بيت التمويل الخليجي ........( تمويل خليج )

[BOAHMAD]

الحمدالله انه ماصار تحذف على 37.5 مثل ماكان يبي المضارب

 

[مستثمر لم يحظى]

بما انّه علّق مبكّر اتوقع والله اعلم راح يصير في خض لل 37.5 فلس ومن ثم يغلق على تعليقه

والله اعلم

تحليلك كان افضل تحليل

بالتوفيق

 

[نجوم777]

اتمني ان اليوم بعد ماعلق وبتخويفه خفيفه ان يكون غدا نفس السيناريو ... احساسي يقول يبون يرفعونه بس هم يبون يستفيدون من عروضهم الي تخوف البعض ويقوم يعرض الي عنده لجنيهم السهم بأرخص مايمكن

 

[al7boob_77]

تدوال الامارات بحدود153 مليون سهم​

تداول الكويت بحدود 107 مليون سهم​

 

[أبو عمر]

تحليلك كان افضل تحليل

بالتوفيق

فعلاً !

بدون تجريح وبدون ان نزعل احد من الاخوه الاعضاء
الان يتم دخول المطبلين كالعاده عند ارتفاع السهم وتداوله بكميات عاليه .. وبعد الصعود يتم التصريف وتختفي بعض الاصوات
الحذر واجب ياشباب .. حاولوا لو مرّه وحده ماتنصادون .. ترى القرقور لايزال يشيل

 

[نواخذة الكويت]

مبروك الأرتفاع ومنها للأعلى يا رب
وأجمل ما حدث في جلسة اليوم ...التعليقة في ظل نزول السوق وهذا دليل على رغبة صانع السوق في ترك خانت الثلاثينات
موفقين ان شاء الله

 

[سوق الاوراق]

السلام عليكم
ما شاء الله تبارك الرحمن .
الكل فرحان ومستانس عسى دوم ان شاء الله .
لا يسعني اليوم الا ان اشكر جميع الاخوة المحللين الكرام واشكر جميع الاعضاءالصابرين .

 

[المستحيل]

متفائل ما بعد التداولات الكبيرة

لابد يطلع خبر ايجابي اتمنى يكون استرجاع جزء من المخصصات او تحقيق ارباح ممتازة والاستمرار في الربحية

 

[AlBustan]

 

[BOAHMAD]

فعلاً !

يابوعمر احنا مانتصيّد على بعض
انا تكلمت عن تداول اليوم انه يصير في خض وتعليقه
امّا كلامي اللّي انت اقتبسته مو اليوم وقته واتمنى انه مايصير .. الكميّات المتداوله مايصير عليها تصريف بالوقت الحالي ..
انت ابخص منّي بالسوق وبالسهم هذا بالذّات .. تشوف كميّاته المتداوله تقول في شي موطبيعي وتتفاجأ بعد فتره ولاّ ماكو شي غير المضاربه ...
ارجو انك ماتفهم كلامي انه موجّه لك او لاي شخص من الاخوه الاعضاء المحترمين .. كلامي من واقع خبره ومتابعه للسهم ..
للعلم انا من المتدبسين بالسهم باسعار عاليه واتمنى اطلع منّه براس مالي ماابي ربح
السموحه يابوعمر اذا كان كلامي ضايقك

 

[zizo 40]

صبحك الله بالنور و السرور

حركة السهم بدبي اليوم ابطاء عن الايام السابقة حيث بالايام السابقة مجرد ما يرتفع بالكويت نصف فلس يرتفع بدبي 2 فلس

اليوم نشوف العكس ينزل بالكويت نصف فلس من 38.5 الى 38 و عقبها ينزل بدبي 1.5 فلس يعني اتوقع جني ارباح قريب بدبي ان لم يكون اليوم يمكن غدا و الله اعلم

أخوى البستان كلامك سليم وأنا لاحظت هالشى, المهم الحين الكل يكون حذر, لإنه صار تصريف فى دبى آخر نص ساعه, لذلك أتمنى من الأخوان مراقبة حركة السهم فى دبى فى بداية التداول, وإذا صار جنى أرباح ما حد يزعل, هذا أمر صحى حتى يرد ويرتفع بطريقه صحيحه, ولا ننسى الدعوم والمقاومات, الحبيب بو عمر وغيره من المحللين ذكروها فى أكثر من مناسبه, بالتوفيق للجميع

 

[الاوروبي]

فعلاً !

فعلاً !

هههه ماتخدشي بالك ياريس

 

[( عتيج )]

خروج والله يوفق ملاكه مبروكين الحد الأعلا اكتفيت
وان شاء الله يواصل وتفرحون يا اخوان

 

[نجوم777]

بما انّه علّق مبكّر اتوقع والله اعلم راح يصير في خض لل 37.5 فلس ومن ثم يغلق على تعليقه

والله اعلم

غريبه كلامك صح لايكون انت صانع السهم؟؟؟؟

 

[أبو عمر]

يابوعمر احنا مانتصيّد على بعض
انا تكلمت عن تداول اليوم انه يصير في خض وتعليقه
امّا كلامي اللّي انت اقتبسته مو اليوم وقته واتمنى انه مايصير .. الكميّات المتداوله مايصير عليها تصريف بالوقت الحالي ..
انت ابخص منّي بالسوق وبالسهم هذا بالذّات .. تشوف كميّاته المتداوله تقول في شي موطبيعي وتتفاجأ بعد فتره ولاّ ماكو شي غير المضاربه ...
ارجو انك ماتفهم كلامي انه موجّه لك او لاي شخص من الاخوه الاعضاء المحترمين .. كلامي من واقع خبره ومتابعه للسهم ..
للعلم انا من المتدبسين بالسهم باسعار عاليه واتمنى اطلع منّه براس مالي ماابي ربح
السموحه يابوعمر اذا كان كلامي ضايقك

يا بو أحمد ماني متضايق ،، الحمد لله رابح من هالسهم الى الآن.

لكن كان هذا كلامك اليوم الصبح قبل التداول:
"الان يتم دخول المطبلين كالعاده عند ارتفاع السهم وتداوله بكميات عاليه .. وبعد الصعود يتم التصريف وتختفي بعض الاصوات
الحذر واجب ياشباب .. حاولوا لو مرّه وحده ماتنصادون .. ترى القرقور لايزال يشيل"

شلون نفسر هالكلام وشلون هذا أفضل تحليل والسهم أغلق مطلوب بالحد الأعلى وانت تقول تصريف وديروا بالكم ؟

أما مساله ينزل مع السوق ويرتفع مره ثانيه فهذي متوقعه لتعديل المؤشرات استعداداً للاستمرار في الصعود .

 

[مستثمر لم يحظى]

السلام عليكم

بوعمر الغالي اتمنى الا تكون رسالتي مزعجة لك فالكتابة مختلفة عن التعبير المرئي , انا لا اقصد اي اساءة لك او غيرك وانت يمكن تخبرني من زمان ايام النقاش مع الدكتور اندبث ومعاك

ما كنت اقصده من تحليل بواحمد انه هوا الذي توقع الخضة الي بتصير عند 37.5 ويرجع يعلق السهم وهذا ما كنت اقصده في افضل تحليل لليوم

وانا يشهد الله لا اعرفك شخصيا ولا اعرف بواحمد شخصيا الا معرفتي فيكم في هذا المنتدى الطيب الي عرفني على اشخاص طيبين وخدومين امثالك وعسى الله يكثرهم

انتم ناس مشهود لكم ولا املك بأن اعلق على احد منكم او انتقده
وانا املك بالسهم واتابع بشكل يومي وبصمت واعلق لحظة الحاجة الى تعليق فقط وما غيره اتركه لكم انتم اهل الخبرة والاختصاص

بارك لكم وبارك فيكم ورزقكم من حيث لا تعلمون

 

[نواخذة الكويت]

السلام عليكم ... أتمنى اكون تركيزنا على السهم ابعيد عن التناحر والكلام اللي لا يودي ولا يجب انا قلت وانت قلت وتصريف .. وناس اتقول محافظ ومستثمرين كبار داشين على السهم
وبالدبي السهم ارتفع والبحرين السهم نزل وقيل وقال ... الخ
اللي يكتب يعبر عن احساسه وليست معلومة خلو على راحته وكل واحد وراسه يعرف خلاصه وثانياا اللي يقول محافظ ومستثمرين كباااار ترى أمس القيمة 3 مليون يعني لو في تاجر بسوق خاطره يلعب بالسهم راح يقدر ان يلعب كله 33 فلس ... ورأيي المتواضع قسمة ال3 مليون كالآتي
مليون من صانع السوق ... مليون من أي محفظه ولا تاجر اصغير ... المهم بالمليون الأخير اللي أهم الرغابه على السهم اللي خاطرهم في من زمان بس كان امتنح أول ما تحرك انكبوا عليه
وثالثااا لا تربطون سهمنا ابسهم غيرنا علينا من تمويل الخليجي اللي بالكويت فقط ... واللي في نظري ما استفاد من أي ارتفاع للسوق ولا من معنه سهم ممتاز
ورابعاا / ما اعتقد يسعف صانع السوق التصريف تحت ال 40 فلس
وسامحوني على الاطالة ولاكن وجهة نظر مني تحتمل الخطأ والصواب ... الله يرزكم ويرزقنا ان شاء الله

 

[أبو عمر]

السلام عليكم

بوعمر الغالي اتمنى الا تكون رسالتي مزعجة لك فالكتابة مختلفة عن التعبير المرئي , انا لا اقصد اي اساءة لك او غيرك وانت يمكن تخبرني من زمان ايام النقاش مع الدكتور اندبث ومعاك

ما كنت اقصده من تحليل بواحمد انه هوا الذي توقع الخضة الي بتصير عند 37.5 ويرجع يعلق السهم وهذا ما كنت اقصده في افضل تحليل لليوم

وانا يشهد الله لا اعرفك شخصيا ولا اعرف بواحمد شخصيا الا معرفتي فيكم في هذا المنتدى الطيب الي عرفني على اشخاص طيبين وخدومين امثالك وعسى الله يكثرهم

انتم ناس مشهود لكم ولا املك بأن اعلق على احد منكم او انتقده
وانا املك بالسهم واتابع بشكل يومي وبصمت واعلق لحظة الحاجة الى تعليق فقط وما غيره اتركه لكم انتم اهل الخبرة والاختصاص

بارك لكم وبارك فيكم ورزقكم من حيث لا تعلمون

جزاك الله خير
ماكو شي مقصود منه تجريح الغير ،، مجرد استفسار ونقاش أخوي
الموضوع منتهي
شكرا لك و لبو أحمد

 

[HURRICANE]

....

• شكله سكر دبي على ٤٠ فلس كويتي.
• قريب من حده الادنى تداول اليوم.
• هل يواصل التقدم في الكويت ...للحاق بسعر دبي !!
• أم يحدث العكس !!
• ينخفض في دبي ... انتظارا للكويت.
• أما شغلة "الأربتراج" - محاكاة سعر بين الأسواق - شغله مثيره.
• بس يبيلها مصادر كبيره ... سواء من ناحية الكادر أو المال.
• و إلا في فرصه متاحة للربح السريع مثل إختلاف سعر نفس السلعة بين سوقين
• عسى إن يستمر الزخم باكر. و ما يروس
• لأنه الفارق تقلص إلى ١،٥ فلس بين كويت - دبي.
• بالتوفيق.

........

 

[BOAHMAD]

كلامك عين الصواب وعدّاك العيب يااخ famous
كلامي واضح وقصدي مفهوم للّي بيفهمه
نترك الصفحه للاخوه المحللين واصحاب الاخبار الطيبه وفالكم الربع دينار