قلم حر
عضو مميز
قبل ١٠ ايام تقريبا كنت سافط انطر الولد بالهده وكنت سافط
بعيد شويه عن الزحمه وصل الولد وركب وقبل ماحرك فيه وحده
أشرت لي ووقفت وقربت مني ونزلت الجام والسلام السلام
البنت صغيره تقريبا عمرها ٢٢ والشعر أشقر ولابسه بنطلون
المهم قالت لي الولد ماحترمني بالحصه ونرفزني و. و . و
وأنا ترى عطيته استدعاء ولي أمر
خذيت بخاطرها وقلت لها الولد جدامج شنو تبين العقاب ؟
تبين أنزله جدامج الحين وأطقه او بالبيت أعاقبه ؟
قالت عليك الله ماتطقه بس كلمه
أوك أوك مع السلامه مع السلامه
وصلنا البيت هاوشت الولد وعيب هذي ابله و.و. و ولازم تحترمها
سمعت الحكومه بالسالفه وصارت كيف وليه ؟!
هذي اشلون تسمح لنفسها تكلم ولي أمر بالشارع ؟
قلت أنا شكو روحي كلميها ؟!
جان تلتفت ع الولد اشلون شكلها والخبل قال شقرا وصغيره
ولابسه بنطلون وولعت الحكومه وقالت ماتروح لهم باجر
وهديتهم شوي وقلت خل يولون ماروح
ومن سوالف ايه والله الابله غلطانه ومايصير جذيه
وانا مالي ذنب وتفهمواالوضع وقلت الحمدلله افتكيت
المهم نسينا السالفه وقاعدين نتقهوا المغرب بالبيت
جان يقولي الولد بحضور الحكومه يبه انت تعرف تتكلم حضري
قلت له اشلون ؟
جان يقول تكلم الابله حضري !!
الخبل ولع السالفه من جديد وصرت متهم وعبالهم اتميلح
عند الابله وسوالف واسبوع يالله هدت الامور
.