شركة مدينة الأعمال الكويتية العقارية ........ ( م الأعمال )

[333gust !!!]

بس والله عجبه الاستاذ رابح يقط مليون سهم بهالاسعار ماني فاهمها بد ؟

 

[رابح رابح]

بس والله عجبه الاستاذ رابح يقط مليون سهم بهالاسعار ماني فاهمها بد ؟

استاذي الفاضل 333gus لاتتعجب وهذا حدث عادي :
- في ناس متوقعه انه يتفاعل مع خبر القضيه
- في ناس متضايقه من احداث الشغب اللي صارت
- في ناس بعد خافو من لاشاعه اللي طلعت ونفاها معهد الابحاث عن حدوث زلزال الاسبوع القادم بقوة 10 رختر وطبعا هذا السهم عنده ابراج
- في ناس تضارب ماتبيت اسهمها بعطلة نهاية الاسبوع

هذا سوق الحياله بقولك سالفه كنت مجمع في اسمنت الخليج بالخمسينات والستينات وهدفنا كان 100 فلس وصله يمكن 78 وقام يقط على نفسه كميات ضخمه تداول عالى جدا غير معهود بالسهم وبعت الكميه اللي عندي كلها لانه خوفنا وقلنا قاعد يصرف.. وعقبه وصل السهم يمكن 110 على ما اذكر

 

[albostan]

جزاك الله خير أخوي الوطن على هالشارت بصراحه ريحتني كثير الله يريح بالك نسأل الله عز و جل التوفيق للجميع

 

[الوطن]

جزاك الله خير أخوي الوطن على هالشارت بصراحه ريحتني كثير الله يريح بالك نسأل الله عز و جل التوفيق للجميع

وياك يالغالي

 

[albostan]

لاتستغرب ولاتحاتي ماكو الا الخير
انا قطيت كميه منهم قبل المزاد بال ٢٨ فلس بس مو شطاره
وماني قايلكم السالفه .. اخاف تضحكون لأن السبب يضحك

.

أخي العزيز ما دام عمل دنيوي ما يستاهل تندم عليه و أعلم بأن رزقك مقدر لك من قبل ما تولد و نحن نأخذ بالأسباب نعمل ما نعتقد صح و الله يقدر الأمور و أعلم جيدا إذا فيه خير لك سوف تلقاه لعل البيع كان أفضل لتأخذه بسعر أقل أو تأخذ سهم أفضل فقد يكون هذا سبب لرزق أفضل . أسأل الله لك كل التوفيق و أن يرزقنا و أياك الخير و السعاده في الدنيا و الآخره هو و لي ذلك و القادر عليه

 

[رابح رابح]

أخي العزيز ما دام عمل دنيوي ما يستاهل تندم عليه و أعلم بأن رزقك مقدر لك من قبل ما تولد و نحن نأخذ بالأسباب نعمل ما نعتقد صح و الله يقدر الأمور و أعلم جيدا إذا فيه خير لك سوف تلقاه لعل البيع كان أفضل لتأخذه بسعر أقل أو تأخذ سهم أفضل فقد يكون هذا سبب لرزق أفضل . أسأل الله لك كل التوفيق و أن يرزقنا و أياك الخير و السعاده في الدنيا و الآخره هو و لي ذلك و القادر عليه

جزاك الله خير اخي الفاضل البستان على كلامك الطيب
تصدق قبل لا ابيعه بربع ساعه دعيت دعاء الاستخاره وقاعد افكر اقول شنو اللي بيصير علشان اتخذ قرار وصار شي مو بالحسبه وغير متوقع
وقدر الله وماشاء فعل
الله يسعدك ويربحك يالغالي

 

[333gust !!!]

الله كريم وانشوفك يا مدينة الاعمال فوق ال34 فلس

 

[مليون دينار]

يوم الخميس كان الشراء والبيع 14 مليون سهم بسعر 28 و28 ونص واخر السوق بالمزاد حذف 2 مليون سهم 27فلس

اتوقع يفتح مطلوب اول السوق 27 ونص

 

[مضارب قديم7]

الأحد غير الخميس.

 

[333gust !!!]

اعتقد نفس ما قال الاخ راح يفتح مطلوب بال 27,5 وخصوصا الناس كانت متخوفه من الاحداث الي صارت واعتقد كل الامر بخير والحمد لله

 

[333gust !!!]

اشدعوى اليوم ولا واحد كتب شي عن شركة مدينة الاحلام >>> مشتري كمية ونايم عليها وابي اشوف اخرتها وياك يا صانع سوقها ؟

 

[بوورصجي]

اشدعوى اليوم ولا واحد كتب شي عن شركة مدينة الاحلام >>> مشتري كمية ونايم عليها وابي اشوف اخرتها وياك يا صانع سوقها ؟

اخوي صانع السوق متفرغ لقرين قابضه وناسي مدينة الاوهام

 

[مضارب قديم7]

اشدعوى اليوم ولا واحد كتب شي عن شركة مدينة الاحلام >>> مشتري كمية ونايم عليها وابي اشوف اخرتها وياك يا صانع سوقها ؟

اخوي هسهم يبيله صبر اشوي -- او العب معاه علا تكه- ليما يتفضاله صانع سوقه

 

[مليون دينار]

اخوي صانع السوق متفرغ لقرين قابضه وناسي مدينة الاوهام

فرين قابضة اعلنت رسميا تسويه مع البنوك والشركة تملك 30% من مدينة الاعمال صعود مدينة الاعمال يعني تحقيق ارباح وارتفاع بحقوق المساهمين

مدينة الاعمال الى الان لم تعلن تسويه مع البنوك واذا اعلنت راح يرتفع السهم ارتفاع قوي

ان شراء قرين قابضه بهذه الاسعار قبل اعلان تسويه مدينه الاعمال مع البنك وضغط على اسهم مدينه الاعمال تكون فرصة جيدة بشراء اسهم قرين قابضه بهذه الاسعار

توقع مني وليس دعوة للشراء او البيع

 

[صقر2010]

هل تمت التسويه .. عشان ننطر الإعلان ؟؟!!!

 

[بوورصجي]

الجمعيه العموييه باچر وان شاء الله خير وموفقين

الجمعية العموميه حق اي شركة؟؟

 

[رابح رابح]

الجمعية العموميه حق اي شركة؟؟

انا اسف واعتذر اخواني لحدوث لبس بالمشاركه الاجتماع غدا لشركة الافكو وليس مدينة الاعمال
شكرا اخوي بورصجي على التنبيه

 

[333gust !!!]

هههههههههههه الله يكون بعونك يا رابح من كثر ما تفكر ما تنلام استاذي ما تنلام ( يخلط ميد وابياح )

 

[albostan]

السلام عليكم توقعاتي للسهم اليوم الإفتتاح 28 و الإغلاق 29.5 و راح يلامس 30 هذا مجرد توقع و العلم عند رب العالمين أما الدعم فهو 27 فلس و المقاومه 28.5 و من ثم 29.5 موفقين إن شاء الله

 

[debtor]

سهم تعيس وشكله ما في تسوية ولا فيها خير