الغربه داخل الوطن , اسواق ومولات الكويت

[ورد و هيل]

احييك اخوي وطنيه عا طرح هالموضوع

و مع انك تطرقت لمحور واحد اللي اهوا الدشداشة ----- وووطبعا انا اؤؤيدك في وجهة نظرررررك

بس لازم مانتجاهل بعددد --- تصرفاات الشباب وحركاتهم االسمجة في المجمعااات ---- اللي مايخلوون احد بحاله

 

[بوالعيس بيك]

منوريييييييييييييييييين..الله يعطي اخوي الوطنيه العافيه اللي خلانا نزوركم
مرحبتين اخوي ابو العيس انا من زمان ما رحت الاستراحه
بس ملاحظ شي ابو العيس ان القاعده مقلوبه عندنا الرياييل (متحجبين) ولابسين لبس طويل (قتره ودشداشه وسيعه وطويله ومكسر )
والبنات طال عمرك هدادي (مخصر والشعر طاير واللبس لي الركبه )
بس مثل ماقالت اختي زهره اخاف انقط الغتره ينكشف المستور ههههههههههه

​

(( لكل زمـــــــــــان رجال ... ومحد ياخذ وقته ووقت غيره )) ​

.

النور نورك طال عمرك
ياهلا فيك اخوي رابح ليش قاطعنا ترا القطاعه موزينه
ولا يعني عشان السوق دق سلف ونسيتنا ههههههههه

اما بالنسبه لكلامك عن اللبس لبعض البنات او خلنا نقول بعض الشباب والبنات
اختصر الكلام واقول .. كلن علي حسب تربيته وبيئته ..

والله يستر من القادم

 

[al7bebe]

الموضوع منقول من الشبكة الوطنية السياسية المحلية
http://www.nationalkuwait.com/vb/showthread.php?t=250457

على العموم انا اعتقد من حق الناس تلبس ماتلبس وهي حره في لبسها بشرط ما يخدش الحياء
والدشداشه والغترة والعقال جميله ولها قيمتها بالمجتمع الخليجي في الاماكن الرسمية مثل الديوانية او المناسبات الاجتماعية او بعض الدوائر الحكومية
اما الاسواق مالها شغل في ارداء الدشاشه او ملابس السبورت او الفنكي بشرط احترام كل الاطراف ملابسهم

 

[الوطنيه]

ياهلا ومرحبا بالجميع

يااخوان اول شي الموضوع منقول صحيح وانا كاتب ببداية الموضوع اني لقيت موضوع باحد المنتديات وعجبني لاني احسست فيه .
ثانيا اللي طالب بحذف الموضوع ليش السبب , ترى الموضوع مافيه سني وشيعي والكاتب ماتطرق للشي هذا نهائيا
ثالثا اللي يقول اهم شي الاخلاق وانتقاد التصرفات , لو تلاحظ الكاتب ماتكلم ولاتطرق للجانب هذا لانه الموضوع اعتزاز بالهويه , كل وطن له هويه وهو يقصد الهويه التي بدانا نفقدها , ولم يتكلم عن الوطنيه . ليش البعض صورها ان اللي مو لابس دشداشه ماعنده وطنيه , الرجال يتكلم عن الهويه التي بدأنا نفقدها في مجتمعاتنا
رابعا , بالنسبه للتصرفات الشباب , لاحظ ان الكاتب وجه انتقاد لنا جميعا , وهو تركيزنا على الكماليات بالانفتاح من لبس وموضه وتركنا للجوهر والاساس وهو التقدم العلمي والتعامل الحضاري والحقوق والحريات
خامسا اذا كان احد زعلان من ان الكاتب لم يوجه لوم للي اصوله ايرانيه , هو يتكلم عن ثقافه ووجه اللوم الى الاصول العربيه الخليجيه اللي كان هذا لبسها ويمثل هويتها , بما معناه اذا اهل الشي نفسهم تخلو عنه فكيف بمن اتى وذاب في ثقافتك واصبح منك , وكلنا كويتيين بالاول والاخير ومايفرقنا شي ان شاء الله , والكويتيين معروف ان البعض منهم يرجع تاريخ اجداده لايران او للجزيره العربيه بشكل عام او للعراق او حتى في بعضهم هنود , وهذا في كل بلد موجود , اوباما يرجع لاصول افريقيه وسعو صدوركم
سادسا شكرا لكم وعساكم ع القوه

 

[رابح رابح]

الموضوع منقول من الشبكة الوطنية السياسية المحلية
http://www.nationalkuwait.com/vb/showthread.php?t=250457

على العموم انا اعتقد من حق الناس تلبس ماتلبس وهي حره في لبسها بشرط ما يخدش الحياء
والدشداشه والغترة والعقال جميله ولها قيمتها بالمجتمع الخليجي في الاماكن الرسمية مثل الديوانية او المناسبات الاجتماعية او بعض الدوائر الحكومية
اما الاسواق مالها شغل في ارداء الدشاشه او ملابس السبورت او الفنكي بشرط احترام كل الاطراف ملابسهم

اخوي الحبوب النقاش عن موضع ترك الدشداشه والزي الشعب ولبس الملابس الاجنيه
وموضوع اللبس الهابط او الفاضح والذي يخدش الحياء موضوع اخر وسلوك غير مقبول حتى بالدول التي لاترتدي الدشداشه
وبالنسبه الى لبس البدله او البنطرون والتي شيرت هناك لبس محترم يلبسه المدراء ورجال محترمين مهندسين ودكاتره واقتصاديين وليس من الضروره ان من يلبس دشداشه هو انسان جيد او لديه مواطنه
على فكره انا لبسي اليومي الثابت الدشداشه والغتره بالعمل وغيره ولكنني البسه ليس من باب المواطنه ولكن من باب التعود والقناعه بانك بالشارع تحترم اكثر بسبب استهزاء وتطاول البعض على الجنسيات الاخرى

.

 

[al7bebe]

ياهلا ومرحبا بالجميع

يااخوان اول شي الموضوع منقول صحيح وانا كاتب ببداية الموضوع اني لقيت موضوع باحد المنتديات وعجبني لاني احسست فيه .
ثانيا اللي طالب بحذف الموضوع ليش السبب , ترى الموضوع مافيه سني وشيعي والكاتب ماتطرق للشي هذا نهائيا
ثالثا اللي يقول اهم شي الاخلاق وانتقاد التصرفات , لو تلاحظ الكاتب ماتكلم ولاتطرق للجانب هذا لانه الموضوع اعتزاز بالهويه , كل وطن له هويه وهو يقصد الهويه التي بدانا نفقدها , ولم يتكلم عن الوطنيه . ليش البعض صورها ان اللي مو لابس دشداشه ماعنده وطنيه , الرجال يتكلم عن الهويه التي بدأنا نفقدها في مجتمعاتنا
رابعا , بالنسبه للتصرفات الشباب , لاحظ ان الكاتب وجه انتقاد لنا جميعا , وهو تركيزنا على الكماليات بالانفتاح من لبس وموضه وتركنا للجوهر والاساس وهو التقدم العلمي والتعامل الحضاري والحقوق والحريات
خامسا اذا كان احد زعلان من ان الكاتب لم يوجه لوم للي اصوله ايرانيه , هو يتكلم عن ثقافه ووجه اللوم الى الاصول العربيه الخليجيه اللي كان هذا لبسها ويمثل هويتها , بما معناه اذا اهل الشي نفسهم تخلو عنه فكيف بمن اتى وذاب في ثقافتك واصبح منك , وكلنا كويتيين بالاول والاخير ومايفرقنا شي ان شاء الله , والكويتيين معروف ان البعض منهم يرجع تاريخ اجداده لايران او للجزيره العربيه بشكل عام او للعراق او حتى في بعضهم هنود , وهذا في كل بلد موجود , اوباما يرجع لاصول افريقيه وسعو صدوركم
سادسا شكرا لكم وعساكم ع القوه

==============

في اختصار مفيد لاخير من يتبرأ من اصوله سواء العجم او النجاده من الجزيرة او الاصول الاسوية او غيرها وكل الناس على الارض لهم جذور متأصله تاريخية قبل مئات السنين والانسان الذي يعتز في اصله وفصله هو الشخص الناضج الذي يفتخر في اصل اجداده قبل مئات السنين وهنا مركز الفخر والعزة لاهله ونسبه وكل اطراف المجتمع يتعرف على بعضهم من عاداته وتقاليده ولبسه وهذه صفه حسنه وميزه جميله يجتمع فيها المجتمع الواحد ويتعرف البعض على بعضهم في دائرة جميله وهي الوطن

 

[قلم حر]

السلام عليكم

موضوع جدير بالنقاش ونتمنى منكم عدم زج الطائفيه بأي نقاش
تابعوا النقاش
وخالص الشكر والتقدير لرقي طرحكم وردودكم

​

 

[قلم حر]

أسباب عزوف الشباب عن الدشداشه في نظري انها ما عادت تلبي احتياجات
الشباب والرجل بشكل عام وهي زي غير عملي

انا اشيل معاي زقاير وتلفونين وشاحن تلفون وعطر وسكر طبيعي
ومسباح وكلينكس وبوك كل هالاغراض هذي يبيلهم كبت مو دشداشه
طبعا لما الواحد يلبس الجينز والتي شيرت ومعاه جنطه صغيره يحط
كل اغراضه يرتاح واموره طيبه

اما لما اكون لابس دشداشه وشايل الجنطه كلش موشي واللي يشوفوني
أكيد عبالهم وحده من الثنتين إما مطهر أو مصري يمثل دور خليجي

أنا مع الزي الشعبي وملتزم فيه ولكن اشوف غيره عادي وطبيعي
وبعدين رجعوا ١٠٠ سنه تقريبا راح تلقون الزي الكويتي يختلف
عن زينا الشعبي اللي الحين
واشوف فعلا الدشداشه محتاجه تطوير لتفي باحتياجاتنا

هذي سنة الحياه والتطور وتعاقب الاجيال

​

 

[الوطنيه]

انا اللي لفت نظري ان الامارات يلبسون عيالهم بالمدارس الزي الشعبي الوطني , كنت اعتقد بس السعوديه , وفعلا لما علق احد الاخوان بمكان اخر ان عيالنا ماعودناهم يلبسونها من صغرهم فاكيد صعبه يلبسها بالكبر , اعتقد اذا استمر وضعنا على ماهو عليه راح تندثر الدشداشه الكويتيه مع ذهاب الجيل الحالي وقدوم الجيل الجديد بعد 10 او 15 سنه القادمه وماراح نشوف الدشداشه الكويتيه الا على كبار السن اللي هو احنا بعد 15 سنه ههههههه

 

[بن عيدان]

بما اننا ويك اند فقلت خل نغير بالواضيع , وبصراحه لقيت موضوع في احد المنتديات واعجبني لاني احسست بهذا الشي مع تحفظ على نقطه واحده بالموضوع .

السلام عليكم ورحمة الله وبركاته

الاسبوع اللي فات كانت ذاهب بجوله في مجمع 360 , والحقيقه ان كل من داخل المجمع كان يطالع فيني , تدرون ليش ,,,, لاني لابس دشداشه وغتره هههههه , طالعت حولي لقيت انا الوحيد اللي لابس دشداشه , الكل لابس بنطرون وقميص او تي شيرت او او او , المهم كلهم فنكي على قولتهم ,
والحقيقه اني احسست بالغربه داخل وطني ,

ليش التقليد الاعمى بكل شي , عادي تلبس مو مشكله , بس ليش صارت ظاهره واصبح الكل تقريبا متخلي عن الدشادشه واللبس الوطني المعبر لنا , يعني لو يوم تلبس سبورت ويوم تلبس دشداشه الوضع طبيعي , اما كل من داخل المجمع مافي واحد لابس دشداشه صراحه شي غريب , انا اخذت جولات بدول الخليج , واضرب مثال الامارات ودبي تحديدا المنفتحه اكثر منا ويوجد بها اجانب اكثر من شعبها ومولات اشكال والوان , كنت اشوف الاماراتيين بلبسهم الوطني والامور طبيعيه , بس صراحه داخل الكويت مادري شاللي صاير , >> غريب في وطني ,, اللي اصوله ايرانيه او غير عربيه اتوقع عادي يلبسون ويتخلون عن الدشداشه نهائيا لان اساسا لم يكونو يلبسون الدشداشه ولبسوها عندما اندمجو ويا العرب , بس مستغرب من باقي الحضر والبدو اللي اصولهم عربيه واحدادهم كلهم لبسو الدشادشه , ليش ماكو اعتزاز بالهويه داخل الوطن , بل ان وصلت بالبعض ينتقد وينتقص من يلبس الدشداشه هههه, ياحليل ربعنا اذا تطورو ماياخذون تنكنلوجيا من الغرب والتطور بالتعامل والحقوق والحريات , لا تطورهم محدود باللبس والعطورات والماركات هههه .

انا ادري البعض بيقول كبرت الموضوع , لكن جد هذا اللي حسيت فيه , اني غريب في وطني .

آكل على ذوقك وألبس على ذوق الناس ؟ ​

 

[Latino]

الكويت معاد هي الكويت الي نعرفها
لا اللبس لبسنا .. ولا الناس هم الناس

 

[سرمديه]

كنت أبحث بالقوقل وقريت هالموضوع وتحمست حددي
وقريت كل الردود ولا يهونون الكل بس رد أختي
كلاسيكيه اهوا أقرب رايي لي وما أزيد على حجيها حوف
ويعطيكم العافيه كلبوكم.

 

[بوالعيس بيك]

كنت أبحث بالقوقل وقريت هالموضوع وتحمست حددي
وقريت كل الردود ولا يهونون الكل بس رد أختي
كلاسيكيه اهوا أقرب رايي لي وما أزيد على حجيها حوف
ويعطيكم العافيه كلبوكم.

الله يعافيج

 

[الوحيد 1974]

انا برأيي انه الكاتب بالغ بالموضوع
انا عن نفسي بعض المرات البس الدشداشه والغتره ومرات البس سبورت ومالاحظت اي نظرات غريبه ولاشي

المصيبه موبالدشداشه والبنطرون المصيبه بالسلوك وتصرفات بعض الشباب
للأسف بعض شباب هالوقت تصرفاتهم بعيده عن عاداتنا وتقاليدنا
والسبب تربية الخدم

مادرى ليش انا معاك ب هالنقطه .

 

[بوالعيس بيك]

مادرى ليش انا معاك ب هالنقطه .

وأزيدك بعد
الحين الخدم من افريقيا عاد شوف ابداعات الجيل القادم

 

[رابح رابح]

النور نورك طال عمرك
ياهلا فيك اخوي رابح ليش قاطعنا ترا القطاعه موزينه
ولا يعني عشان السوق دق سلف ونسيتنا ههههههههه

اما بالنسبه لكلامك عن اللبس لبعض البنات او خلنا نقول بعض الشباب والبنات
اختصر الكلام واقول .. كلن علي حسب تربيته وبيئته ..

والله يستر من القادم

هلا بالغالي اخوي المحترم ابو العيس ارجو المعذره وحقك علي والله توني اشوف المشاركه

ماعاش اللي يقاطعكم .. اعضاء الاستراحه غاليين وبالقلب
اما سالفة السوق دق سلف هذي صح ياخوي هالسوق العجيب دمرنا ( سوق العجايب )
ابو العيس الحين التربيه تأثيرها نسبي واللي يربي حاليا المدرسه والانترنت وعلى فكره الدراسات العلميه الحاليه تقول :

70% من الطلبه لديهم معلومات تفوق معلومات المدرسين يعني ​

Out Of control​

.

 

[رابح رابح]

وأزيدك بعد
الحين الخدم من افريقيا عاد شوف ابداعات الجيل القادم

ابو العيس تونا مسفرين خدامتين فلبينيات لقينا عندهم مجموعة اشتراكات هواتف وممتلكات عجيبه وفلوس كانهم يديرون شبكه واكتشفنا انهم يصورون اليهال الصغار 3 سنين بالحمام (ما ادري شنو الغرض ) وصادتهم الكاميرات يطقون اليهال شي عجيب وغريب
وفوق هذا دفعنا تذاكر وخساره 1800 دينار ورحت يبت سيلانيه من مكتب ب 900 دينار واصله الكويت قبل اسبوعين والراتب 70 ماكله نايمه شاربه لابسه

 

[جواهر]

​

​

أسباب عزوف الشباب عن الدشداشه في نظري انها ما عادت تلبي احتياجات​

الشباب والرجل بشكل عام وهي زي غير عملي ​

​

انا اشيل معاي زقاير وتلفونين وشاحن تلفون وعطر وسكر طبيعي ​

ومسباح وكلينكس وبوك كل هالاغراض هذي يبيلهم كبت مو دشداشه​

طبعا لما الواحد يلبس الجينز والتي شيرت ومعاه جنطه صغيره يحط​

كل اغراضه يرتاح واموره طيبه​

​

اما لما اكون لابس دشداشه وشايل الجنطه كلش موشي واللي يشوفوني​

أكيد عبالهم وحده من الثنتين إما مطهر أو مصري يمثل دور خليجي​

​

أنا مع الزي الشعبي وملتزم فيه ولكن اشوف غيره عادي وطبيعي​

وبعدين رجعوا ١٠٠ سنه تقريبا راح تلقون الزي الكويتي يختلف​

عن زينا الشعبي اللي الحين ​

واشوف فعلا الدشداشه محتاجه تطوير لتفي باحتياجاتنا​

​

هذي سنة الحياه والتطور وتعاقب الاجيال ​

​

​

عليك تشبيه عجيييييييييب ههههههههههه

اشكر صاحب الموضوع ع الطرح

برأي واعتقادي ثقافة الزي الوطني وتمسك الشباب فيها هي تعتمد ع التربيه وغرزسها من الصغر بالابناء اضافه لتطبيقها بالمدارس والاعمال
الجيل الحالي تاثر بالموضات والتقليد والاهالي ساعدوا باهذا الشي للاسف تلقى طفل صغير كل ملابسه او اغلبها بناطيل وتشرتات
والاثواب مايلبسها الا بالمناسبه اعياد او زواج ،، يعني لا نلوم الشباب بس ،، صحيح الشاب يحب يواكب الموضه بس لو هو ممتعود ع الثوب
راح ينوع بين اسبور وثوب هذا رايي بالنسبه لعلاقة الشاب بالثوب

اما ان الثوب دلاله ع التمسك بالوطنيه اممممممم ماتفق كثير معها الوطنيه مو ثوب هي افعال ،، والثوب والغتره ماهم الا رمز ع جنسيه معينه
والنويع حلوو وتغير نفسيه وراحه ناس ترتاح بالبناطيل لانها عمليه بالحركه وناس ترتاح بالثوب سهل باللبس ومافيه تعقيد
المهم ان الشخص مايطمس ملامحه بالمره ويتشبه بالاجانب خاصه ان بعض الموضات مو شي ولا تستاهل تكون لرجل عربي يميزه الوقار
ولا نكون متقوقعين ع انفسنا بأتفه الاشياء

وزي ماذكر الكاتب ياريت ناخذ من الغرب مايفيدنا بالتطور
وكمان ناخذ منهم الموضه المناسبه لنا مع عدم تمسح هويتنا كــ عرب

وسلاااااامتكم

 

[كلاسيكيه]

وأزيدك بعد
الحين الخدم من افريقيا عاد شوف ابداعات الجيل القادم

راحت أيام الخدم يربون !!!!!
الحين طفل عمره ٦ سنوات عطه أي فون ولا اي باد شوفه شلون ماشاآالله عليه يشغله ويستعمله
أحسن مني ومنك ،،،،،،،!!!
الجيل الجديد هذا جيل التكنولوجيا جيل مرتبي وخالص ،،،،،
جيل مايعلمش فيه إلا ربنا هههههه
الله يحفظ شبابنا ويهديهم ،،،،
رأي هذا ليس على كل الناس بل على شريحه كبيره من المجتمع الخليجي والعربي ،،

 

[بوالعيس بيك]

ابو العيس تونا مسفرين خدامتين فلبينيات لقينا عندهم مجموعة اشتراكات هواتف وممتلكات عجيبه وفلوس كانهم يديرون شبكه واكتشفنا انهم يصورون اليهال الصغار 3 سنين بالحمام (ما ادري شنو الغرض ) وصادتهم الكاميرات يطقون اليهال شي عجيب وغريب
وفوق هذا دفعنا تذاكر وخساره 1800 دينار ورحت يبت سيلانيه من مكتب ب 900 دينار واصله الكويت قبل اسبوعين والراتب 70 ماكله نايمه شاربه لابسه

مشاكل الخدم ماتخلص
الله يكون بالعون