بس قبل لا أترك الصفحه أحب أوضح للاخوان بعض الأمور اللي حاصله بهالصفحه :
1- الاتهام بل البهتان المبين أولاً :
السيد المبجل اللي أوقف أمس يقول :
" يبينا نترك صانع السوق ..و.(المحفظه التابعه له ) بتجميع السهم من ال37 الى ال 44 ... وبعدين ندخل ما شاء الله عليك اهو فلس واحد يجني ربحه فما بالك ب 7 فلوس !!...طبعا انا ما راح ارد عليك لان دورك واضح بهذه الصفحه بالنسبه لي لكن راح اترك لاخواني ...المتابعين فهم ما بين السطور ومغزى مشاركاتك "
----------------------------------------------------------------------------------------
منو قالك أي شي ادخل واشتري انما هذا اللي بالأحمر بذمتك أكو أحد يصدقه ؟
شنو دوري بالضبط جاسوس أشتغل عند محافظ والا شنو
هبوطه من 45.5 عطيت كثير من الاخوان على الخاص الارتداد من 37-37.5 وارتد من 36.5
قلت السهم بيصعد من 38 الى 39.5 وبعدها 41.5 وبعدها 43 وصعد
مؤشرات دلت بعدها على الهبوط الخميس اللي طاف نبهتكم علشان لا تتورطون وتدشون غلط
شارتات يوميه لتوضيح مسار السهم ليفهمها حتى اللي ما يعرف تحليل فني !
شنو دوري وشنو مغزي مشاركاتي ،، والله العظيم شر البليه ما يضحك !!
وأقسمت وأقسم بالله ما عندي سهم واحد فيه ولا راح أشتري الا اذا تجاوز المقاومه اللي ذكرتها .
عموما حتى أخونا العزيز د. اندبث اتهم بأنه يدخل ويحط كلام لتصريف ما عنده !! لذا آثر الانسحاب من الصفحه .
تصرف سليم عزيزي د. انديث
---------------------------------------------------------------------------------------------------------------------
2-اسباب الهجوم المستمر على بين فتره وأخري ينقسم الى 2
1- شخص متعلق أو شاري بأسعار عاليه ما يعجبه أحط ثاني يوم شارت يقول السهم بينزل وهو أمله يصعد علشان يبيع ،، هذا ما يبي أبو عمر ولا اللي مثل أبو عمر بالصفحه من اللي يكشفون المستور ،، وانتو تعرفوني أحط كلام واضح لا لبس فيه صعود صعود ، هبوط هبوط ،، شيسوي ؟ ،، يسوي نفس أخينا أعلاه !
2- المحافظ وصبيان المحافظ : نسيناهم ؟ مخرب عليهم أبوعمر بهالتحاليل اليوميه ( اليوم بيصعد ، باجر بينزل ) ، فاضح السهم وموعارفين يشتغلون ،، شيسووون ؟ يسوون مثل أخوانهم اللي في 1 و2 ،، استفزه ، سبه ،، أغلط عليه ،، اتهمه ،، وهو عصبي وراح يرد ،، سو للمشرفين ازعاج خلهم يوقفونه ،، أو خرب الصفحه وخله يدش في مناوشات جانبيه وابعده عن التحليل ! ،، استمر على هذا المنوال بشكل شبه يومي ،، آخرتها يا بيوقفونه يا يمل ويترك الصفحه .
الظاهر نجحوا في المخطط ،، أقول لهم مبروك ،، تارك الصفحه لكم ،، اسرحوا وامرحوا .
-------------------------------------------------------------------------------------------------------------------------
وأعتذر من أخواني اللي أحبهم بس تدرون شلون ، تعبت !
