انا غلطان ،

انا من وجه نظري اقول لصانع السوق .. روح والقلب داعيلك
و طريجك سالك باذن الله

 

[سهم شرعي]

الله يستر ام المعارك .... ههههه اخوي الجولاني شوف لنا صفاة طاقه مادري شفيه جنه الجني اللي بتمويل الخليج دخل فيه

 

[المسهماني]

اذا المشكله من 46.5 وهي ام المعارك بكره مطلوب بالملايين عليها بس اذا راح حد اعلى نبي وعد منكم تطلوبونه عشان يعطيكم رشه نظيفه مثل اليوم طيبون خاطره يستاهل ابو المعارك

 

[الجولاني]

http://www.indexsignal.com/community/threads/339651/page-7

بتاريخ 30 ابريل

والله اعلى واعلم

اسف اقصد هذا الرابط بترايخ 20 ابريل

http://www.indexsignal.com/community/threads/339651/page-4

بيت التمويل الخليجي​

​

​

والله اعلى واعلم

 

[الجولاني]

الله يستر ام المعارك .... ههههه اخوي الجولاني شوف لنا صفاة طاقه مادري شفيه جنه الجني اللي بتمويل الخليج دخل فيه

تامر امر يالغالي
رحت المستشفى وتوني راد
وديت ولدي عنده التهاب في الاذن من غواصة البحر
الحين اشوفها لك

 

[الجولاني]

اذا المشكله من 46.5 وهي ام المعارك بكره مطلوب بالملايين عليها بس اذا راح حد اعلى نبي وعد منكم تطلوبونه عشان يعطيكم رشه نظيفه مثل اليوم طيبون خاطره يستاهل ابو المعارك

اخوي مافهمت عليك !!!

 

[الجولاني]

اذا المشكله من 46.5 وهي ام المعارك بكره مطلوب بالملايين عليها بس اذا راح حد اعلى نبي وعد منكم تطلوبونه عشان يعطيكم رشه نظيفه مثل اليوم طيبون خاطره يستاهل ابو المعارك

اخوي ماقلنا لكم طلعوا من السهم
الاخ قال مافي مقاومه عند 46 وانا وضحت له اياها وما جزمت ان السهم بيتراجع منها وبينت انها بتكون اخر مقاومه قويه جدام السهم
حتى ال 55
وثانيا احنا نتناقش في امور السهم ... ماتبونا انبطل حلجنا بننطم
وبنحتفظ حق تحاليلنا لنفسنا
وبنشوف الملايين الي بتنطلب باجر فيما لو ما اجتازها

 

[المسهماني]

محشوم وتكلم على راحتك ونحترم تحليلك ورائك والجماعه متخوفين من مقاومه على 46.5 وانا متفائل من اختراقها ومتفائل رايح حدا اعلى ان شاء الله