السلام عليكم
اخوي Free Trader كلام جميل لكن هم حولوا حسابي الى حساب متداول يومي ومثل ماقلت مااقدر اشتري وابيع بنفس اليوم
السؤال هل لو عملت 3 عمليات ابتداءً من الاسبوع القادم راح تتم جميع العمليات ام راح يكون فيه قيود الى فترة معينه. وفي حالة
تجاوزت الثلاث عمليات هل العمليات اللي بعدها تصبح مقيده بعدم الشراء والبيع بنفس اليوم ام انه يستمر الحساب مقيد لفترة محددة.
حياك الله اخوي بشرحلك على السريع وان شاء الله اكون وصلتلك المعلومه وسامحنا على القصور لاني بالدوام

في بدايه الحساب لما تكون عمليات المضاربه عندك كثيره وعددها يعتمد على الوسيط نفسه وفي الغالب خمس عمليات خلال اسبوع راح يتحول الحساب العادي الى حساب مضاربه (اكتف تريدر ) كخدمه منهم علشان يعطونك فرص اكثر للمضاربه ويفتحون لك المارجن اربع اضعاف بدل لايكون ضعفين
لكن هذي تنفع للي حساباتهم فوق 25 الف علشان ما تنطبق عليه العقوبه
اما نفس حالتك اخوي اقل من 25 الف يعطونك اكتف تردر نعم لكن لازلت مقيد بالشروط المعروفه وهي عدم المضاربه المستمره ثلاث عمليات خلال خمس ايام عمل
وفي حاله مخالفتك للشرط يتم تنفيذ الشرط الجزائي وهو حرمانك من المارجن ويصبح حسابع حساب عادي (كاش ) فقط وهذا الحساب تكون فيه العمليات بطيئه نوعا ما بحيث انك لو بعت اليوم اي سهم ماراح تنزل الفلوس الا بعد 3 ايام تقريبا فهالشي يجبرك انك ما تقدر تشتري مره ثانيه بسرعه فيصير حسابك او عملياتك نوعا ما بطيئه ومحكومه بالكاش الموجود
اشرحها لك بالارقام
انت محفظتك 10000 شريت 1000سهم سعره 5 دولار يصبح الان باقيلك من الكاش فقط 5000 دولار
لو بعت السهم في اليوم نفسه او اي يوم اخر وتبي تشتري على طول سهم ثاني ماراح تقدر تشتري الا بالكاش الموجود وهو 5000 لان سعر بيع السهم الاول يكون مانزل بمحفظتك
وهكذا
سؤالك الاخير في حال التجاوز ... تطبق عليك العقوبه 100 يوم يعني تقريبا 3 شهور ويرجع طبيعي مالم تخالف الشروط اثناء الفتره
....
كل ماعليك الان هو انك تتاكد العقوبه مطبقه عليك ولا بعد ... اذا للحين وانه اللي وصلك مجرد انذار فحافظ على شغلك بالشروط الموجوده يعني الركاده زينه

اما اذا تم تطبيق العقوبه عليك .. تقدر تكلمهم وتشرح لهم انك اول مره تسوي هالشي وانك جديد على هالقوانين راح يرسلون كتاب الى المقاصه واتوقع يسامحونك لاول مره ويرجع الوضع طبيعي واذا ماصار هالشي راح يكون حسابك كاش فقط اللي شرحتلك فوق عنه
اتمنى اكون جاوبتك بالجواب الواضح
واي خدمه حاضر