znga

[الصريح والصحيح]

اسمحيلي الصريح مارجن شنو لاني جديد

تامر أمر مارجن يعني تقدر تشتري با الف دينار اسهم بقيمة 15 الف دينار وتقدر تاخذ صاعد ونازل نزل برنامج سكسو بنك او plus500
واطلع عليه يفيدك كثير با السوق الامريكي والاوربي والاسترالي بس انصحك لا تشتري غير الاسهم واسهم العمود الفقري لكل سوق سهم مثل زنقا خله للمغامره وبفلوس الربح

 

[meshal1]

الله يسلمك مايمر عليك عدو واقدر اتداول عن طريق البنك الوطني بل المارجن

 

[meshal1]

راح اتعبك معاي شوي الصريح بس بعرف الطريقه يعني اذا شريت سهم زنقا علا هل السعر بل المارجن وارتفع السهم كم الربح يعني نفس الاوبشن

 

[الصريح والصحيح]

للأسف الوطني مايوفر الخدمه هذي ولا بنك با الكويت يوفرها حسب معلوماتي لنها خطيره وتحتاج محترف يقراء السوق والشركات جيدا وقد لا يسلم

 

[الصريح والصحيح]

حسب الكميه يعني مثال أنا عندي الفين دينار يصيرون 30الف دينار يعني تقريبا 100 الف دولار تقدر تشتري زنقا 40الف سهم وأحسب الربح والخساره

 

[meshal1]

انزين وشلون اقدر افتح محفظه عند بنك سكسو او بلس500 وهل معاملتهم نظيفه

 

[الصريح والصحيح]

بلس 500 عليها كلام مو زين مع انني اتعامل معها لم الحظ عليهم شي غير ايقاف سهم amd عن البيع والشراء عندما نزل تحت الدولارين لمده تجاوزة خمس ايام
ان كنت عازم جرب ساكسو بنك اظمن نزل برنامجه تجد أعلانه با المنتدي وأتبع ارشاداتهم

 

[meshal1]

الله يعطيك العافيه الصريح وتعبتك معاي

 

[الصريح والصحيح]

العفو عزيز

بس ديربالك لا تشتغل بمبلغ كبير ترى يحسبون ولا تحط اكثر من الف دينار واشتر اسهم مثل
dal
dell
لا تأخذ اكثر من الف سهم وخلك مظارب تطلع خير ولا تقرب لا اسهم تحت عشره دولار ولا الأسهم اللتي فرقات البيع والشراء أكثر من ثلاثه سنت
موفق خير

 

[meshal1]

تسلم ياالصريح بس زنقا تحت العشره دولار وامد تحت العشره دولار يعني ماتنصح فيهم

 

[الصريح والصحيح]

amd ما انصح فيه لكن زنقا يستحق المغامره للمحترف
انتبه مغامره اما الاسهم القويه تقدر تقراء السوق وتقرر عليها وانت مرتاح وتاخذفروقات عشره سنت وانت مرتاح يوميا

 

[الصريح والصحيح]

بعدين لزم تراقب السهم وطريقة تداوله في الطلب والعرض وسلوكه عند نزول السوق وصعوده والكميات بطلب والعرض حتي تقرر هل هو صاعد ام نازل وتراقب تشارته الاسبوعي واليومي والسنوي ونشاطه وقطاعه حتى تقارنه مع غيره في نفس القطاع امور كثيره راح تكسبها مع الممارسه
انا اتعامل با المارجن وشركات خارجيه واتابع التداول اليومي عن طريق كميفك شركه كويتيه

 

[الصريح والصحيح]

يعني سهم زنقا الأن طالب 78 الف وعارض كثرهم والسوق باط اكثر من 100 نقطه معناته سهم عليه كنترول قوي ومملوك بنسبه كبيره نستنتج انه ذاهب للأعلا ونحسب حسيت تصفية المظاربين ونشتريه ومع ذالك توقع كل شي انا عن نفسي اراقبه وحاط العين عليه

 

[meshal1]

انزين شرايك بسهم sina

 

[الصريح والصحيح]

انزين شرايك بسهم sina

ما أقدر افيدك بسهم لم أراقبه
ولكن الشركات الصينيه تخرع
خلك با المعروف ومن ترى منتجاته ومتأكد من نشاطه

 

[meshal1]

اخر طلب الصريح بغيت المنتديات الاسهم الامريكيه بس بل اللغه العربيه

 

[الصريح والصحيح]

اخر طلب الصريح بغيت المنتديات الاسهم الامريكيه بس بل اللغه العربيه

للأسف أخي العزيز ما أتابع منتديات ولكن بكل تأكيد هناك منتديات تتخصص با الأسواق الأمريكيه تستطيع أن تبحث وتصل لها بكل يسر
والله يوفق الجميع وكل عام وأنت بخير

 

[الصريح والصحيح]

السوق الأمريكي كسر 13الف وأرتد وأقفل في الأمس فوق 13الف وهنا الكلام على الداو جونز ومن يتابع السوق يجد أن الأسهم با الغالب لا تتفاعل مع الداو بستثناء أسهم المؤشرات
السوق ينظر لا سعر صرف الدولار مقابل العملات
والضرائب ومكونات الصناعه من سلع أكثر من الداو جونز نفسه ومن الملاحظ أن الداو جونز يلاعب القمه أن ثبت فوق رقم النحس الأنجليزي 13 هذا الرقم لن يثبت عليه طويلا قد يذهب فوقه وهو الأغلب لن المؤمره نظريه موجوده حتى في الأقتصاد وأما أن يزبن على رقم 10 وهنا الأمر يجب أن يحدده المطلع على الأقتصاد الأمريكي أن كان يرى أن الأقتصاد الأمريكى قوي فا سوف يرجع الداو للعشره الف ويلاعبها وان كان ضعيف فا المؤمرات ورسم التشارتات قد يصل في المؤشر لا أرقام لا تدخل المخ ولا المخيخ ولا النخاع المستطيل
النفط ذاهب لا محاله فوق الميه وخمسين للبرميل مجرد وقت المسئله
الذهب سوف يلعب بين الف وخمسمائه والألفين مده طويله قبل أن ينزل لا 800دولار للأوقيه وهو السعر المستهدف بأقل الخسائر مع الوقت المسئله تصريف الكميات اللتي تم الأستحواذ عليها با أسعار منخفضه
باقي السلع عليك أن تنظر لا عدد سكان العالم والتطلبات الأساسيه والقدره الشرائيه وتحدد سعرها

 

[meshal1]

مشكور الصريح

 

[الصريح والصحيح]

السلام عليكم
عجيب ما حدث في تداول الأمس ابوجنز الداوجونز يشد والدولار يشد والنفط يشد والذهب يشد والأسهم تشد
الله يعين الوانيت الى مشددهم فحم وهلك أمس وهو يحمل بس أن شاء الله مايكون الهدف السرقه للدول وأنت صاعد ها المره ونروح ضحايا وحنا نبيع على المكشوف