بيت التمويل الخليجي ........( تمويل خليج )

[BOAHMAD]

احلى فرصه للمضاربه بنص فلس

 

[AlBustan]

اتوقع العروض الحين تنسحب و نشوف رفعة بسيطة

 

[GREENBLOWICE]

اتوقع العروض الحين تنسحب و نشوف رفعة بسيطة

الظاهر ردينا لسالفة النص فلس و فلس بس بسعر أعلى من قبل بدلاً من 32.5 و 33 صارت 37 و 37.5

 

[AlBustan]

رحنا فيها ملح

شردة

 

[wwwQ8]

عوار بطن اي

 

[BOAHMAD]

اشربوا شاي مر يوقّف الاسهال

 

[ADEL ALAZMI]

اشربوا شاي مر يوقّف الاسهال

ههههههههههه مايلحق

 

[wwwQ8]

ممتاز سكر الفجوه علي
36 فلس تتوقعون هذا هدفه من النزول

 

[أبو عمر]

أغلق الفجوه 36
أكو شي ثاني بعد !

 

[wwwQ8]

أغلق الفجوه 36
أكو شي ثاني بعد !

شنهووووووووووووووووووووووووووو بو عمر
الحين مافي صبر قولنا الله يرحم والدينك خل الرجفه ترووووح

 

[حربي وربي الله]

الحين انفث على السهم واقرأ عليه
ويرتفع ان شاء الله

 

[wwwQ8]

الحين انفث على السهم واقرأ عليه
ويرتفع ان شاء الله

ابصرعه اقرا وريح نفسك وريحنا معك

 

[faisel 2]

ال١٥مليون سهم مطلوب بالحد الاعلى أمس ..وينهم الحين ؟!

 

[wwwQ8]

أغلق الفجوه 36
أكو شي ثاني بعد !

شنهووو الشي الثاني بو عمر

 

[حربي وربي الله]

ابصرعه اقرا وريح نفسك وريحنا معك

خخخخخخخخخخخخخ
هههههههههههههه

 

[BOAHMAD]

الحين انفث على السهم واقرأ عليه
ويرتفع ان شاء الله

سهم مجنون ماتنفع معاه القرايه .. ماله غير الطب النفسي
تشوف التداول كأنهم شباب حفر الباطن بالتقحيص ..

 

[GREENBLOWICE]

الواحد قاعد يفكر ... ليش أمس بكويت الإقتصاديه إذكروا سالفة أحمد رجب و كذا مضارب بأنهم سوف يطلعون من التمويل فى نهاية الأسبوع و جني الأرباح .. ماكو مضارب كبير و محفظه و كذا مضارب يستكفون بخمس فلوسات و يطلعون من السهم ، المعروف بالسوق إذا تم دخول مضاربين كبار و محافظ لابد إنهم يستمرون برفع السهم لفوووق لخانة الخمسينات و الستينات و السبعينات مع تبادل المراكز فى كل خانه أما الدخول ليومين فقط و من ثم النشر قبل خروجهم و إنه فقط ليومين هذا شنو معناها ؟ ما لقيت تفسير غير ثلاث تفسيرات و هم كالأتى :
1- ضرب أحمد رجب و ربعه من المضاربين الأخرين و هم الخصوم حتى نشر الذعر بين الصغار و البيع العشوائى .
2- أو التعمد لنشر هذا الخبر من قبلهم حتى يتم جمع أكبر عدد من الأسهم بالأسعار القديمه و من ثم الرفع بعد التشبع .
3- أو تعمد الجناحى لنشر هذا الخبر حتى لا يرفع السهم لأعلى و يستطيع جمع السهم بنفس الأسعار القديمه و نحن نعلم جميعاً إنه يملك محفظه و مو من صالحه أن السهم يرتفع .

 

[yousef-1]

أغلق الفجوه 36
أكو شي ثاني بعد !

انت ذهب يا بو عمر عسى الله يجزاك عنا خير ,

( سكر الفجوه ونازل ركاب من الباص وان شاء الله يكمل الرحلة للأربعينات )
(( خفف الحمولة ))

 

[أبو عمر]

شنهووووووووووووووووووووووووووو بو عمر
الحين مافي صبر قولنا الله يرحم والدينك خل الرجفه ترووووح

ههههههههه
السهم مؤشراته متضخمه من أمس ولازم يصحح وهذا اللي حصل و ماكو الا كل خير ان شاء الله
والله أعلم

 

[روانور]

صباحكم خير و بركة ... يلي يهمه ” تمويل خليج ” اليوم في برنامج المؤشر أعلن البرنامج أنه . الساعة 12,5 مندوب عن الشركة لتوضيح بعض النقاط و التساؤلات عن الشركة و بعض النقاط المبهمة .......